عتـــــريس و فــــــؤادة (( مهم جدا لكل شخص ))

[Ahmed Mohamed]

عتــــريـــس و فــــــؤاده

معلش هو موضوع طويل بس انا لقيته
موضوع يحمل رسالات كثيره .. رسالة نقدية ورسالة شخصية ورسالة عامة ورسالات أخري ... فتفضلوا معنا

بداية كل منا له حياته الخاصة .. بها أسراره .. وأخباره التي لا يعلمها غيره .. وكل انسان منا له جانب مظلم لا يراه الكثير وانطلاقا من هذا التأسيس دعونا ندخل في منطقة دسمه بالمناقشات .. والتفاهات .. والأخطاء .

أخطاء يقع فيها – ووقع فيها الكثير .

معنا ومعكم ..

عتــــريـــس + و + فــــــؤاده

نتعرف أولا علي ضيوفنا الأعزاء :

البداية في الحكاية شخص كان عامل عريس
اسمه شكله مش مهم بس ناديله قول عتريس
صايع جدا تافه جدا من طنطا لحد السويس
عمره كان فتره زمان عقله عش للوساويس
مش مهم إيه دراسته وإيه فايدة التدريس
المهم زعيمنا صايع .. واسمه إيه ؟ طبعا عتريس

/*/*/*/*/*/*/*/*

نخش تاني للضيوف .. والمعرفة تطلب زيادة
تاني ضيف قاعد معانا .. اسمها الأول فؤاده
بنت صايعة وملامحها ضايعها .. بدون شهادة
وشها او جسمها مش مهم تقدر تقول " عايز حدادة "


/*/*/*/*/

بعد ما تعرفنا علي الضيف اللي هنرمز بيه لأي شاب " عتريس " والضيفة رمز أي بنت " فؤاده " خلينا ندخل في أولي فضائح الغرف المغلقة " عتريس وفؤاده اون لاين "

أفضل عنوان لهذا الجزء هو " وزين لهم الشيطان أعمالهم "

عتريس : هاي ممكن نتعرف ؟
فؤادة : أكيد ممكن ... أنا فوفا وانت ؟
• عاشت الاسامي يا فوفا .. اسمك جميل أوي .. انا اسمي ميعو
• عاشت الاسامي يا ميعو .. اسمك شيك اوي " بين نفسها تقول ايه الأسماء الغبية دي " .. عندك كم سنة
• يفكر عتريس قليلا ويقول " ااقولها كام ؟ ممم شكلها عبيطة فهقول عمر وسط شويه .. احم انا عندي 20 سنه وانتي ؟
• تهرش فؤادة في رأسها وتقول .. يلا عشرين عشرين ... انا عندي 19 سنه
• ملحوظة " لا عتريس عمره كده ولا فؤادة كمان بس كله بيكدب علي كله "
• بتدرسي ؟
• اه انا في كلية اقتصاد وعلوم سياسيه .. " وهي اساسا في معهد خدمة اجتماعيه " .. وانت ؟
• انا في كلية هندسة ... وصاحبنا في " كلية زراعه وساقط كمان " .. ما شاء الله أكيد تفكيرك وثقافتك عاليه جدا ؟
• اه الحمد لله انا ما بنامش إلا لما ااقرا كتاب كفاحي " للزعيم البريطاني " ركز في الحته دي .. هتـــلر .. او مذكرات رئيس المانيا كيسنجر ؟ ايه جاب هتلر لبريطانيا وكسينجر لألمانيا مش مهم "
• المهم عتريس يهرش في دماغة برضه .. البت شكلها مثقفة ولازم الواحد يضرب لها في العالي بقي .. مممم ما شاء الله بس انا ميولي علمية شويه بحب ااقرا لفرانك اينشتاين عامل كتب في علم النفس جميله جدا " ايه جاب اينشتاين هنا برضه مش مهم " وبحب ااقرا مؤلفات هيريدوت " يبتسم عتريس ويضرب كفيه في بعض ويقول جه اليوم اللي استفدنا من كتاب التاريخ ههههههههه
• بعد كدة السؤال المعتاد .. انتي بتحبي تسمعي مين من المطربين يا فوفا ؟
• توطي فوفا صوت اغنيه امينة " اخيرا اتجوزت " وتقرب لوحه المفاتيح ليديها وتكتب .. انا بحب اسمع شرين واصاله وجنات عربي وسيلين ديون وبيونسي غربي و ومن المطربين بعشق تامر حسني حبيب قلبي وبحب محمد نور ووائل كفوري ....... وتعدد في المطربين ....
• وانت يا ميعو بتحب تسمع مين ..؟
• يقوم ميعوا قافل اغنيه سعد الصغير اتخنقت لأ زهقت من الحياة ومن اللي فيها والبيت واللي فيه " ويقول انا بموت في الرومانسيه بحب ايوان ومحمد نور وحماقي و...
• ايه ده مش بتحب تامر حسني ؟
• لأ طبعا دانا بموت فيه دانا اوضتي كلها صور لتامر دا انا حتي صدري فيه شعر زي تامر وبفتح قميصي زيه
• واوووو انا بيعجبني الشاب اللي بيعمل كده طحن
• انت شبه مين من المطربين او الفنانين يا ميعو ؟ ممكن توصفلي نفسك ..؟
• بصي يا ستي عارفه احمد عز في فيلم ملاكي اسكندريه .. ولا اقولك كريم عبد العزيز في فيلم واحد من الناس .. لا لا .. عارفه تامر حسني في عمر وسلمي .. انا شبهه شويتين بس شعري ذي شعر وائل كفوري وطولي زي كريم عبد العزيز وقميصي مفتوح زي تامر وصدري مشدود وبلعب حديد وليا عضلات " يبص ميعو لنفسه ويقول يااه هو انا بقيت كده هههههههههههه "
• واوو يا ميعو انت باين عليك تجنن
• ميرسي يا فوفا بس انتي ما وصفتليش نفسك
• انا وشي زي وش ميس حمدان علي جسم سميه الخشاب علي شعر مريام فارس علي .. ( .... ) اليسا علي .. علي .. علي ..
• عتريس يفرك ايديه في بعض .. مووووز البت شكلها جامده طحن .." ادي يا جدي "
• بتحبي تلبسي ايه يا فوفا ؟
• انا بالبس كل حاجه ؟
• كلاسيك ولا كاجوال ؟
• طبعا فؤاده مش عارفه الفرق بين الاتنين .. فتقوله كده وكده
• ايه لونك المفضل في البديهات ...
• ...........
• وايه ..............؟
• ......................................
• واذاي بتحبي .................................؟
• غالبا .................................................
• واكتر حاجه ............................................
• بس بقي انت شكلك جريء اوي .. هههههههه " معرفش اذاي بس بقي وبعدها ضحكه مايعه ما علينا "

