هناك من يسمعنى

**مى الشورى** · 02-08-2009, 09:30 PM

كثير منا لديه الكثير من الاراء والافكار ولكن للاسف لا يوجد احد يعرف كيف يوصل تلك الافكار والاراء

اشعر بالحزن عندما اجد اى شخص يحاول ان يوصل فكره او راى ولا يجد مجيب له

بل بالعكس الاغلبيه تقف محلك سر وتقول لماذا اقول ولماذا افكر وليس هناك من يقدر او يفهم

فما رايكم فى ذلك؟

وهل حقيقى نقف محلك سر ام نقول ونبحث؟

**Youssef Mostafa** · 02-08-2009, 09:39 PM

انا رايى نبحث عن حل لان الصوت العالى دليل على ضعف الموقف

**eslam mamdouh** · 02-08-2009, 10:11 PM

موضوع جميل ومميز

فى رايى البسيط المتواضع

ان لازم لما تقول رايك يكون المكان الموجود حوليك مهيئ لاستقبال هذا الراى

بمعنى ان يكون الراى فى جو هادئ مناسب مع استماع لجميع الاطراف بهدوء وعقلانيه لرايك

من دون تعصب او تزمت

ومن جهه اخرى ان تقول رايك اما الاشخاص المناسبين لسماع هذا الراى

بمعنى اوضح ان تقول رايك امام اشخاص عقلاء يفكرون بحكمه عقليه دون اى تعصب لمنهج او فكر

الف شكر لحضرتك على الموضوع الجميل

**خالد أبوسعده** · 02-08-2009, 10:15 PM

بصى يا مى

انا ليا راي فى الموضوع دا
احنا عيبنا اننا ساكتين
و بندور علي حلول فى صمت

ماهى برضه الحلول دى حتحصل المشكله

مشكلتنا اننا مبنتكلمش
لازم نعلي صوتنا و نتكلم

و بعدين احنا زعلانين ليه
ما احنا فى مصر
ام الدنيا

شكرا علي موضوعك

**snow white** · 02-09-2009, 03:08 AM

بصي يا شورى لازم نتكلم والا حيجي يوم ننفجر من كتر الكوت والتعبئة بالنفس
دون ان نبوح باي شئ في صدورنا والله اعلم ايه الي حيحصل بعدها

**ميرا مار** · 02-09-2009, 11:03 AM

موضوعاتك دايما مميزة يا مى
باشكرك جدا لانك بتفتحى المجال للتعبير عن راى يمكن مايهمش اقرب الناس لينا..

عايزة اقولك من خلال تجربتى
ماحدش بيحس بحد
فعلا والله
وكل واحد بيقول رايه وبيفكر انه صح ومافيش كلام بعده
خصوصا الناس الكبار

عشان كدا
قبل ماقول رايي لازم افكر ميت مرة وكويس
بس افضل اناضل لغاية ماعلى الاقل اقنع الناس اللى تهمنى
لان احنا عايشيين فى مجتمع
كل فرد على حدا له قناعاته

**مى الشورى** · 02-10-2009, 02:46 AM

اولا انا احب اشكركم جميعا على مشاركتم الجميله دى
يوسف
واسلام
وخالد
وسميره
وميرامار
ثانيا انا بتفق مع ميرامار فى اننا نناضل
نناضل عشان كلمتنا
نناضل عشان نلاقى حد يسمعنا
لان مينفعش نتكلم بس من غير ما يكون فى حد بيسمع
مينفعش حتى نوجه كلامنا لاى شخص ونقول احنا قولنا
لكن لازم نناضل
فى اننا نوصل راينا ونوصل كلامنا
لحد ممكن يسمع وينفذ كلامنا لو كان صح
لازم نناضل ونثبت اننا لينا وجود ولينا راى

**samomran** · 02-10-2009, 07:25 AM

فى رايى
اننا لازم نحارب عشان هدفنا مهما كانت المصاعب
الرسول عليه الصلاه و السلام
حارب عشان هدفه توصيل الرساله للعالم كله
و لازم اكون متواضع جدااااا و انا برض قضيتى
و اكون ذو مستوى متوسط فى كلامى و معدتل بين الهدوء و حاله الدفاع الشديده عن قضيتى

كان رسول الله اشد الناس تواضعا فاصبح سيد ولدا ادم

( لقد كان لكم فى رسول الله اسوه حسنه لمن كان يرجوا الله و اليوم الاخر)

و اعتقد ان رسالتى وصلت انى احارب عشان هدفى
بس انا بعترض مع اسلام فى حاجه مش شرط ان يكون المجتمع اللى حولى مهىء لو كان المجتمع اللى حولى مهىء اصلا يبقى ازاى انا ححارب عشان اوصل رسالتى

ارجوا ان اكون لم اطل عليكم

و موضوع جميل يا مى

**olivia nader** · 02-10-2009, 07:37 AM

اولا موضوع حلو اوي اوي يا مي
ثانيا انا شايفه اننا لازم نناضل مش اننا نتكلم بس او نبحث بس عن حل
لان النضال بيجمع بين كل ده
اننا نلاقي الحل و كمان نتكلم ونقول وجهه نظرنا
واكيد طبعا مش لازم نسكت ابدا
(الساكت عن الحق شيطان اخرس)
يبقي النضال في الحلول كلها وده رايي
شكرا ليكي علي الموضوع