رغم كل شىء ...أطلق سراحه

[خالد أبوسعده]

إذا أردت شيئا بقوة فأطلق سراحة فإن عاد اليك فإنه لك وإن لم يعد فإنه لم يكن لك من البداية

كثيرا ما نسمع هذه المقولة



فهل حاولنا مرة ان نفكر فيها جيدا ؟؟
وهل اذا حدث ذلك حاولنا ان نؤمن بها؟؟
ونصدق بان الشئ الذى نريدة لا نجعله عالقا باذهاننا لدرجة المرض به
لا بل كن متاكد انه من الممكن ان يكون لك
ومن الممكن ان لا يكون
وهذا يرجع لقضاء الله وقدرة
فالله المقدر
فلا تحزن على شئ فقد
ولاتحزن على شئ يفقد
ولا تفكر فى المفقود فتفقد الموجود
فالله يرسل لنا امانة وياخدها وقت ما يشاء
فهل لنا من ان نحزن على فقد هذا الشئ ؟
فهذا شئ لن يكن من حقنا . فلماذا نحزن ؟
فهذا يكون جحود من بنى البشر
تاكد ان الله لو كتب لك ان هذا الشئ لك
لا ياخذه غيرك مهما حدث
وتاكد من انه لو لم يكتبه لك

فلم ولن يكن لك ابدا مهما حاولت
فلابد من ان نكون على قدر كبير من الايمان بالله وعدم التذمر على المصائب او على الشئ الذى نفقده
حتى لا يكون اعتراض على امر الله وقدره

اتمنى ان يتفهم الجميع وجهه نظرى
وان نعمل جميعا تحت شعار
(( قل لن يصيبنا الا ماكتب الله لنا))
و
(( إذا اردت شيئا بقوة فأطلق سراحة فإن عاد اليك فانه لك وإن لم يعد فإنه لم يكن لك من البداية ))

[Sara Gamal]

والله ياخالد كلام جميل أحييك عليه

أجمل حاجة فيه هو الايمان بقضاء الله وقدره
لكن انا مش مع المقولة دى ...انا شايفة إنك لو اردت شئ تمسك بيه اعمل كل ما فى وسعك حتى يكون لك واجعل ثقتك بالله عز وجل هى القائد ليك فى تمسكك بالشئ ده فإن كان لك فهو قضاء الله وهو خير وإن لم يكن لك فهو أيضا قضاء الله وهو خير ايضا ...لكن يكفى انك هتعمل اللى عليك هتحس انك قومت بما يجب تجاه الشئ ده لان ندمك على فقده بدون اى فعل تجاهه هيكون اكبر بكتير من حزنك عليه لو فقدته بد ما استفذت كل الوسائل فيه

وعلى رأى الشاعر
وما نيل المطالب بالتمنى*****ولكن تؤخذ الدنيا غلابا

[خالد أبوسعده]

بس ساعات يا ساره الواحد مبيقدرش يتمسك بالشىء دا
و خصوصا لو كان مش بتاعه
مع انه بيكون عايزه اوى
بس ميقدرش

[Sara Gamal]

طب مهو ياخالد طالما هو من الاول عارف انه مش بتاعه عايزه ليه؟؟

ولا جايز هو بيقنع نفسه انه مش بتاعه عشان يبرر لنفسه ضياع الشئ منه

انا عموما بتكلم على الاشياء اللى فى حياتنا اللى ممكن بالارادة والصبر وقبل كل شئ الثقه بالله ممكن تكون لينا من غير متكون بتاعت حد تانى وناخدها

[خالد أبوسعده]

طب مهو ياخالد طالما هو من الاول عارف انه مش بتاعه عايزه ليه؟؟

ولا جايز هو بيقنع نفسه انه مش بتاعه عشان يبرر لنفسه ضياع الشئ منه

انا عموما بتكلم على الاشياء اللى فى حياتنا اللى ممكن بالارادة والصبر وقبل كل شئ الثقه بالله ممكن تكون لينا من غير متكون بتاعت حد تانى وناخدها

صح يا ساره انا معاكى
و كل واحد بياخد نصيبه

[Mimi]

واضح انك مؤمن بيها جدآ ياخالد لدرجة انها خليتها في توقيعك ، انا كمان مؤمنة بيها

بس عايزه اقول لسارة ان كلامها منطقي جدآ بس فعلا انا لما ببقى نفسي في حاجة اوي مش بتحصل

ولو طيرتها من دماغي بلاقيها جاتني ولمست الموضوع دا كتير

متهيألي الحاجة اللي بنتمسك بيها اللي يقصدها خالد هيا حاجة انتي شايفاها صعبة المنال بس بتتمنيها اوي للدرجة اللي ممكن لو اتمسكتي بيها جامد تضيعيها منك

[خالد أبوسعده]

واضح انك مؤمن بيها جدآ ياخالد لدرجة انها خليتها في توقيعك ، انا كمان مؤمنة بيها

بس عايزه اقول لسارة ان كلامها منطقي جدآ بس فعلا انا لما ببقى نفسي في حاجة اوي مش بتحصل

ولو طيرتها من دماغي بلاقيها جاتني ولمست الموضوع دا كتير

متهيألي الحاجة اللي بنتمسك بيها اللي يقصدها خالد هيا حاجة انتي شايفاها صعبة المنال بس بتتمنيها اوي للدرجة اللي ممكن لو اتمسكتي بيها جامد تضيعيها منك

صح يا جودى
و الله انتى بتتكلمى صح جدا
و حتى لو الحاجة دى مرجعتش
نصيبك حتاخديه لو اجتمع الناس كلها علي انك متخدهوش

[Marwa Magdy]

طب لما الحاجة ديه ترجع وبتتحايل عليك انك توافق
تقبل ولا لأ
فى حين انك نسيتها خلاص
ومش محتجلها خالص
بس هى اللى محتجاك

[ميرا مار]

دى دعوة جميلة قوى يا خالد
بس احذر
لا ن زى مابيقولو مابين الجبن وراحة البال يادوب خيط..

بمعنى...انى لا اتواكل بل اتوكل على الله
والفرق التواكل ..انى اقعد فى بيتى واستنى بقى النصيب
لكن التوكل ..انى اسعى واجتهد وافكر واقرر واتصرف وقبل كل شئ
يكون فى قلبى ايمان راسخ بان الله معى واستعين به واسمى الله قبل بداية اى عمل


يعنى عايزة اقول..انى لازم افكر واقرر خياراتى فى الحياه بنفسى
وسواء كانت النتيجة خير او شر .......احمد الله كثيرا
((وعسى ان تكرهوا شيئا ..ويجعل الله فيه خيرا كثيرا))

شكرا خالد
الموضوع جميل بجد

[witch evil]

كلام جميل جدا وبجد المقوله دى لو الواحد يعمل بيها حيرتاح من حاجات كتير

احيك على موضوعك

بس كنت عايزه انبهه لحاجه قبل ما الواحد ينفذ المقوله دى لازم يعمل شئ
يكون اجابى فى الاول

مجتش خلاص

لكن مش مثلا انا عايزه ادخل مساحه فقول اذا اردت شئ فاطلق سراحه
ومذكرش ولا ادخل امتحانات مانا اهو اطلقت سراحه

لاطبعا لازم احاول مره واتنين وتلاته
لو ياسه يبقى مزعلش واطبق العباره دى

اتمنى يكون كلامى واضح