طبعا النقط الفاضيه دي اسئله تقدر تقول عبيطة وقليله ادب .. اه قليله ادب بس في شكل ذوق شويتين والولد بيعمل نفسه ذكي عالبنت والبنت عارفه قصده وبتجاوب " ونتذكر هنا وزين لهم الشيطان اعمالهم "

المهم تستمر المحادثة علي هذه الركاكة والحماقة الي ان تتطور الي وضع ورم خبيث يستشري

• علي فكره يا ميعو انا ارتحت ليك خالص مالص وبجد انا فرحانة اني عرفتك
• لحظة يا فوفا بابا عالتليفون .. يرد علي التليفون ايوه يا عم الرخم انجز مش فاضيلك
• ليه ياعم المهم مشغول في ايه
• اسكت مش وقعت النهارده فرد انما ايه ؟
• فرد ؟ انت بتصطاد حمام ولا ايه ؟
• بقولك فرد يا سكح .. زبون جديد .....يعني مــــــــــــــــوزه
• " شوفوا يا بنات بيتقال عليكو ايه عشان ما تفكريش في الجو الوردي دايما "
• موزه جامدة اذاي ؟ ابو قسيم يا زميلي " وركزي في ابو قسم دي "
• لا يا روح طنط مش ابو قسم هو ميكروباص .. ده ملاكي سلاموز بقي
• باااك
• نورت يا ميعو
• بنورك كنا بنقول ايه
• مش فاكرة اصلي سرحت فكرني انت
• يقوم ميعو قاري المحادثه من فوق .. ويقول بس انا ما نسيتش انتي كنتي بتقولي انا ارتحت ليك خالص مالص وبجد انا فرحانة اني عرفتك
• اه بجد يا ميعو
• وانا كمان بجد نفس الكلام ده
• انا نفسي بجد ......... ههههههه
• نفسك في ايه ؟
• لا مش مهم
• لا لازم تقولي ولا هزعل ..
• نفسي اسمع منك كلمه من اربع حروف ؟
• صاحبنا يبتسم في خبث .. الزبون دخل المصيدة يا معلم ... يسكت شويتين لزوم الشغل
• ميعو سكت ليه ؟
• ميعو ..
• انت فين ؟
• تبعت له اشاره تنبيه .. كل ده وعتريس باصص في الشاشه وبيضحك في خبث
• هاه .. اسف يا فوفا اصلي حسيت احساس غريب كده وسرحت شويه
• احساس ايه ؟
• احساس مش عارف .. بس احساس حلو اوي
• وانا كمان ..

