ما هو حسب رأيك سبب نجاح مسلسل نور ؟

[AYMAN GAMAL]

موضوع جميل يا ايمن اهو حرية راي في اي حاجه

بص يا سيدي المسلسل طبعا فيه نقاط قوه اكتر من نقط الضعف

بس اللي متفقين عليه كل اللي سمعوه ان رغم طول المسلسل 150 حلقه تقريبا

لكن محسناش بملل اللي بنحسه في مسلسلات المصريه لو كملت ال35 حلقه بنبقي قرفنا من اللابطال ونسينا اول الموضوع

2- ده غير الحوار راقي جدااا مفيش(يابن....... ولا ولا ) واللغه المترجم بيها المسلسل حلوه جداا

وبالاضافه لده كله قصة حب الناس بدور عليها في زمنا ده وجمال الابطال طبعا دي حاجه بردوا مفتقدينها في مصر هههههههههه

بس ده رايي

رايك يحترم جدا و انا بحييكي عليه

المسلسلات العربية عموما من بعد الحلقة ال15 وانتي طالع بتبقى تافهه و ملهاش هدف

و بيحطوا فيها اضافات لا تليق بمجتمعاتنا الشرقية

شكرا ليكي جدا

[خالد أبوسعده]

اعذرنى

120مليون شافوه

انا من بقيت ال6ونص مليار الي مشافوهوش

[AYMAN GAMAL]

تسلم يا ايمن على الموضوع
بس لعلمك ان معظم الناس الى كانت اتكلمت
على المسلسل كانو بنات ودى لان مهند لفت نظرهم
وبعدين فى ناس كتير اول لمه شافته بجد هو وسيم وجميل
يا عم دى والله بنت صحبتى بتقولى انا مش بتفرج على المسلسل
لان كل لمه اشوف مهند بحلم بيه
ههههههههههههههههههههههههههههههههههههههههه
شوفت بقا وال ايه فى الاخر يقولو دى وحش ودمه تقيل
يا سبحان الله اتقل يا مون هخلى موضوعك يولع
ههههههههههههههههههههههههههههههههههه

ههههههههههههههههههههههههههههههههههههههههه

ودي حال ناس كتيرة جدا مش بس البنات يعني

متستغربش ربنا يستر

وشكرا على مرورك الجميل

[AYMAN GAMAL]

اعذرنى
120مليون شافوه

انا من بقيت ال6ونص مليار الي مشافوهوش

يابني انت مش فاهم القصد

انا مش بتكلم من الجانب الديني خالص

ولو بتتكلم عليه فالركه عاللي بيعرضوه و همه عارفين انه نتيجته هتبقى ادمان

شكرا يا خالد على مشاركتك و لو كان ليك قصد تاني فياريت توضحهولي علشان افهمك

وبعدين انت تقدر تضيفني معاك في ال6.5 مليار الباقيين اللي ماتابعوهوش يعني ههههههههه

[خالد أبوسعده]

بص انا شوفت حته من المسلسل
كانت بنت خالتى بتتفرج عليه
و الي لاحظته ان مسلسل نور و مهند دا بقى حاجة مشهوره جدا
مش عارف علشان شكله حلو
ولا تمثيله حلو
ولا قصه المسلسل هى الى حلوه
بس انا لما لاقيت البنات بتتكلم علي المسلسل بس علشان مهند
و اعذرونى يا بنات
عرفت انه مش موضوع قصه ولا فكره المسلسل بيوصلها
حكايات تافهه

بس الصراحه ممكن اوى يكون رايى غلط
لان انا مشوفتش المسلسل
بس الوضع مشدنيش انى اشوفه

[AYMAN GAMAL]

هههههههههههههههههههههههههههههه

متقدرش تتخيل يابني قد ايه العذاب اللي ممكن يحصل لناس لو مشافوش المسلسل

يا سلام لو الكهربة اتقطعت في الوقت ده

بتجيلهم حاله عصبية و احساس بالاكتئاب و تحس انهم هيقتلوا نفسهم عليه

[خالد أبوسعده]

فتنه يبنى و الله

[Sara Gamal]

أنا بقا ياأيمن صوت .......لا أعرف

لأنى مشوفتش ولا حلقة من المسلسل بسبب العداء بينى وبين التلفزيون
بس كنت بسمع حوارات بيت صحباتى فى الكلية عن أحداث المسلسل
وهو أنا من خلال سماعى بتفق مع ميرا أن اللى كان بيتابع المسلسل كان فعلا بيدور على حاجة نقصاه مش شرط الحب بس جايز الشكل الاسرى او المستوى حتى الاجتماعى او المكان او الرومانسية

وللاسف إن السبب فى كل ده شويه الفراغ الكتيييييييييييييييييييييييييييييير اوى اللى بقا جوه دماغ الشعب العربى بشكل كبير اللى فقد هويته وأهدافه وأمور حياته الاهم بكتير اوى من سى مهند وأبلة نور

وبجانب السمعيات سمعت بقا تعليقات كتير كومدية بتسخر من المسلسل .....ومن أحسنها تعليق ..سيد أبو حفيظة فى نشرة 25

وكمان التعليق الجامد جداً جداً للاستاذ حمدى قنديل لما قال....ياأمة كانت أمة محمد....وأصحبت أمة مهند!!!

وأنا بنضم لميرا وأميرة إن مهند رخم جدا وشكله سخيف ...شكله من صوره اللى ماليه مواقع الانترنت انه سهتان وبهتان وأنا بشمإز من الناس دى ....آسف فى اللفظ...

وميرسى ليك ياأيمن موضوع جميل منك

[Ahmed Mohamed]

الموضوع ولع يا عم ايمن ايه الحلاوة دي

[AYMAN GAMAL]

انا شفت النشرة دي يا سارة ههههههههههههههههههه

سؤال الجمهور كم عدد .................؟

شكرا ليكي على رايك و انا على فكرة مش بتابع مسلسلات ابدا

بس بعد اللي شفته من رد فعل الناس عليه جاني فضول اني اشوف قصته من عالنت و قعدت اضحك اوي لما عرفت انه كل الحكايه بيجوزوا كزة مرة و الطريف انه مبني على حب في كل مرة ههههههههههههه

بس انا انتبهت انه مهتم بالجو الاسري و مركز عليه برضه

شكرا ليكي جدا