قصة المراة التى لم ترى الكعبة ؟؟؟؟؟؟

[nourhan]

اعزائى اعضاء المنتدى وزملائى انا حقدملكم النهاردة موضوع فى غاية الجمالويدل على ان الله منتقم جبار على الكفار والمشركين بالله عز وجل

وهذه حقيقية حصلت في برنامج اقرأ مع الشيخ عبد الله شحاته ....البرنامج
بيسنقبل مكالمات هاتفية على الهواء و حصل الحوار الآتي المرأة: كنت عايزة اسئل الشيخ عبدالله ان انا عملت ذنب كبير اوي في حق ربنا ممكن يتغفرلي؟ الشيخ: اكيد يا اختي...يقول الله تعالىقل ياعبادي الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم)؟ المرأة: بس انا عملت عمل و حش اوي اوي يعني و انا عندي احساس ان ربنا مش عايز يقبلني الشيخ: الله غفور رحيم ياختي يقول الله تعالى (ان الله لا يغفر ان يشرك به و يغفر مادون ذلك لمن يشاء)؟ المرأة:انا حسة ان ربنا مش طيقني خصوصا ان انا حجيت سبع مرات و لم ارى الكعبة حتى الآن!! الشيخ :يا ساتر يا رب المرأة:انا كنت اخش الحرم و اشوف الناس بالطوف لكن مش بشوف الكعبة...لدرجة ان احدهم جعلني المس الكعبة و رغم كده مشفتهاش خالص!!! الشيخ و هو عصبي جدا الآن:انتي عملتي ايــــــــــــه بالضبط؟؟؟....انت اكيد عملتي مصيبة....ياساتر يارب...ردي من فضلك؟؟؟؟ المرأة بتردد:ارتكبت فاحشة....زنيــــت مع واحد..مش عارفه يعني .... الشيخ: مستحيل انت كاذبة...يوجد ما هو اكبر...عملتي ايه؟؟؟؟ المرأة: حاضر...حضرتك انا ممرضة و كان لي علاقة مع الدجالي الي بيعملوا الأعمال و كدة...يعني الي بيعملوا الأعمال الشريرة باستخدام الجان و كدة للضرر بناس تانية فكانو يسلمون لي تلك الأعمال و انا اقوم بالدخول على جثث الموتى و اضع تلك الأعمال في فم الميتومن ثم اغلق فم الميت و اقوم بالخياطة على فمه و من ثم يدفن وقد قمت بتلك الأعمال مرارا عديده الشيخ وقد اشتد غضبا :يا ساتر يا رب انت لا يمكن تكوني انسانه و لا بني ادم انت فكره ان ربنا ممكن كده يغفرك...انت اشركتي بالله ده شرك اعوذ بالله ان الله لايغفر ان يشرك بهمنك لله...يا ساتر يا رب .و انتهت المكالمة وبعد اسبوعين و في نفس البرنامج و على الهواء ايضا ياتي مكالمة هاتفية الولد:السلام عليكم الشيخ: وعليكم السلام و رحمة الله و بركاته الولد: حضرتك ارجوا سماعي للأخر الشيخ: تفضل. الولد:انا ابن المرأة التي اتصلت منذ اسبوعين وكانت تعمل ممرضه...الخ الشيخ: نعم ياابني الولد: حضرتك..انا امي ماتت...والي حصل الآتي:هي ماتت موته طبيعية جدا..لكن الي حصل و الي مكنتش اتصوروا هو ساعة الدفن..حملت امي مع بعض الناس ونزلنا بها القبر بعد حفره و لكن الي حصل كان عجيب لم نستطع ان ندفن الجثة.....فكلما نزلنا كان القبر يضيق علينا فلا نستطيع ان نقف فيه ومن ثم نخرج..فنعود ولكنه يزداد ضيقا حت ذعر كل من كان معي و تركوني وقال احدهم اعوذ بالله دي عملت ايه دي؟؟؟فتركوا امي على الأرض لااحد قادر على ان يدفنها...ولا نستطيع دفنها...فظللت ابكي حتى رأيت رجل شديد البياض وكل ملابسه بيضاء تسر الناظرين فعلمت انه ملك خصوصا بعد كلامه هذا...: قال اترك امك مكانها وامشي ولاتلتفت ورائك الولد:فلم انطق بكلمة..وذهبت..ولكني لم استطع ان اترك امي دون ان ارى ماذا سوف يحدث لهافلتفت...فاذا شرارة هائلة من السماء تخطف امي وتحرقها وكان الضوء شديد جدا فحترق وجهي بمجرد النظر لذلك المنظر...ومازال وجهي محترق حتى الآن...فانا لااعلم اذا انا ايضا الله غاضب مني ام لا؟؟؟ الشيخ والدموع في عينه : ياابني كده ربنا عايز يطهرك من الي عملتوا امك اعوذ بالله...عشان كانت بتصرف عليك كمان من المال الحرام...فأراد الله ان يطهرك...فاتق الله واستغفره و ارضى بما كتبه لك و عليك

منقول

[free eagle]

موضوع جميل جدا يا نورهان

ويا رب انا نعوذ بك من الشرك والكفر

اللهم اعينا على هذا

جزاكى الله خيرا

[AYMAN GAMAL]

شكرا ليكي

القصة دي من اولها لاخرها عملت جوايه كهربا

اعوذ بالله من الشيطان الرجيم

ربنا يرحمنا برحمته

[NOHA SHABAN]

سبحان الله أنا سمعت القصة دى قبل كده
يارب أرحمنا وأغفرلنا و أحسن خاتمتنا أجمعين
شكرا ليكى يا نورهان الموضوع جميل لأ خذ العبرة والعظه

[samomran]

اللهم انى اعوذ بك من الشرك بك
اللهم اغفر لى ذنوبى
اللهم قنا عذاب النار
اللهم انا اسلك رضاك عنى يا ذا الجلال و الاكرام

[Marwa Mahmoud]

شكرا ليكى نورهان بالفعل لقد سمعت هذة القصة من هذا الشيخ على أحد القنوات
بجد الواحد مش عارف يقول أيه غير حسبى الله ونعم الوكيل فى مثل هؤلاء الناس
اللهم مغفر لنا وأرحمنا وكفر عنا سيئاتنا وتوفنا مع الأبرار .

[IsLaMiC GirL]

شكرا يا نورة على الموضوع

وربنا يسامح الناس دول نفسى اعرف ليه بيحبوا اذية الناس بيستفادوا اية مش فاهمة

[olivia nader]

الموضوع حلو اوي يا نورهان
ربنا يلطف بينا من الناس دول
اعوذ بكلمات الله التامات من شر ما خلق
l

[lolaa fahmy]

موضوعك جميل يا نورهان وكله عظه وعبره

انا سمعتها القصه من نفس البرنامج بردوا وكل ما افتكرها احس بخوف شديد من غضب الله علي عباده

اللهم استرنا فوق الارض وتحت الارض ويوم العرض عليك لاالله الا انت سبحانك اني كنتمن الظالمين


جزاكي الله كل خير