• بجد .. حاسه نفس اللي انا حاسه
• اه .. انا جسمي كله بيترعش
• وانا بجد جسمي بيرتعش " يقولها وهو بيرقص " بسخريه
• فوفا انا
• انت ايه
• انا بجد انا " يتردد عشان يسبك الدور "
• والتانيه بقي كأنها عطشان وشاف ميه .. انت ايه
• انا بحبك يا فوفا
• وانا كمان بموت فيك يا ميعو

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

وده كان الحب من اول محادثه

ملاحظات علي اول مكالمه

عامتا سواء فى حياتنا او ع النت

فى ولاد كتير بيحبو البنات من اول مكالمه ليهم

ونفس الموضوع للبنات

ولا يعرف اصلها ولا فصلها ولا اى حاجه

والحاجه اللى بتبدأ بسرعه اعرف انها هتنتهى بسرعه


*/* طبعا كتير من الشباب – مر بالمرحلة القذرة دي تحت أي محرك او باعث .. ممكن تكون شهواني وممكن تكون تسليه وممكن تكون انتقام .. أيـــوه انتقام " أتجرح من وحده وعايز يطلع غله فى كل البنات عشان ياخد حقه "؟
*/* انك تحس بلذة اثناء التصرف ده مش معناه انك بتعمل حاجة كويسة بالعكس ده تصرف لو فكرت فيه منتهي القذارة بس وقتها اساسا .." فأغشيناهم فهم لا يبصرون " مش شايف ولا حاسس بحاجه الا شعور وخلاص
*/* الشباب بيشتغلوا البنات اشتغلات علي مية بيضا والبنات اما انها بتصدق بغباء او انها بتصدق وهي عارفة او انها اساسا بتكون بتدور علي حاجه زي دي
*/* نفس الحاجه للبنات .. في بنات اساسا غاويه حاجات زي كده ومعرفش ليه ؟
*/* اساليب الشباب كثيرة جدا للإيقاع بالبنات .. ممكن الشاب الروش .. الشاب الجريء وممكن " قليل الادب " وممكن الهادي ..

فى اخر كلامى عايز اقولكو حاجه

كلامى للولاد والبنات

قبل متعمل اى حاجه

متحسبهاش بقلبلك

احسبها بعقلك وبعد كده قلبك يشتغل

اتقو الله جميعا

[The[H]KinG]

موضوع جاامد يا أحمد
وهتكلم معاك بصرااااحة
أنا كنت واحد من الناس اللى كااانت بتعمل كده
بس ده وقعنى فى مشاااكل كتير أووووى ومصايب
بس كنت عيل ساعتها
ما هو كده لازم الواحد يجرب كل حااجة فى الدنيا عشان يتعلم
وبقيت بعد كده بفكر فى أى حااجة أعملها
وبعدين المواضيع دى قديمة يعن أفتكر أخر مرة عملت فيها الحوار ده كانت فى أعدادى
بس بعد كده أتخنقت من المواضيع دى ولقيت نفسى بضيع وقت كتير فى حاجات ملهاش لازمة

وبعدين لما كنت بقابل البنات دى كنت بلاقيها غير الكلام اللى كان بيتكتب خاااااااالص(فاكر فيلم ميدو مشااكل لما راح يقابل البت فى السيما فاكر شكل البت ولا أسلوبها ههههههههههههههههههههههههههه)
وفى النهاااية العبد الفقير يقول عشان الواحد يتعلم لازم يجرب
أنا أتكلمت معاك بصراحة وشكرا على فرصة الكلام

[Youssef Mostafa]

موضوع جاامد يا أحمد
وهتكلم معاك بصرااااحة
أنا كنت واحد من الناس اللى كااانت بتعمل كده
بس ده وقعنى فى مشاااكل كتير أووووى ومصايب
بس كنت عيل ساعتها
ما هو كده لازم الواحد يجرب كل حااجة فى الدنيا عشان يتعلم
وبقيت بعد كده بفكر فى أى حااجة أعملها
وبعدين المواضيع دى قديمة يعن أفتكر أخر مرة عملت فيها الحوار ده كانت فى أعدادى
بس بعد كده أتخنقت من المواضيع دى ولقيت نفسى بضيع وقت كتير فى حاجات ملهاش لازمة
وبعدين لما كنت بقابل البنات دى كنت بلاقيها غير الكلام اللى كان بيتكتب خاااااااالص(فاكر فيلم ميدو مشااكل لما راح يقابل البت فى السيما فاكر شكل البت ولا أسلوبها ههههههههههههههههههههههههههه)
وفى النهاااية العبد الفقير يقول عشان الواحد يتعلم لازم يجرب
أنا أتكلمت معاك بصراحة وشكرا على فرصة الكلام

