عندى سؤال يخص المساحه البحريه

[Hassan Mohamed]

شكرا ليك يا بشمهندس والله علي المعلومات الرائعة دي

[Mohamed Hashem]

لا شكر على واجب زملائى الأعزاء
وتمنياتى بالتوفيق للجميع

[ADEL]

أنا متشكر جدا على اهتمامك بالرد . فعلا زى ما انتا قلت و الحمد لله حلتها

[Mohamed Hashem]

يبدو أن الأخ التونسى مسافر فى مأمورية
عموما هل هناك أحد آخر جرب الرابط ؟
أفيدونا ..

[Tunisian Surveyor]

شكرا أخ هاشم على اللينك ،
لقد حملت البرنامج و أنا بصدد تجريبيه الآن .
الشركة التي أشتغل بيها الآن تقوم بلالتي ذكرتها و كذلك :
- Single and multibeam survey
- Side Scan Sonar Survey
Sub Bottom profiler survey
ROV inspections

شكرا على المساعدة و على ذمتك في أي خدمة .

sorry for my bad arabic spelling i dont have an arabic keyboard so i'am using google ta3reeb
Regards

[Mohamed Hashem]

لا شكر على واجب
مرحبا بيك فى أى وقت
وتروح وترجع بالسلامة ... ما تغيبش علينا
وماتحرمناش بقى من مشاركات مفيده للأعضاء عن الهاى باك بما إنك متخصص فيه

[tarak]

اخوكم طارق انا خريج كليه زراعه 2000قسم اراضى ومياه اعمل الان مساح للاراضى الصحراويه بقالى ثلاث سنينgpsبشتغل عليه وعلى الاوتوكاد كويس جدا
وبحاول الان تعلم انجليزى بالمركز الامريكى وبدور على شركه اعمل فيها فى مجال المساحه البحريه لو ممكن حد يساعدنى فى هذا الموضوع وله جزيل الشكر

[Mohamed Hashem]

اخوكم طارق انا خريج كليه زراعه 2000قسم اراضى ومياه اعمل الان مساح للاراضى الصحراويه بقالى ثلاث سنينgpsبشتغل عليه وعلى الاوتوكاد كويس جدا
وبحاول الان تعلم انجليزى بالمركز الامريكى وبدور على شركه اعمل فيها فى مجال المساحه البحريه لو ممكن حد يساعدنى فى هذا الموضوع وله جزيل الشكر

أهلا وسهلا بيك يا صلاح
نورت المنتدى وخاصة قسم المساحة البحرية
شئ جميل جدا أنك بتحاول تزود مؤهلاتك بدراسة الانجليزى .. هو عصب كل العلوم وتمنياتى بالتوفيق
وبالنسبة لمجال المساحة البحرية .. سأحاول تجميع بعض المعلومات لك قريبا جدا ان شاء الله و لكن لازم تعرف ان الخبرة هامة جدا فى مجال المساحة البحرية لانها مختلفة كتير عن المساحة الارضى وغالبا الشركات بتطلب خبرة ... اما اذا حبيت تكتسب الخبرة دى بالتدريب من جديد .. فاسمح لى اسألك ليه عاوز تبدا من الاول .. ليه تضيع 3 سنوات اشتغلت فيهم ارضى ؟
شكرا لك

[MELSKILY]

السلام عليكم
اولا اوجه التحية للبشمهندس محمد هاشم المشرف على قسم المساحة البحرية نظرا لمجهوده فوق الممتاز فى الرد على الاستفسارات ولغزارة معلوماته وخبرته فى هذا المجال
ثانيا انا خريج كلية الحقوق وكنت فى الثانوية العامة علمى رياضة واتقن اللغة الانجليزية وكذلك الاوفيس والاوتوكاد وفى الفترة الاخيرة استهوانى موضوع المساحة البحرية وبدأت أقرأ كثيرا فيه وعلمت ان هناك دبلومة فى الاكاديمية البحرية للتخصص فى هذا المجال والعمل به

فما رأى المهندس محمد فى هذا الموضوع وهل ينفع ادخل فى هذا المجال رغم انى لست خريج مساحة او هندسة؟؟؟؟؟؟؟؟؟؟؟؟؟

ولك جزيل الشكر

[سمير المرزوق]

بارك الله الجهود