متى يتحول الحب الى كراهية؟

**The[H]KinG** · 02-16-2009, 08:50 PM

المشاركة الأصلية كتبت بواسطة Mopoto

بجد يا حسام موضوع راااااااااائع جدا
انا احب اقولك حاجة
الحب يتحول لكراهيه لما يكون خداع و خيانه و جرح
و اعذرنى علشان مش حقدر اقولك اكتر من كدا

شكرا أووووووى يا خالد على الرد

وخير الكلام ما قل ودل

**The[H]KinG** · 02-16-2009, 08:51 PM

المشاركة الأصلية كتبت بواسطة ندااااء البحر

للاسف لما الانسان بيحب حد اوى و يكون مخلص ليه و مره وحده يحس انه بيكره بسبب موقف معين بيتقلب عليه بدرجه محدش يتخيلها بيكون الد عدو ده ممكن من دجه الكره الى وصلها يتامر مع الد عدو ليه هو شخصيا عشان يدم الانسان الى كان بيحبه

هى دى الحياه و الحقيقه مع الاسف

شكرا يا نداء ويارب فى تواجد مستمر معانا

**The[H]KinG** · 02-16-2009, 08:53 PM

المشاركة الأصلية كتبت بواسطة sara_gamal

اولا شكرا ليك ياحسام على الموضوع
وفعلا اللى بيتكتب من القلب مش بيوصل غير للقلب

لكن إسمحلى ياحسام بغض النظر عن اللى الانسان بيشوفه فى حياته وبيعيشه طبيعنى ان كل واحد فين بيتجرح وبيظهر فى حياته حد كدب عليه او خانه او خدعه...كلنا بلا استثناء مع تعدد المواقف

لكن لما هتكلم مع نفسى وانا شخصيا عشت كل ده يمكن فى البداية بتحس بثورة وغضب ممكن تتخيلها إنها كره للشخص ده ...بس ارجع كدا افتكر شئ جميل فى يوم جمعكوا أكيد هو مكنش وحش معاك على طول الخط أكيد ليه أشياء كتيييييييييييييييير حلوة هتلاقى انه عمل شئ واحد وحش خدعك بيه او جرحك فى المقابل اكيد ليه حاجات اكتر اجمل ..من حقك انك تغضب وتزعل بس مش من حقك تكره ياحسام او الادق انه مش مفروض تسمح لقلبك بده ومتحصرش تفكيرك فى شئ واحد وحش وافتكر الشئ الكويس

طب اقولك حاجة ..انا واحدة من الناس فى يوم من الايام اتجرحت زى اى حد مش تخيلت انى كرهت الشخص اللى جرحنى بس انا تخيلت انى كرهت معاه كل الناس حتى نفسى تعرف انى دلوقتى حبيته اكتر بس حب مختلف دلوقتى هو علمنى حاجة عرفت اتحاشاها مع غيره من الناس علمنى انى اخترت او حكمت غلط وعرفنى اختار ازاى إذا اصبحت انا مدينه ليه بشئ ووجب عليا على الاقل انى مكرههوش...وهكذا

اخر حاجة احب اقولهالك ياحسام القلب اللى بيحب صعب جدا يكرهك باللى يكرهك ممكن يحب
حاول تسامح صحيح مش فى لحظتها او وقتها بس ادى نفسك فرصة يمكن تندم لو ماخدتهاش بعد كدا

الله عزو جل بيقول((ولمن صير وغفر إن ذلك لمن عزم الأمور)

سارة دايما بقول عليكى حكمة المنتدى
يعنى بجد شكرا على النصيحة الغلية

**The[H]KinG** · 02-16-2009, 08:54 PM

المشاركة الأصلية كتبت بواسطة AYMAN GAMAL

شكرا ليك بس انا حاسس بكم حزن رهيب جدا و يارب ميكونش فيك

متعرفش يا بشمهندس أد ايه بس أنا بحاول أخد الحل من تجارب الغير وبحاول أتخطى الموضوع ده
وشكرا على الرد

**The[H]KinG** · 02-16-2009, 08:56 PM

المشاركة الأصلية كتبت بواسطة ميرا مار

روق كدا يا حسام
اولا شكرا لانك بتخلينا نتكلم
مافيش حد فى الدنيا يستاهل نكرهه

واللا ايه؟؟

عموما
راييى المتواضع
زمان قالوا لو حسيت انك بتكره حد يبقى هو اكيد لسة بيمثل لك حاجة

لكن لو وصلت لمرحلة تحس فيها انك شايف الشخص
دا بعيون زجاج يعنى شايفه ومش شايف
مش بيحرك جواك اى مشاعر فدا اقوى من اى كراهيه
لان ساعتها انت اتغلبت على وجوده فى حياتك

بالنسبة ليا اكره حد حبيته فى حالة واحدة بس..الخداع
انه يكون خدعنى باى طريقة من الطرق..

