متى يتحول الحب الى كراهية؟

**The[H]KinG** · 02-15-2009, 11:38 PM

أزيكم يا جماعة
أنا نادرا لما بنزل موضوع
وبيكون الموضوع ده حاجة جوايا وعايز أعبر عنها
المهم

عندما تصل الى قمة الحب والولاء والاخلاص مع شخص وفى لحظة يتحول كل هذا الى كراهية

هل يتحول هذا الحب الى كراهية؟
كيف يحدث هذا؟
وايه الموقف اللى حصل معاك فيه كده ؟

أنا بجد محتاج الردود بتاعتكوا جدا
وشكرا

**خالد أبوسعده** · 02-15-2009, 11:43 PM

بجد يا حسام موضوع راااااااااائع جدا
انا احب اقولك حاجة
الحب يتحول لكراهيه لما يكون خداع و خيانه و جرح
و اعذرنى علشان مش حقدر اقولك اكتر من كدا

**ندااااء البحر** · 02-15-2009, 11:44 PM

للاسف لما الانسان بيحب حد اوى و يكون مخلص ليه و مره وحده يحس انه بيكره بسبب موقف معين بيتقلب عليه بدرجه محدش يتخيلها بيكون الد عدو ده ممكن من دجه الكره الى وصلها يتامر مع الد عدو ليه هو شخصيا عشان يدم الانسان الى كان بيحبه
هى دى الحياه و الحقيقه مع الاسف

**Sara Gamal** · 02-15-2009, 11:58 PM

المشاركة الأصلية كتبت بواسطة The[H]KinG

أزيكم يا جماعة
أنا نادرا لما بنزل موضوع
وبيكون الموضوع ده حاجة جوايا وعايز أعبر عنها
المهم

عندما تصل الى قمة الحب والولاء والاخلاص مع شخص وفى لحظة يتحول كل هذا الى كراهية

هل يتحول هذا الحب الى كراهية؟
كيف يحدث هذا؟
وايه الموقف اللى حصل معاك فيه كده ؟

أنا بجد محتاج الردود بتاعتكوا جدا
وشكرا

اولا شكرا ليك ياحسام على الموضوع
وفعلا اللى بيتكتب من القلب مش بيوصل غير للقلب

لكن إسمحلى ياحسام بغض النظر عن اللى الانسان بيشوفه فى حياته وبيعيشه طبيعنى ان كل واحد فين بيتجرح وبيظهر فى حياته حد كدب عليه او خانه او خدعه...كلنا بلا استثناء مع تعدد المواقف

لكن لما هتكلم مع نفسى وانا شخصيا عشت كل ده يمكن فى البداية بتحس بثورة وغضب ممكن تتخيلها إنها كره للشخص ده ...بس ارجع كدا افتكر شئ جميل فى يوم جمعكوا أكيد هو مكنش وحش معاك على طول الخط أكيد ليه أشياء كتيييييييييييييييير حلوة هتلاقى انه عمل شئ واحد وحش خدعك بيه او جرحك فى المقابل اكيد ليه حاجات اكتر اجمل ..من حقك انك تغضب وتزعل بس مش من حقك تكره ياحسام او الادق انه مش مفروض تسمح لقلبك بده ومتحصرش تفكيرك فى شئ واحد وحش وافتكر الشئ الكويس

طب اقولك حاجة ..انا واحدة من الناس فى يوم من الايام اتجرحت زى اى حد مش تخيلت انى كرهت الشخص اللى جرحنى بس انا تخيلت انى كرهت معاه كل الناس حتى نفسى تعرف انى دلوقتى حبيته اكتر بس حب مختلف دلوقتى هو علمنى حاجة عرفت اتحاشاها مع غيره من الناس علمنى انى اخترت او حكمت غلط وعرفنى اختار ازاى إذا اصبحت انا مدينه ليه بشئ ووجب عليا على الاقل انى مكرههوش...وهكذا

اخر حاجة احب اقولهالك ياحسام القلب اللى بيحب صعب جدا يكرهك باللى يكرهك ممكن يحب
حاول تسامح صحيح مش فى لحظتها او وقتها بس ادى نفسك فرصة يمكن تندم لو ماخدتهاش بعد كدا

الله عزو جل بيقول((ولمن صير وغفر إن ذلك لمن عزم الأمور)

**AYMAN GAMAL** · 02-16-2009, 05:14 PM

المشاركة الأصلية كتبت بواسطة The[H]KinG

أزيكم يا جماعة
أنا نادرا لما بنزل موضوع
وبيكون الموضوع ده حاجة جوايا وعايز أعبر عنها
المهم

عندما تصل الى قمة الحب والولاء والاخلاص مع شخص وفى لحظة يتحول كل هذا الى كراهية

هل يتحول هذا الحب الى كراهية؟

استحاله يتحول كراهيه مهما تحاول ,هيفض قلبك برضه متعلق بحبه

كيف يحدث هذا؟

عشان عمرك ماهتقدر تنسى اجمل لحظات عمرك معاه و عمرك ما هتنسى عنيه وهيه بصه في عينك

وايه الموقف اللى حصل معاك فيه كده ؟

مفيش والله بس دي حاجه في اتنين كانوا بيحبوا بعض بجد و الايام فرقتهم

أنا بجد محتاج الردود بتاعتكوا جدا
وشكرا

شكرا ليك بس انا حاسس بكم حزن رهيب جدا و يارب ميكونش فيك

**ميرا مار** · 02-16-2009, 05:38 PM

روق كدا يا حسام
اولا شكرا لانك بتخلينا نتكلم
مافيش حد فى الدنيا يستاهل نكرهه

واللا ايه؟؟

عموما
راييى المتواضع
زمان قالوا لو حسيت انك بتكره حد يبقى هو اكيد لسة بيمثل لك حاجة

لكن لو وصلت لمرحلة تحس فيها انك شايف الشخص
دا بعيون زجاج يعنى شايفه ومش شايف
مش بيحرك جواك اى مشاعر فدا اقوى من اى كراهيه
لان ساعتها انت اتغلبت على وجوده فى حياتك

بالنسبة ليا اكره حد حبيته فى حالة واحدة بس..الخداع
انه يكون خدعنى باى طريقة من الطرق..

وبالنسبة ليا اصدر العيون الزجاج
لو اى حد خلص رصيده فى الحب عندى
والاتنين حصلولى الحمد لله هههههههههههههههههههههه

**Marwa Mahmoud** · 02-16-2009, 08:03 PM

من الصعب أن يتحول الحب الشديد الى كراهية
الإذا تعرض هذا الحب الى الكثير والكثير
من الصدمات التى أخلت بكاينة
ومزقت كل الروابط التى غلفتة
ومنها الكثير نحن فى غنى عن ذكرها الأن
ولكنى أرى أن كلمة الكراهية ليست من السهل قولها
وأريد أن أقول لك لا تبكى على أى علاقة مهما كانت لأن الشخص الذى
يستحق دموعك لان يدعك تبكى أبدا

أما أنا ممكن أكرهة بجد لو حد خدعنى وعيشنى فى
وهم كبير لم أفيق منه الإ بعد فوات الأوان بكثير

**ميرا مار** · 02-16-2009, 08:09 PM

ياااه يا مرمر

كلامك اثر فيا جدا
وعجبنى رايك الاخير جدا بس اكتر حاجة هاحطها فى بالى دايما هى

لا تبكى على أى علاقة مهما كانت لأن الشخص الذى
يستحق دموعك لان يدعك تبكى أبدا

بجد شكرررررررررررررررررا

**emu** · 02-16-2009, 08:18 PM

شكرا ليك يا حسام علي التوبيك ،،،
بس انا شايفه ان الحب مستحيل يتحول لكراهيه وخصوصا لو كان حب بجد
ممكن الاحساس نفسه هو اللي يتغير بصوره مؤقته بس طبعا مهما طالت عمرها متتحول لكره
يعني مثلا لو حصل حاجه بيني وبين حد بحبه ايا كان اكيد هاخد علي خاطري وهتصعب نفسي عليا وده هيخليني احس احساس اقل من اللي متعوده احسه تجاهه وحتي لو حصل وافترقنا اكيد هيبقي الحب في القلب ،،ممكن يكون معاه جرح بس معتقدش انه يتحول لكراهيه ابدا
شكرا ليك مره تانيه علي التوبيك يا حسام،،،

**Marwa Mahmoud** · 02-16-2009, 08:30 PM

المشاركة الأصلية كتبت بواسطة ميرا مار

ياااه يا مرمر

كلامك اثر فيا جدا
وعجبنى رايك الاخير جدا بس اكتر حاجة هاحطها فى بالى دايما هى

لا تبكى على أى علاقة مهما كانت لأن الشخص الذى
يستحق دموعك لان يدعك تبكى أبدا

بجد شكرررررررررررررررررا

أنا اللى بشكرك يا ميرا
أنتى عارفة أن أجمل حاجة كمان أن الأنسان يحس بجد
بأن الكلام الى بيقولة ده عايش جواه وحاسس بيه فعلا
مش مجرد كلام بيقولة وخلاص
وبشكرك يا حببتى مرة تانية على تعليقك الجميل ده

الموضوع: متى يتحول الحب الى كراهية؟

أدوات الموضوع

عرض

متى يتحول الحب الى كراهية؟

السلام عليكم ورحمة الله وبركاته

الكلمات الدلالية لهذا الموضوع

المفضلات

المفضلات

ضوابط المشاركة