بص ياكينج موضوع الواحد لازم يجرب عشان يتعلم دة موضوع مش صح خالص لان فىحاجات كتير وحشة فى الدنيا دى يبقى عشان عايز تتعلمها تقوم مجربها يبقى كدة السلام عليك مش حتعرف تخلع منها ممكن الواحد يتعلم من غير ميجرب يتعلم من الاخرين او من اى حد قريب منك

[The[H]KinG]

بص ياكينج موضوع الواحد لازم يجرب عشان يتعلم دة موضوع مش صح خالص لان فىحاجات كتير وحشة فى الدنيا دى يبقى عشان عايز تتعلمها تقوم مجربها يبقى كدة السلام عليك مش حتعرف تخلع منها ممكن الواحد يتعلم من غير ميجرب يتعلم من الاخرين او من اى حد قريب منك

يا يوسف الانسان ذواق يعنى لازم يجرب كل حاااجة بدافع الفضول والمغامرة
صح ولا ايه؟؟؟؟؟؟؟؟؟؟؟؟؟؟؟؟؟؟

[Marwa Mahmoud]

فى البداية بشكرك على الموضوع الجميل ده فعلا موضوع ياريت كل واحد فينا يقرأة لأهميتة .
أنا هكلم بصراحة . من الواضح أننا بنعيش فى واقع ملئ بالكدب والغش والخداع .
فبالتأكيد أستحاله الواحد يتكلم مع أى حد كده . وأكيد طبعا بيظهر من كلام الشخص اللى بتتكلم معاه هل هو أنسان محترم ولا لا ؟ ربنا موجود فى حياته ولا لا ؟ بالتأكيد بيظهر من كلامة . وزى ما بيقولوا الطبع غلاب .
مش أى حد ممكن الواحد يديلة ثقتة مش شرط كمان على النت بلعكس فى الحياة عموما .
الحياه علمت الواحد كتير . وحكاية أن كل واحد بيحب يظهر للطرف الاخر أنه مفيش بعده دى بتكون تفاهة ونقص .
بجد الواحد لو فتح فى الموضوع ده هيحتاج لكلام كتير . بس ياريت أكون قدرت أوصل وجه نظرى .

[Youssef Mostafa]

موضوع حلو ياروميو بس احب اوضح حاجة الناس اللى انت بتتكلم عليهم دول مش حتلاقيهم هنا معانا هنا الحمد لله ناس متعلمة وفاهمة الدنيا ماشية ازاى ولو كنت بتنصحنا متشكر بجد لانه موضوع مهم اوى لكل شاب وكل فتاة

[Youssef Mostafa]

بس مكونش عارف ان الحاجات دى وحشة واقول انا لزم اجربها عشان اتعلم ضررها هو دة قصدى

[white_heart]

الموضوع جميل اهنيك علية والردود اجمد

انا بصراحة عمرى ما جربت اعمل زى البنت دى ولا حاجرب

لان مفيش حد اهبل فى الزمن دة غير اللى عاوز يقنع الناس انة اهبل

وفى الحالة دى بيكون الشخص دة ذكى جدا

البنات والولاد اللى بيعملو كدة معندهمش ثقافة فى الحياة ولا فى الدين خالص

انا مع يوسف ان مش كل حاجة لازم نجربها علشان نعرف اضرارها

زى الخمر مثلا وكل الحاجات اللى ديننا نهانا عنها

بس بردة مع الكنج ان فية مواقف تانية الواحد ميتعلمهاش غير لما يجربها بنفسة

وخصوصا فى موضوع التعامل مع الناس

وفى الاخر كلها اراء

واختلاف الراى لا يفسد للود قضية

[Mahro]

ههههههههههه

موضوع جميل اوى يا رميو

بس ده كان زماااااااااااااااان

الموضوع اختلف كتير دلوقتى

اصل اخوك من 98 على النت

[خالد أبوسعده]

موضوع احييك عليه
و فعلا عندك حق ان الكلام دا هبل فى هبل
و يوم ما حيتعاملوا مع بعض عن قرب
حيكرهوا بعض بمعنى الكلمة
الا لو كانت نواياهم حاجة تانيه

بس الحمد لله
الواحد فى غنى عن الحاجات دى
و احنا مش زى الناس دول

(( ما يلفظ من قول إلا لديه رقيب عتيد ))