وبالنسبة ليا اصدر العيون الزجاج
لو اى حد خلص رصيده فى الحب عندى
والاتنين حصلولى الحمد لله هههههههههههههههههههههه

ميرا منورة الموضوع وطبعا هروق لانى حسيت بأخواتى معايا
وفعلا أنا أبتديت أطبق النظرية بتاعتك ولقيتها مفيدة شوية
بس يا رب ماشوف الانسان ده تااااانى
وشكرا على المشاركة الجميلة

**The[H]KinG** · 02-16-2009, 08:59 PM

المشاركة الأصلية كتبت بواسطة مرمر

من الصعب أن يتحول الحب الشديد الى كراهية
الإذا تعرض هذا الحب الى الكثير والكثير
من الصدمات التى أخلت بكاينة
ومزقت كل الروابط التى غلفتة
ومنها الكثير نحن فى غنى عن ذكرها الأن
ولكنى أرى أن كلمة الكراهية ليست من السهل قولها
وأريد أن أقول لك لا تبكى على أى علاقة مهما كانت لأن الشخص الذى
يستحق دموعك لان يدعك تبكى أبدا

أما أنا ممكن أكرهة بجد لو حد خدعنى وعيشنى فى
وهم كبير لم أفيق منه الإ بعد فوات الأوان بكثير

بجد كلامك مريح أووووووووووى
وشكرا على المشاركة يا مرمر

**The[H]KinG** · 02-16-2009, 09:01 PM

المشاركة الأصلية كتبت بواسطة emu

شكرا ليك يا حسام علي التوبيك ،،،
بس انا شايفه ان الحب مستحيل يتحول لكراهيه وخصوصا لو كان حب بجد
ممكن الاحساس نفسه هو اللي يتغير بصوره مؤقته بس طبعا مهما طالت عمرها متتحول لكره
يعني مثلا لو حصل حاجه بيني وبين حد بحبه ايا كان اكيد هاخد علي خاطري وهتصعب نفسي عليا وده هيخليني احس احساس اقل من اللي متعوده احسه تجاهه وحتي لو حصل وافترقنا اكيد هيبقي الحب في القلب ،،ممكن يكون معاه جرح بس معتقدش انه يتحول لكراهيه ابدا
شكرا ليك مره تانيه علي التوبيك يا حسام،،،

شكرا يا جميل على الرد

أنا حسيت بكده بكراهية جااامدة
بس أنا بحاول أتخطى الازمة دى

**The[H]KinG** · 02-16-2009, 09:03 PM

شكرا يا جماااعة على الردود الحلوة دى
وبجد حسستونى أنى مع أخواتى بالظبط
وأنا مكنتش متوقع كل الردود دى
بس كل يوم بتثبتولى أن المنتدى ده هو أحلى وأجمل منتدى فى الدنيا

**emu** · 02-16-2009, 09:12 PM

المشاركة الأصلية كتبت بواسطة The[H]KinG

شكرا يا جميل على الرد

أنا حسيت بكده بكراهية جااامدة
بس أنا بحاول أتخطى الازمة دى

ان شاء الله هتعدي يا حسام
كل حاجه بتاخد وقتها وبتعدي وكلنا بنتحط في تجارب وبنتجرح وبنفوق بس المهم اننا نتعلم من اللي بنمر بيه..
يلا بقي يا سمسم عايزينك تكون مبسووووووووووووط

**نور** · 02-18-2009, 10:28 PM

موضوع حلو اوى وبيلمس الحياه
انا مع ميرا
كرهك ليه ... اهتمام بيه

الموضوع: متى يتحول الحب الى كراهية؟

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة