ماتقولش ايه ادتنا مصر؟؟!! ... قول انت عايز ايه من مصر...

**Marwa Mahmoud** · 02-28-2009, 12:14 AM

شكرا ليكى يا ميرا موضوع جميل جداااااااااااااااا
بحييكى على موضوعاتك الهدافة دى

أنا نفسى فى حجات كتير ة أوى أطلبها من
كل إنسان بيعيش على أرض هذا الوطن الغالى
الحكام والشعب لأن الوطن عمرة ماهيتغير إلا
بأبنائة اللى بيحبوة
لم ينهض هذا الوطن الإ ( بالعدل )
لو كل واحد خد حقة ولم يأكل حق غيرة
ستتغير الأحوال كثيرا
( الظلم ) الواقع هو من أكثر مايعانية

كم من أسر لا تجد مأوى ولا مسكن ولا ملبس
مناظر تجعل القلوب تبكى قبل العيون ..

**ميرا مار** · 02-28-2009, 03:35 PM

المشاركة الأصلية كتبت بواسطة مرمر

شكرا ليكى يا ميرا موضوع جميل جداااااااااااااااا
بحييكى على موضوعاتك الهدافة دى

أنا نفسى فى حجات كتير ة أوى أطلبها من
كل إنسان بيعيش على أرض هذا الوطن الغالى
الحكام والشعب لأن الوطن عمرة ماهيتغير إلا
بأبنائة اللى بيحبوة

صح يا مرمر عندك حق فعلا

لا يغير الله مابقوم حتى يغيروا ما بانفسهم

ربنا يقدرنا على نفوسنا..ونحاول نتغير دايما للافضل

**ميرا مار** · 02-28-2009, 03:37 PM

المشاركة الأصلية كتبت بواسطة Mimi

موضوع رائع جدآ ياميرا

وانا بطلب من مصر العدل والتحضر

شكرا ميمى

ياريت يا ميمى تحددى اكتر هتساعدينا كتير
لانك ممكن تطلبى حاجة... ويكون هنا بالصدفة حد يقدر ينفذها
باشكرك قوى يا حبيبتى ومشاركتك اسعدتنى
ماينفعش الموضوع من غيرك

**ميرا مار** · 02-28-2009, 03:41 PM

المشاركة الأصلية كتبت بواسطة eslam mamdouh

موضوعاتك دائمه التمييز يا مهندسه مها

ما اتمناه لمصر وجود تفاعل بين الجميع من اجل العلو بشانها , بمعنى ان يشعر الجميع بدوره فى المجتمع

ان تنتهى السلبيه ولا مبالاه وان تختفى كلمه (انا مالى خلينى فى حالى )

ان يخاف كل انسان على اخيه كما يخاف على نفسه

وبدايه اى تقدم او حركه تقدميه لمصر هو من التعليم

اتمنا لمصر نظام تعليم قوى حقيقى يبدا من التساؤل حتى يصل الى الاجوبه الازمه

اتمنى لمصر روح جديده........فكر جديد (غير طبعا فكر العبور للمستقبل بتاع ناس حبايبنا)

الف شكر لحضرتك مره تانيه

انا اللى باشكرك يا اسلام
تحدثت فاحسنت
وحطيت ايدك على نقطة فى غاية الاهمية

معظمنا غافل عن ان له دور فى المجتمع ..المفروض يكون مرسوم بدقة
ولكن للاسف يمر العمر سريعا دون ان يعلم اغلبنا ..هو عايش ليه
وان مصرنا لها حق عليه
وانه مسئول عنها زيه زى اكبر مسئول فيها
لكن عند قوله وانا مالى....مشكلة..باشكرك واتمنى ان الكل
يستفيد كما استفدت انا من مشاركتك..بجد شكررررررررا

**ميرا مار** · 02-28-2009, 05:22 PM

المشاركة الأصلية كتبت بواسطة م/ احمد فاخر

موضوع جميل جدا ياميرا
بس انا بطلب حاجات كتير اوى من حكام مصر

الحريه وما تحويه من معانى كتيره
العدل بين الناس
نفسى اللى يحكم مصر
يكون بيحب مصر ويخاف عليها

