لعبة جامدة جدا ####&.......حط نفسك فالموقف دة........& ####

**Mimi** · 01-15-2009, 09:24 PM

المشاركة الأصلية كتبت بواسطة free eagle

والله اللعبة دى جاتلى وانا قاعد بذاكر مش عارف بقي
انا قولت انى هحط شويه مواقف واللي عليكم انكم تحطوا نفسكم ف المواقف دى بس

موضوووووع جميل اووووووي يايسري افكارك حلوة المهم بس تذاكر مش تعد تفكر في لعب ههههههههه

1) انت قاعد بتستحمة والبيت فاضي ومرة واحدة الماء راح هتعمل ايه؟

انت ليه بادئها كدا ؟ هههههههه هعمل ايه يعني ولا حاجة :D

2)لابس ومتشيك وكان باين عليك نازل تقابل بس الحلو ميكملش وانت ماشي راح حد بقي ربنا يسمحه رمى عليكى زبالة وانت ف الشارع هتعمل ايه ؟

هتدايق جدآ وازعقله في سري بس هكون محرجة جدآ بس ضروري يبقى في ناس حوليا يزعقوله وربنا يسامحه

3)ركبت مواصلات وبعدين جاى تحاسب ملاقيتش معاك فلوس والمواصلة فاضي؟

هستنى اوصل للبيت واطلع اجيبله فلوس

4)ركبت مشروع وركبت جنبك بنت موزة وبرده جاى تحاسب وياعينى ملاقيتش برده فلوس ماذا تفعل؟

انا بالنسبالي مش هتفرق معايا اذا كانت مزة ولا لاء ههههههههههه بس هخليها تدفعلي واخد رقمها عشان ارجعلها الفلوس

5)واحد صاحبك اوى قالك نكتة وكانت بايخة جدا هتعمل معاه ايه؟

ولا حاجة طالما صاحبي اوي هقوله انها رخمة

6)انت بتتكلم عن حد بقي ومخنوق منه وتقول وتعيد وانت مش واخد بالك انه واقف وراك هتعمل ايه لما تشوفه؟

يااااربي عليك يايسري ايه يابني المواقف دي .. استاهل بصراحة عشان ابطل اعمل كدا تاني بس ساعتها هقول مثلا " انت سايبني كدا مبهدلك وانت ساكت ؟ " واعمل نفسي كنت عارفه انه جنبي وبناغشه

7)انس جاى تهنيك وشكرا انك عملت كذا وكذا وانت معملتش حاجة هتعمل ايه ؟

هقول مش انا الشخص دا واكيد غلطان في العنوان مش عيب يعني عادي :D

8)نزلت من البيت ومحدش فيه ونسيت المفتاح هتعمل ايه ؟

بتحصلي كتير وبروح عند حد من اصحابي او قرايبي لحد ما حد من البيت ييجي

9)لابس ومتشيك ومستعجل ونزل من البيت ولقيت الناس مستغربة منك بتبص على نفسك لاقيتك نازل ببنطلون الترنج على قميص هتعمل ايه ؟

هههههههههههههههههههههههههه كويس اني اتخلصت من موقف من مواقفك دي يايسري عشان في اسئلة للشباب بس عموما لو انا حصلي كدا مفيش اي حاجة بايدي غير اني ارجع اغير هدومي

10)نازل والدنيا ضلمة ومش شايف وبتلبس الجزمة روحت بقي علشان تلمعها لاقيت نفسك لابس كل فردة لون مختلف؟

دا نفس سؤال الهدوم ايه رائيك يايسري اني رحت مرة الجامعة بشبشب الحمام بدل شبشب الخروج وكنت قريبة من البيت لما اكتشفت الموضوع دا ومرجعتش غيرته :D

يا ريت الموضوع دة يعجبكم وانا عامل المواقف دى علشان نضحك بس مش اكتر

الا عجبنا ..دا عجبنا واحرجنا وخلى شكلنا وحش ع الاخر ههههههههههههههههه نايس يايسري