قصيدة الدولار والجنيه (فكاهة أوعى تفوتها وتقول رأيك

[روح بلا جسد]

يا اللى الجيوب تتمنى رضاك
والناس تحبك وتريدك
الفقرا مش ممكن تنساك
والاغنيا صارو عبيدك
يا بانى للناس العمارات
يا مزور الناس الكعبة
يا محطم الضيق والازمات
يا ريس العملة الصعبة
يا حلو يا اخضر اندهلى
وليه جفاك عدى حدوده
سايق عليك بنك الاهلى
لولاك ما يشعر بوجودة
جيوبى أنضف م الصينى
دايما وجودك ينعشنى
ويوم ما تغلط وتجينى
تمحى الهموم وتفرفشنى
اعصابى وانت معايا حديد

ولا أخاف من غلو الاسعار
قرب يا شيخ ما تكونش عنيد
وخلى دايما بنا عمار
والف رحمة عليك ياجنيه
أرثيك بدمعى ولهيبى
راحت عليك وهنعمل ايه
ما كنش يومك يا حبيبى