هل طبعك ... الصمت لما تتألم ؟

[Sara Gamal]

يااااااااااااااااااااااااااااااااااااااااااااااااا ااه ياجودى عارفة إنتى عملتى ايه بالكلام ده

كانك جيتى بايدك وضغطتى اوى على جراح بنتوهم انها طابت واتقفلت

بس تعرفى كلامك يمكن يكون مطهر يقضى على الجروح دى ...اتمنى ده

بس انا هكلمك عن نفسى ومش عارفة ممكن اتوصف ازاى بس انا زمان اتحطيت فى الموقف ده بس للاسف معرفتش ارجع تانى وقتها شبهت اللى حصل بشخص عنده تبلوه جميل غالى اوى كل يوم يصبح يلمعه ويزينه ومرة واحده وهو بيلمعه وقع اتكسر ورغم انه لو حاول يلزقه هيرجع تانى وممكن محدش ياخد باله من الشرخ اللى فيه الا انه هيفضل هو الوحيد اللى شايفه وهيفضل جواه خوف يقرب منه يقع يكسر تانى

عارفه كمان شبه بركه مايه صافيه وجميله بيتشرب منه بس لو اقل حاجه عكرتها عمرها مهترجع ابدا زى الاول

عارفة وقتها سكت يمكن كان عجز او صدمة او خوف انى ارد الجرح بجرح بس اقنعت نفسى بشىء وصدقته ومازلت مصدقاه الشخص اللى انت حبيته ده مات مات قبل ميجرحك بلحظه واحده وبالتالى انا كل اللى محتفظه بيه من صور جوايا مفهمش صورة الجرح ده بس فى نفس الوقت الشخص ده مات ومات للابد ......واللى بيموت مش بيرجع تانى ابدا

يمكن ده عشان انا فعلا طبعى الصمت مكنش ينفع ارجع وانا مش قادرة اكلم جايز ده صح جايز ده غلط.....بس من يستطيع ان يجرحك لا يملك ان يطيب هذا الجرح

بشكرك ياجودى على الموضوع ده

[خالد أبوسعده]

يااااااااااه يا جودى
و الله كأنك حاسة بالى جوايا
انا بجد من جوايا فاضلى شويه و انفجر
اول مرة اضعف قدام حاجة
و بجد عمرى ما كنت اعرف اتعامل مع الناس بغير الي جوايا
بس مش قادر
حاسس انى متكتف و مش قادر اتكلم
بهزر و بضحك قدام الناس
بس جوايا لا
بقيت بكره اقعد افكر مع نفسى
لانى كل مرة بوصل لدرجة تخلينى اعمل اى حاجة

معلش وجعتلك دماغك
شكرا علي موضوعك الجميل