استفتاء غريب شويه

[Hassan Mohamed]

امبارح سمعت في برنامج عمرو اديب شئ غريب بيقول ان الراجل اللي هيطلق مراته بعد كده هتاخد منه 40% من املاكه بعد الطلاق حبيت اتناقش معاكم موافقين علي القرار ده ولالا

عموما هو لسه مجلس الشعب بيتناقش وبيشوف هينفع ولالا


يعني الراجل اللي هيطلق مراته بعد كده هيديها 40% ولو متجوز اتنين يديهم80% ولو تلاته يديهم100% ويبقي ليهم عنده 20%تانين يشتغل ويسدهم


يلا اللي يدخل يقول رايه موافق ولا لا

طب حلال قوي الفكرة دي ... كده بئا البت تقولك ايه مانا اروح اتجوز وانكد عليه عيشته وفي الاخر يقوم مطلقها وهيا تطلع باللي فيه النصيب

هي الدولة بتشجع علي النصب ولا ايه وليه عاوزين يحولوا كل حاجة بالماديات

ايه البلطجة دي

[spring sun]

طب حلال قوي الفكرة دي ... كده بئا البت تقولك ايه مانا اروح اتجوز وانكد عليه عيشته وفي الاخر يقوم مطلقها وهيا تطلع باللي فيه النصيب

هي الدولة بتشجع علي النصب ولا ايه وليه عاوزين يحولوا كل حاجة بالماديات

ايه البلطجة دي

اكيد صح وبعدين ادام الشريعه الاسلاميه مقلتش كده يبق القرار غلط وفعلا هيشجع مش النصب لا لوي الدراع

[Sara Gamal]

أولا أحب اشكرك يااميرة بجد موضوع مميز ويستحق إن الكل يتكلم فيه

أنا هبدأ من نقطة الماديات اللى اتكلم فيها حسن .....أنا شايفة من وجهة نظرى المحدودة قبل أى شئ مفيش حاجة فى الدنيا تقدر تعوض واحدة ست عن يوم واحد عاشته متجوزة ويوم تانى هتعيشه مطلقة ...صورة المجتمع للست المطلقة أبشع بكتير من تعوضيها ماديا باى شكل (بس ده طبعا لان المجتمع تفكيره متخلف)....ده غير حالتها لو حصل طلاق وكان زواجها عن حب او بعد فتره عشرة طويله او نتيجة خيانه من زوجها...بس بردو الست مش ملاك واكيد فى حلات طلاق كتير بيكون الست سبب فيها

لكن فرضنا وحصل الطلاق...الطلاق صحيح أبغض الحلال لكنه حلال والرسول صلى الله عليه وسلم طلق أحد زوجاته لما أخفيت عليه أحد عيوبها

أما بقا القرار المقترح فى دولتنا الموقرة اللى مفروض إنها دولة مسلمة وبتحكم بالشرع فى مسائل الاحوال الشخصية ...أنا شايفة القرار ظالم سواء للرجل ف
*أولا ممكن فعلا يكون الطلاق مدبر من جانب الزوجة ..نصبايه يعنى زى ما حسن قال
*ممكن تكون هى ست تستحق انها تتطلق
*أكيد مايملك ده مجاش من فراغ عشان هى تاخد النسبة دى كلها

وظالم للمراة ف
*فرضنا غن الزوج اساسا فقير هتاخد هى ايه بقا؟؟؟
*ممكن فعلا الزوج يرفض طلاقها ويبهدلها ويزلها

والله انا شايفه انهم بدل ميقعدوا يخترعوا مقترحات وقوانين فارغة يشوفوا الناس اصلا بتطلق ليه؟او اضعف الايمان يعجلوا بالقضايا اللى ماليه المحاكم بالكام سنه واصحابها متبهدلين وخصوصا قضايا النفقه والحضانة

والله البلد دى بقا عليها العوض