ماتقولش ايه ادتنا مصر؟؟!! ... قول انت عايز ايه من مصر...

[ميرا مار]

السلام عليكم
عندى موضوع جااااد جدا فعلا شاغل تفكيرى كتييييييير
واكتشفت انى باحب مصر جدا ..بس ماجاتش الفرصة اعبر عن حبى لها


عشان كدا ..اتمنى انى اشوفها حاجة تانية احلى فى كل شئ
وللاسف مش فى ايدى الكتير

لكن قلت ممكن افتح صفحة نقاش لشباب مصر الواعد
هما شايفين مصر ممكن تبقى احلى ازاى بس بطريقة واقعية

وعشاان كدا كل اللى عنده فكرة او اقتراح او حتى شكوى
نقولها هنا
يمكن صوتنا يوصل فى يوم..وساعتها نكون عملنا حاجة بجد...

[ميرا مار]

انا ابتدى

نفسى اشوف فى مصر
تكاتف جااااااد من كبار رجال الاعمال واغنياء مصر
يحطو ايديهم فى ايد بعض
ويتبرعوا بمبالغ جامدة
تتجمع وتتعمل مشروع كبير ضخم
تلم عدد هائل من شباب مصر العاطلين الباحثين عن فرص
للعمل والرزق الحلال..

واتمنى ساعتها يتعمل جزء من ارباح المشروع
ننقذ بيها اطفال الشوارع..اللى بلا ماوى ولا سكن
اتمنى..

[ميرا مار]

عايزة فى مصر

قانون يجرم قاطعى صلة الرحم

ويبقى من حق اللى له حد قاطع لصله رحمه انه يشتكيه
ويبقى فى فى قانون الاحوال الشخصية حاجة تحكم هذه المسالة

اشمعنى السارق والقاتل والمرتشى وكل اهل الفساد بيعاقبوا
مع ان قطع صلة الرحم اشد وطاة فى التاثير على المجتمع..

كفاية ان رب العزة قرنها باسمه وتوعد قاطع الرحم بقطيعته..

[ميرا مار]

نفسى اشوف فى مصر
اول ناس تلتزم بقوانين السير والطرق اهلها
نفسى اشوف الناس بتتصرف بطريقة حضارية

نفسى اشوف كل كام متر سلة للمهملات
انا ساعات بابقى ماشية فى الشارع باتلفت ادور على سلة ارمى فيها
ارجو حد يسمعنى ...نفسى بجد مصر تبقى بلد شوارعها نظيفة

[mohamed-gohar]

والله انا بحب بلدى مصر جدا بس انا كان ليا عند "الغالية" طلب واحد : نفسي مصر تروح كاس العالم

[ميرا مار]

هههههههه
يارب يا محمد
وباشكرك جدا لمشاركتك..

[Mimi]

موضوع رائع جدآ ياميرا

وانا بطلب من مصر العدل والتحضر

[ميرا مار]

موضوع رائع جدآ ياميرا

وانا بطلب من مصر العدل والتحضر

شكرا ميمى

ياريت يا ميمى تحددى اكتر هتساعدينا كتير
لانك ممكن تطلبى حاجة... ويكون هنا بالصدفة حد يقدر ينفذها
باشكرك قوى يا حبيبتى ومشاركتك اسعدتنى
ماينفعش الموضوع من غيرك

[eslam mamdouh]

موضوعاتك دائمه التمييز يا مهندسه مها

مشكله مصر الاساسيه من منظورى المتواضع

عدم وجود رؤيه شموليه فى التخطيط ونحن بالفعل كل ما نفعله هو التخطيط بعيدا عن ارض الواقع

ولذلك فنحن صيد سهل للتخلف والفقر والعشوائيات والجرائم المجمتعيه الصارخه

ما اتمناه لمصر وجود تفاعل بين الجميع من اجل العلو بشانها , بمعنى ان يشعر الجميع بدوره فى المجتمع


ان تنتهى السلبيه ولا مبالاه وان تختفى كلمه (انا مالى خلينى فى حالى )

ان يخاف كل انسان على اخيه كما يخاف على نفسه

وبدايه اى تقدم او حركه تقدميه لمصر هو من التعليم

اتمنا لمصر نظام تعليم قوى حقيقى يبدا من التساؤل حتى يصل الى الاجوبه الازمه

اتمنى لمصر روح جديده........فكر جديد (غير طبعا فكر العبور للمستقبل بتاع ناس حبايبنا)

بجد اتنما من كل فرد ان يشعر بدوره فى المجتمع وان بدون وجوده يختفى جزء لا يتجزء من المجتمع

اتمنا..............واتمنا..............واتمنا..... ........ويلايت الحياه تمنى كانت بجد تكون سهله
انا اسف جدا على الاطاله.........ولكن بجد موضوع اكثر من رائع.......



الف شكر لحضرتك مره تانيه

[ميرا مار]

موضوعاتك دائمه التمييز يا مهندسه مها

ما اتمناه لمصر وجود تفاعل بين الجميع من اجل العلو بشانها , بمعنى ان يشعر الجميع بدوره فى المجتمع


ان تنتهى السلبيه ولا مبالاه وان تختفى كلمه (انا مالى خلينى فى حالى )

ان يخاف كل انسان على اخيه كما يخاف على نفسه

وبدايه اى تقدم او حركه تقدميه لمصر هو من التعليم

اتمنا لمصر نظام تعليم قوى حقيقى يبدا من التساؤل حتى يصل الى الاجوبه الازمه

اتمنى لمصر روح جديده........فكر جديد (غير طبعا فكر العبور للمستقبل بتاع ناس حبايبنا)

الف شكر لحضرتك مره تانيه

انا اللى باشكرك يا اسلام
تحدثت فاحسنت
وحطيت ايدك على نقطة فى غاية الاهمية

معظمنا غافل عن ان له دور فى المجتمع ..المفروض يكون مرسوم بدقة
ولكن للاسف يمر العمر سريعا دون ان يعلم اغلبنا ..هو عايش ليه
وان مصرنا لها حق عليه
وانه مسئول عنها زيه زى اكبر مسئول فيها
لكن عند قوله وانا مالى....مشكلة..باشكرك واتمنى ان الكل
يستفيد كما استفدت انا من مشاركتك..بجد شكررررررررا