(قضيه مهمه) عايز رايكم

**samomran** · 02-14-2009, 09:12 PM

دلوقتى انا هنا تربطنى علاقه صداقه و اخوه شديده جداا
مع احد الشخصيات فى المنتدى بدون ذكر اسماء

و كنت دايما بقول للشخصيه دى احنا اخوات تقول لى لا احنا اصدقاء لان الاخوات يكونوا مفروضين عليك
لكن الاصدقاء انت اللى بتختارهم

و النهارده فى الكليه امام مكتب الاستاذ محمد سعد

هذه الشخصيه قالت لى انه زعلان منى جداا و رفض ابداء اى اسباب
و قال انه كفايه انه بيكلمنى اصلا
و طلبت انه يواجهنى لكنه رفض

و انا عايز رايكم ما هو الاقرب الاخوات ولا الاصدقاء

تتخذ اصدقائك اخواتك

ولا تتاخذهم زى ما هم اصدقاء زى ما الشخصيه اللى انا بتكلم عليها دى بتقول

و انا من هنا بطلب من الشخصيه دى مهما حصل منى انها تسامحنى

و بطلب رايكم فى الحكايه دى

اخوات ولا اصدقاء

**snow white** · 02-14-2009, 11:38 PM

بص يا اسلام انا اكيد افضل المواجهة من قبل الطرف الاخر لايضاح الامور
اما بالنسبة للصديق فهو ممكن يكون اقرب ليا من اخويا وممكن يراعي شعوري اكتر من اخويا
وبعدين احنا بنقول كلمة احنا اخوات بعد حدوث الصداقة فعلا بس بنقولها عشان نبين مدى ارتباطنا ببعض

ومدى قوة العلاقة بننا وليس لحبسها في نطاق الاخوة فقط

**خالد أبوسعده** · 02-15-2009, 10:39 PM

بص يا اسلام
اكيد كل واحد بيحس بالغلط الى هو عمله
و بيحس بالشخص الى زعلان منه من الى مش زعلان منه
علشان كده راجع مواقفك معاه
و افتكر ممكن يكون حصل منك حاجة ضايقته
لو مفيش
افتكر لو كنت قولت كلام عنه لحد
لانه ممكن اوى يكون الكلام دا وصل من ورا ضهرك
و عموما الكلام دا لو بيتنقل بيكون فيه مبالغه و تضخيم و دا طبيعى جدا
لان الى نقل الكلام قصده مش خير ابدا

لو معرفتش هو فيه ايه من الحاجتين دول
يبقى كده حد وقع بينكم و روح وواجهه غصب عنه

بس انا عايز انصحك نصيحه
الي ميسامحكش علشان غلطه من غير قصدك
يبقى مش صاحبك ولا فى مقام اخوك

و سؤالك عن اخوات ولا اصدقاء
الصديق يوصل لمنزله الاخ بجد لو كنتم متربيين مع بعض
يعنى طالعنها واحده واحده من و انتوا صغيرين مع بعض
الاصدقاء الجدد بيجيلك
الشعور دا فعلا و بتكون صادق فيه
بس الى بيجى بسرعه بيروح بسرعه
ارجوا انك تكون فهمتنى