مطبــــخ مــيرا مـــــــار .×.× الجديد .. كيكة الكريم كراميل marwa mahmoud

[ميرا مار]

ميرا انا عايز طريقة حلوة كدة للفول يعنى لو بالصلصة مثلا بس عايزه يبقى حاااااااااااااااااار

هههههههه شكرا يا يوسف
والله قعدت اشم فى الشاشة
هههههههه قلت صحيح الريحة مالية المنتدى ..؟؟:confused::confused::confused:

حاضر هاقولك على وصفات للفول والفول بالصلصة
انت تؤمر

[ميرا مار]

الاكلتين اروع من بعض
بس انا عايز كده حاجة سريعة اوي وفي نفس الوقت موفرة ليه بقي

عشان انا قاعد لوحدي وايام امتحانات بقة زي ما انتي عارفة
فعايز اخلص نفسي فامش باكل غير فين وفين

فيا ريت تحققيلي طلبي

بس كدا :):) حاضر والله يا احمد

انا اصلا مبسوطة انكم بتتطلبو الوصفات دى باحس انى اختكم بجد
النهاردة هاقولك على كذا حاجة
حلوة هتعجبك

[ميرا مار]

الجمبرى الحار


المقادير

• نصف كيلو جمبري حجم كبير
• 4 فصوص ثوم
• 2 ملعقة صغير خل
• 4 حبات فلفل احمر مجفف او طازج
• 3 ملاعق كبيرة زيت نباتي
• 1 ملعقة صغيرة حبة البركة
• ربع ملعقة صغيرة كركم
• 1 ملعقة صغيرة ملح
• 1 ملعقة صغيرة فلفل احمر حار

الطريقة

ينظف الجمبري ويغسل جيدا ثم يتبل بإضافة
الكركم والفلفل الحار البودرة والملح والخل ويخلط جيدا .
يسخن الزيت في طاسة او حلة متوسطة الحجم
ثم ترفع الحلة من النار ويوضع فيها حبة البركة والثوم الناعم والفلفل الأحمر الحار
وتغطي وتترك حتى تبرد لمدة دقيقتين
ثم توضع مرة أخري علي نار معتدلة
ثم يضاف الجمبري ويقلب باستمرار لمدة 10 دقائق
ثم تخفض الحرارة وتغطي المقلاة وتترك لمدة خمس دقائق ,
ثم يوضع الجمبري في طبق التقديم

[ميرا مار]

عجة الفلافل

المقادير
1 كوب عجينة فلافل
1 ثمرة طماطم مقطعة قطع صغيرة
2 ثمرة فلفل اخضر قطع صغيرة
1 بيضة
فلفل ،ملح
((ملعقة جبنة شيدر او موتزاريللا ------ اختيارى)

الطريقة
ترب البيضة مع الفلفل والملح بشوكة
تخلط المقادير السابقة كلها معا ويضاف لها البيضة
توضع طاسة صغيرة او متوسطة الحجم على نار هادئة
وعندما يسخن الزين جيدا يوضع الخليط السابق ويفرد فى الطاسة ويربت عليه بالشوكة
يغطى ويترك حوالى 5 دقائق او حتى تحمر الاطراف
ثم يقلب بواسطة طبق ويوضع مرة اخرى فى الطاسة من الجهه الاخرى ويغطى
يترك نفس المدة حتى ينضج
يقلب فى طبق وترش فوقه ملعقة جبنه مبشورة و كزبرا خضرا ---- اختيارى)
ثم يقطع بالسكين شرائح مثل شرائح البيتزا


..وبالهنا والشفا

[Ahmed Mohamed]

حلوة الاكلة دي اوي يا ميرا بجد انا حاعملها
وشكرا ليكي مرة تانية يا شيـــــــــف ميرا

[ميرا مار]

صلصة الطماطم



دى عشان معظم الاكلات هتحتاج صلصة حبيت اكتب طريقتها
وعلى فكرة ممكن نعمل كمية ونحطها فى مكعبات الثلج
ونحفظها فى الفريزر وساعة الطبخ نطلع منها حسب الحاجة
اختصارا للوقت والمجهود

المقادير
1 كوب عصير طماطم
4 فصوص ثوم مفرى او بصلة متوسطة مفرومة
ملح ،فلفل
4 ملاعق زيت أو حسب الحاجة

الطريقة

توضع حلة متوسطةعلى النار بها الزيت حتى يسخن
ثم توضع الثوم او البصل ويقلب باستمرار حتى يصفر لونه
يوضع عصير الطماطم والملح والفلفل
ثم يترك حتى يغلى ثم تهدا النار ويترك حتى يتسبك اى يخرج الزيت على جوانب الصلصة

ملحوظة بقى
ولقد حذرتكم هههه
بعد ما الطماطم تغلى تغطى الحلة نص نص يعنى يكون الغطا مائل
عشان ماتحصلش مشاكل للبوتاجاز وربنا يهديه ويفضل نضيف
ونقلب من وقت للتانى ..

[ميرا مار]

الفول بالصلصة والتوم



المقادير:

علبة فول
ملعقة صلصة
تومة مهروسة
2 طماطم مهروسة
ملح، فلفل ،اسود ،شطة،كمون
1 ملعقة خل
2 ملعقة سمن بلدي او زبد او سمن عادي او زيت

الطريقة:
يوضع التوم المهروس في وعاء مع السمن حتى يصفر لونه
ثم توضع عليه ملعقة الصلصة
ثم التوابل كلها
ثم الطماطم المهروسة
ثم ملعقة خل.
ويقلب جيدا وبعد التسبيك نضع عليه الفول المهروس
ونتركه مدة دقيقة على النار مع التقليب المستمر
ثم نضع عليه ملعقة سمن بلدي على الوجه. ونطفي النار(اختيارى) ههههههه السمن مش النار

بالهنا والشفا

[ميرا مار]

حلوة الاكلة دي اوي يا ميرا بجد انا حاعملها
وشكرا ليكي مرة تانية يا شيـــــــــف ميرا

شكرا لك انت رافع معنوياتى دايما..
كويس انها عجبتك
سهلة خالص صح؟؟؟
لسة كمان هاجيبلك وصفات كتير حسب طلبك

[Night Moon]

علي فكرة انا جربت عجة الفلافل وبجد حلوة قوي ياميرا ومستنية منك وصفات تانية لاني من الناس اللي مش بيعرفو يطبخو

[Youssef Mostafa]

الله ينور ياميرا حلوة اوى طريقة الفول حجربها واقولك وحبقى ابعتلك طبق ديلفرى بس انتى ابعتيلى العنوان