نفسى الناس تبطل تسكت وتقول انا مالى
ويارب حاجه من دول تتحقق
اللهم امين

اللهم امين..انا اتمنى اكتر شئ من امنياتك
العدل
لو تحقق!!! ياااااااه اتمنى

شكرا يا بشمهندس لاضافتك

**ميرا مار** · 02-28-2009, 05:24 PM

المشاركة الأصلية كتبت بواسطة witch evil

موضوع رائع يا ميرا

انا بقى نفسى اشوفك مصر ارد سلام وامان

والطير الابيض يبان شايل غصن الزيتون

بحلم بمصر بتاعت زمان

ايام مكان الجيران كلهم عليه وحده

ايام مكانت الشوارع فاضيه والجو رايق

ايام وايام بجد مصر وحشتنى اووووووووووووووووووى اللى ملحقتش منها غير حاجات بسيطه

هههههههههههههههه يا رايق ات يا رومانسى
على فكرة مصر بتاعة زمان ماكانتش حلوة كلها ولا حاجة
بس عندك حق فى حكاية الجيران دى..دلوقت ماحدش له دعوة بحد
ياااااااااه ياريت يرجع الحب
والناس تخاف على بعضها تانى

**mr.lonly** · 03-01-2009, 02:43 AM

يا ميرا رغم انى زعلان منكم كدة محدش يسأل عليا اوكى !!!!!يا وحشين

بس موضوع بجد حلو وعارفة انا لسه شايف منى الشاذلي
بتعلن عن مجموعة شباب سمو نفسهم شباب 14 فبراير
عندهم طموح يرجعوا الحب للبلد دى ويرجعوا حاجة كدة الناس
نسيتها اسمها... اسمها ...الانتماء باين اه الانتماء !!!
واول ظهور ليهم في ميدان التحرير وزعو علي كل واحد ماشي وردة

وانا شايف ان فعلا لو الحب يسود شعبنا هانبقي حاجة تانية خالص

**Hassan Mohamed** · 03-01-2009, 02:43 AM

مصر هي أمي .. نيلها هو دمي
شمسها ف سماري .. شكلها ف ملامحي
و إن كان لوني قمحي .. ده من فضل مصر
ما تلاقيش مثالها .. ست كل عصر
عشة جنب نيلها .. تسوى ألف قصر
ولا وردة بلدي .. فيها عطر مصر
ولا سحر مصر .. ولا جو مصر
ولا .. ولا .. ولا
ده شئ ملهش حصر

و إنتوا تعذروني .. لما أقول يا مصر

مصر .. مصر .. مصر

فاتك نص عمرك ياللي ما شفت مصر
ده التاريخ ف مصر .. و الهرم ف مصر .. و الكرم ف مصر
و الحلوين ف مصر .. و الجدعان ف مصر
ادوني عصاية .. أرقص رقص مصر

انا مش قول غير اني بحب مصر واني فدا الوطن

نفسي اشوف مصر احسن دولة في العالم كله

بحبك يا مصر

**free eagle** · 03-01-2009, 03:06 AM

انا بتمنى ان الحكام يحكموا بشرع ربنا

ودة هيحل كل المشاكل

مش هنلاقي سرقة

مش هنلاقي ربا مش هنلاقي حاجات كتير بنشوفها

في ظل الاحكام الوضعية لكن لو حكمنا ربنا بينا

والله والله والله

كله هيتعدل وهيتصلح

بس نقول ايه بقي

اللهم اهدينا واهدي بينا

ومش جديد عليكى الحلاوة دى يا ميرا

الله ينور على الموضوع

**ميرا مار** · 03-03-2009, 02:52 PM

المشاركة الأصلية كتبت بواسطة mr.lonly

يا ميرا رغم انى زعلان منكم كدة محدش يسأل عليا اوكى !!!!!يا وحشين

بس موضوع بجد حلو وعارفة انا لسه شايف منى الشاذلي
بتعلن عن مجموعة شباب سمو نفسهم شباب 14 فبراير
عندهم طموح يرجعوا الحب للبلد دى ويرجعوا حاجة كدة الناس
نسيتها اسمها... اسمها ...الانتماء باين اه الانتماء !!!
واول ظهور ليهم في ميدان التحرير وزعو علي كل واحد ماشي وردة

وانا شايف ان فعلا لو الحب يسود شعبنا هانبقي حاجة تانية خالص

اولا انا باعتذر
فعلا عندك حق..كان لازم نسال عليك
عموما حصل م انك بخير

ثانيا ..شكرا ع المعلومة اول مرة اسمعها
بس ياريت الشباب دول كانوا وزعوا رغيف عيش احسن على اطفال الشوارع
وما اكثرهم
وفعلا احنا معندناش انتماء
الكلمة بدات تنقرض
واحنا فعلا محتاجين الانتماء والحب
باشكرا جدااااااااااااااااااا

الموضوع: ماتقولش ايه ادتنا مصر؟؟!! ... قول انت عايز ايه من مصر...

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة