اسئلة اجابتها من القلب

[نور]

انتى خليتينا نحلف واحنا ... ها .. بس انا هعديها
وانتى لو فهمتى حاجة منى ... ابقى قولى ماشى يا قمرررررررررر

هل انت شخص رومانسى؟
اعتقد اه
هل يمكنك أن تضحى بحياتك من أجل من تحب ؟

طبعا ممكن ... وسهل كمان بس لما ييجى

ما هى مواصفات شريك حياتك ؟

يكون بس بيعرف ربنا ... لانة لما يعرفه كل حاجة هتبقى كويسه وربنا كمان هيبارك لنا .. ؟؟ ..

من يعشق قبل من وجهة نظرك القلب و لا العين ؟ و لماذا ؟

بصى انا مجربتش .. ف مش عارفة بس انا بقول ان الاتنين لازم ياخدو نفس الفرصةوالعقل يبقى الحكم... اعتقد

ماذا تفعل اذا خانك من تحبه ؟

انتى عارفة انا الخيانة بالنسبة ليا بتبدا من الكدب ... واللى بيكدب بيبقى عدى الصعب وممكن يعمل اى حاجة

يعنى لو اتعرضت للموقف ده .. ممكن اشطب الصفحة دى من كتابى بس وانا واقفة زى ما انا

لو خيروك بمكان تذهب فيه مع حبيبك ............. ما هو المكان
و لماذا اخترت هذا المكان ؟

وكمان لية اخترت المكان .. هو انااصلا قررت هروح فين ... بس اكيد المكان ده يا اما وااااااااسع اوى يا اما فيه شمع كتيررررررر

اصلى بحب الشمع اوى

متى تشعر بالوحدة و انت مع حبيبك ؟

بيتهيألى لما يبقى مفيش امان.. صح ولا ..

اغنية تهديها او سوف تهديها لحبيبك ؟

ياااااا يحيينا ويحييكى ... اكيد وقتها هتطلع اغانى جديده ... اه اكيد
اى نوع من الورود سوف تهدى حبيبك و ما هو اللون ؟


اى ورده لونها ازرق بس لو ما لقتش بقى اكيد هجيب ابيض

ما هو رايك فى الحب ؟

هو عموما الحب نعمه ... بس اللى تقصديه لسة لسة..

هل انت عاشق للحب لمجرد الحب ام انك عاشق لمن تحب ؟

احنا ربنا اكيد خلقنا بنحب .. يبقى الحب اللى تقصدية بيبقى علشانة هو .
- هل تعترف ان هناك حب عن طريق التليفون او النت ؟

لاء ...

ما رايك فى الحب الاول هل هو اكبر حب ام اكبر وهم ؟ و لماذا ؟

على حسب ... يعنى مثلا السن اللى كان فية اول حب ده..وبعدين مفيش حاجة اسمها وهم .. فيه نتعلم حاجة من التجربة ومش علشان فشل يبقى فى طرف مش كويس
ماذا تفعل عندما تشعر انك احببت الشخص الخطئ و انه لا يستاهل هذا الحب ؟


علشان كده قولتلك الاول .. العقل بيبقى هو الحكم .. بس لو العقل كمان مقدرش يحكم .. حسبى الله ونعم الوكيل اقول اية

ماذا تفعل لو عرفت ان هناك شخص يحبك و انت لا تبادله نفس الشعور ؟

اه دى تسألينى انا بقى ..طبعا دى اكتر حاله بتتعب وخصوصا بقى لما تكون متأكد ان اللى بيحبك حد كويس .. بس .