*** كرهـــــت الحياه ***

**Mahro** · 02-22-2009, 07:26 PM

كرهت الحياه على طول دايماً حزينه

ولما نلاقى مره فيها فرح تكسرنا وتهد فينا

ياترى العيب فيك يا زمانا ولا العيب فينا

ياما قابلتنا جناين شوك ومن عليها خطينا

ولا هو خلاص مفيش بساتين ورورد ولا احنا اتعمينا

مش حسين ليه بالوجود هو احنا موتنا ولا الروح لسه فينا

هى دى ملامحنا ولا مغيرها الدمع الى دايماً فى عنينا

مليانه بالجرح قلوبنا ومن كتر الجرح نسينا اسمينا

حلمنا نكون فى الدنيا طيور والسما تضلل علينا

كبرنا وبقينا نسور بننهش حتى فى اقرب مالينا

واتارى العيب يازمانا كان فينا مااحنا الى زرعنا الشوك بأدينا

وبعدنا وروحنا على نفسينا ندور توهنا ورجعنا مكان ما ابتدينا ................

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

**spider girl** · 02-22-2009, 07:36 PM

ياااااااااااااااااااااااه يا ماهرو
ايه الحزن ده الزمن والحياه
والظروف واحنا سعات بنقفلها فى وشنا
كل دى اسباب بس احلى حاجه
انك تقول (لااله ألا انت سبحانك انى كنت من الظالمين)

وتتحل العقد ان شاء الله
شكرا ليك يا ماهرو