نصائح لأدم من اجل عيون رومانسية حواء

[Ahmed Mohamed]

أولا:
تذكر انك تتعامل مع حواء الرومانسية لذلك تجنب التعامل معها بخشونة وتصرف بقمة الرقة والعذوبة.

ثانيا:
حواء الرومانسية هي انثى ضعيفة تحتاج لمن يحميها لذلك كن دائما الى جانبها فانت بطلها الاول.

ثالثا:
تجنب محاولة إثارة إعجابها بالطيش والتهور وتصرف بطريقة رجولية ولكن عقلانية طبعا برومانسية هادئة.

رابعا:
حواء الرومانسية لا يشغل بالها إلا أنت فهي تحاول دائما وضعك في مركز محيطها، فلا داعي للتذمر إذا ما أخذت برايك في أصغر الأمور.

خامسا:
إذا وجدت ما لا يعجبك في تصرفاتها، تذكر بانه يعجبك الكثير من تصرفاتها الأخرى فلا بأس بالتغاضي قليلا.

سادسا:
اذا لم يعجبك ماترتديه أو ما تفعله، لا تعترض عليه بخشونة وإنما بلطف ذكرها بما هو أفضل قل مثلا: هذا الثوب جميل ولكنك بدوت بالآخر أجمل، أو: أنت هكذا أجمل ولكن لو فعلت كذا لكان أجمل.

سابعا:
من قال ان الماس صديق الانثى للابد، تاكد بان ذلك لا ينطبق على الانثى الرومانسية فالحب والرومانسية هما صديقاها للابد.

ثامنا:
لا تنسى إحدى مناسباتكما السعيدة، ودائما سارع في تجهيز الشموع والورود للمناسبه ولا داعي للتكلف بالهدايا الثمينة فأنت أثمن ما تملك.

تاسعا:

لا تحاول تقديم الهدايا الفاخرة لها لتجعلها تتغاضى عن بعض تصرفاتك، بل أجعل حبك ورومانسيتك هي دافعها الدائم للتغاضي.

عاشرا:
حين تكون معها لا بد ان تكون بابهى حلة فانت أميرها الذي أمتلك قلبها.

وتذكر دائما أن حواء الرومانسية هي:


كالوردة المتفتحة سرعان ما قد تذبل وقد تمزق أوراقها بسهولة

وده رد علي موضوع شهاب يا رب يعجبكم ومستني ردودكم

[Ahmed Mohamed]

انا مش شايف ردود يعني هو الموضوع مش عجبكم ولا ايه
فين الولاد عشان يتعلموا ازاي يتعاملوا مع الجنس الاخر ( حوا )

[Marwa Mahmoud]

شكرا ليك بجد موضوع جميل جدااااااا.
أيوه كده قولوهم خليهم يتعلموا .
هههههههههههه .

[Youssef Mostafa]

ايه ياروميو انت وقعت بالسهولة دى يعم دول منفعش معاهم الكلام دة الكلام اللى انت بتقولو دة عايز الصبايا اللبنانيات والسوريات لكن المصريات ياااااااا

[Ahmed Mohamed]

شكرا ليك بجد موضوع جميل جدااااااا.
أيوه كده قولوهم خليهم يتعلموا .
هههههههههههه .

العفو يا مرمر
انا طبعا مش بحب ابقي مع طرف علي حساب طرف
عشان كده انا مش ضد البنات ولا مع الولاد
انا محايد يعني انا متاكد ان الراجل ميقدرش يستغني عن الجنس الاخر في حياته ابدا
لاني مجرب وحاسس بكده

وشكرا ليكي يا مرمر علي مشاركتك وردك يا عسل

[Marwa Magdy]

ميرسى يا احمد على الموضوع دة
جميل جدا انا نفسى شهاب وزورو
يدخلوا ويشوفوا اللى مكتوب دة

[Youssef Mostafa]

لا والله مبسوطين اوى من الموضوع هه عاجبك كدى ياسى روميو بس ماشى سهلى

[lolaa fahmy]

كلك زوق يا روميوو

وموضوعك زي العسل

تسلم ايدك

[هدى على]

واللهى لو كل راجل بيتعامل مع مراتة كدة اكيد البيت دة هيبقى مرتاح وسعيد اوى كمان ومهما كانت المشكلة اللى هتقابلهم هيعرفوا يتعاملوا معاها بس التعامل دة بيكون نادر نتيجة ضغوطات الحياة .

[spider girl]

يااااااااااااااه
لوفى ولد فعلا بيعمل الى انت كاتبه ده
يبقى الدنيا لسه بخير لكن للاسف
الظروف هيه الى بتتحكم فى الحاله دى
وصراحه موضوع حلو تسلم ايدك
يا بروفيسير