برنامج بدون مونتاج ...

**خالد أبوسعده** · 03-27-2009, 12:13 AM

بصى يا ميرا

التصريح دا جالى بعد شهرين تفكير
يعنى فكرت شهرين و بعدين ردت بأحنا اخوات

و انا احترمت الموقف دا لان القلوب مش بأيد حد و فى الاول وفى الاخر نصيبك حتاخده
و محدش حيتجوز مراتى الى ربنا كاتبهالى
ولا حياخد رزقى الى ربنا كاتبهولى

اتضايقت اه
بس مزعلتش

لانى مغلطش و عملت الى عليا

و بعدين المتصل الظريف دا مش هى
و انا منأكد و عارف مين الى قال السؤال دا

ماشى يا بتاع تانيه تالت

**ميرا مار** · 03-27-2009, 12:16 AM

ربنا يكملك بعقلك..
ماهو.. اه ..هتقول ايه غير كدا..اصلها كبسة جامدة قوى
بصل وطبيخ بقى .. وجو مش حلو كدا

طب قولى بقى
ليه لما بتشوف بنت انت معجب بيها بيبقى نفسك تكلمها
بس بترجع في كلامك لحد ماتضيع الفرصه من ايديك
و يسبقك ليها غيرك؟

للدرجة دى معنكش ثقة فى نفسك؟؟
واللا شايف انك مرفوض مرفوض
بالمقارنة بمواصفات الشاب اللى مقبول عند البنت..

**خالد أبوسعده** · 03-27-2009, 12:20 AM

بصى يا ميرا

انا ماشى بمبدأ
الحاجه طول ما هى بعيد بيبقى شكلها حلو
لما تقرب بتشوفها علي حقيقتها

فأنا لمجرد انى اكلم واحده للاعجاب بس مش من النوع دا
غير انى بحب احترم نفسى و محبش حد يحرجنى
و حصلت قدامى كتييييييير قبل كدا مواقف لناس بعد ما كانوا معجبين بحد رجعوا بيشتموا فيه

طب و علي ايه؟؟

**ميرا مار** · 03-27-2009, 12:22 AM

ا
طب وعلى ايه؟؟

شكلك اتنرفزت..

طب نهدى بقى بشوية ذكريات

حكى لنا بقى عن ايام الثانوى

الظاهر ان تفكيرك كان على قده من يومك

مين اكتر مدرسة اتشديت لها وانت فى ثانوى
وكنت شايفها اتراكتيف قوى
ولغاااااية النهاردة قارف صحابك بالكلام عنها؟؟
مانت ياعينى فاضى بقى القلب والبال

**خالد أبوسعده** · 03-27-2009, 12:25 AM

هههههههههههههههههههه

و اتنرفز ليه
و الله عادى مانا الى حاكى علي الموضوع دا للناس اصلا يعنى مش سر

و بعدين انا فى الثانوى مكانش عندى ولا مدرسه
انا كنت فى مدرسه عسكريه و كان المدرسات فى فصلنا اخرها حصتين و تنفد بجلدها:D:D

**ميرا مار** · 03-27-2009, 12:29 AM

ماهما الحصتين دول اللى فيهم الشفا

اعترف يا خالد يا موبوتو احسن لك بدل ماكمل بقيت اسم المتصلة المجهولة
وبالمرة قوللى

ايه هى مواصفات فتاه خيالك..اه سورى
قصدى احلامك

مانت يابنى يادوب اللى زيك يحلم
ولا يطول ..وفى الاخر يتقال عليه شوال بصل..

ومن هنا نوجه ماااااء قصدى نداااااااااااااااااء

ويا بخت من وفق بصلتين فى الحلال..

**خالد أبوسعده** · 03-27-2009, 12:34 AM

هههههههههههههههههههههههه

حلو المثل دا و الله
جديد
شكلك عندك بصل مش عارفه توديه فين

مش حتصدقى لو قلتلك ملهاش مواصفات

طبعا بتخاف ربنا
اهم حاجه انها تكون فهمانى و فاهمها
و اكون بحبها و بتحبنى
و اكون كل حياتها و هى كل حياتى
و بس كدا

و بعدين الصبر جميل و الجواز قسمه و نصيب
و 90% من قصص الحب جت من مواقف غمرك ما تتخيليها

فين اللمون يبنى