اطلبى ..... واتمنى ...((الجديد .×.× علاج الرؤوس السوداء))

**Nada Mohammed** · 03-02-2009, 10:48 PM

جيالكم يا بنات حواء بموضوع جديد ومتجدد ومستمر بأذن الله .....
وارجو التثبيت .....

الموضوع يختص بأى طلب عاوزينة بنات حواء
واى يكون الطلب
يختص بمشاكل البشرة
او وصفات لاى نوع من انواع البشرة
او وصفات للجسم او اى مشكلة من مشاكل الشعر
او لو محتاجين تصميم لاى من الموديلات
وغيرها مما تحتاج حواء
.
.
.
.
.

اتمنى ان الموضوع ينال اعجبكم

ومستنية طلباتكم

**heba** · 03-02-2009, 11:42 PM

موضوع جميييييييل جدا وفكرته حلوة يا tota
واول طلب يكون عن مشاكل الشعر (التقصف - القشرة _.........الخ)والحلول طبعا وبس

شكرا ليكي

**Nada Mohammed** · 03-02-2009, 11:45 PM

المشاركة الأصلية كتبت بواسطة heba

موضوع جميييييييل جدا وفكرته حلوة يا tota

واول طلب يكون عن مشاكل الشعر (التقصف - القشرة _.........الخ)والحلول طبعا وبس

شكرا ليكي

متشكرة ليكى يا هبة
ونورتينى والله
ومتشكرة لمرورك
والمشاركة اللى جاية هتلاقى الحل ان شاء اللة

**Nada Mohammed** · 03-03-2009, 12:04 AM

المشاركة الأصلية كتبت بواسطة heba

موضوع جميييييييل جدا وفكرته حلوة يا tota

واول طلب يكون عن مشاكل الشعر (التقصف - القشرة _.........الخ)والحلول طبعا وبس

شكرا ليكي

وادى يا هبة الوصفات لمشاكل الشعر
جربيها وردى عليا
نورتينى يا حبيبتى

((تــســـاقـط الــشعر))

من أهم أسباب تساقط الشعر..

1-عدم التغذية السليمة وخاصة بفيتامين الحديد
2- كثرة استعمال صبغات الشعر الكيميائية وخاصة التى يستعمل معها ماء الاكسجين .
3- كثرة استعمال السيشوار وخاصة السخونة الزائدة ممايؤدى إلى جفاف الشعر وتقصفه وسقوطه.
4- تمشيط الشعر بعنف مما يؤدى لنزعه من جذوره .
5- الضغط الشديد بالمشط على فروة الرأس مما يسبب التهابها وتكون القشرة .
6- عمل بعض التسريحات التى تجعل الشعر مشدوداً.مثل تسريحة ذيل الحصان .
7- كثرة عمل (البرماننت) للشعر.
8- شد الشعر بعنف على المقص الحرارى (الرولو).
9- استعمال أمشاط أو فرش من الانواع الرديئة من البلاستيك والنايلون .

((خــلــطـــاتxخــلطـــات))

خلطه لتخفيف تساقط الشعر
المقـــادير:
بيضه - ملعقه كبيره عسل - خلطه زيوت - ريحان مجفف - والي شعرها جاف تضع مايونيز
تخلطونه كله مع بعض و تحطونه على شعركم لمده ساعتين على الأقل و استمرى عليها و هيظهر الفرق.

للشعر المتقصف:

اخلطي مقدار بيضتين ثم أضيفي إليهما ملعقتين من زيت الجرجير أو زيت الذرة واخفقيه جيداً. بللي جذور شعرك بالخليط، ثم دلكي شعرك بباقي الخليط، اعملي المساج لمدة 5 دقائق، ثم دلكي باقي شعرك وارفعيه لأعلى، ثم البسي غطاء البلاستيك لمدة ساعة، اغسلي شعرك بالشامبو والبلسم.

طرق التخلص من القشرة

يمكن استعمال بعض الشامبوهات للتخلص من هذه القشرة، بحيث يغسل بها الشعر ويفرك لمدة خمس دقائق .. ويكرر العلاج اسبوعيا.

لعصير الليمون مفعول قابض للجلد وبالتالي يقاوم خروج الافرازات الدهنية ، لذلك يشطف الشعر بمحلول مكون من عصير ليمونتين ولتر ماء. وكرر من مرتين الى ثلاث مرات اسبوعيا ، ويتم ذلك بعد غسل الشعر بالشامبو. يمكن استعمال الخل لنفس الغرض حيث يتم اضافة ملعقتين خل لفنجان ماء، ويشطف به الشعر.

تغلى بذور البنجر ثم تضاف كمية بسيطة من الخل ، ويشطف به الشعر وتدلك به فروة الرأس.

تؤخذ ملعقتان كبيرتان من بذور الحلبة ، وتنقع في الماء لليلة كاملة، ثم تؤخذ وتطحن لعمل عجينة منها، توزع على فروة الرأس ، وتترك لمدة نصف ساعة ، ثم يغسل الشعر بالشامبو، او صابون زيت الزيتون.

وصفة اخرى للتخلص من القشرة

تقدرى تعملى حمام بزيت الصبار فقط
وانا عن نفسى مجرباة
هو بينشف الشعر شوية بس نتيجية هايلة للقضاء عن القشرة

**spring sun** · 03-03-2009, 12:34 AM

حلو اوي يا توتا

بجد انتي نشيطه اوي اوي

**Nada Mohammed** · 03-03-2009, 12:51 AM

المشاركة الأصلية كتبت بواسطة spring sun

حلو اوي يا توتا

بجد انتي نشيطه اوي اوي

متشكرة ليكى يا أميرة

**ميرا مار** · 03-03-2009, 01:49 AM

جميل قوى يا توتا
حلو الموضوع دا
انا باشكرك بجد لانى كان نفسى حد يعمل الموضوع دا
وباذن الله اميرة تتابع معاكى
وكل ماتردى على سؤال اميرة تغير العنوان وتدى تلميح عن انه فى حاجة جديدة
ميرسى يا قمر

**جنات** · 03-03-2009, 09:22 PM

ايه يا توتا الجمال ده برافو عليكى بجد انتى زى ما قالت اميره نشيطه مشاء الله عليكى ولو احتجت حاجه اوعدك هقولك

**Nada Mohammed** · 03-03-2009, 09:25 PM

المشاركة الأصلية كتبت بواسطة ميرا مار

جميل قوى يا توتا

حلو الموضوع دا
انا باشكرك بجد لانى كان نفسى حد يعمل الموضوع دا
وباذن الله اميرة تتابع معاكى
وكل ماتردى على سؤال اميرة تغير العنوان وتدى تلميح عن انه فى حاجة جديدة

ميرسى يا قمر

متشكرة ليكى يا ميرا
وعموما لو مفيش طلبات
هنزل كل يوم معلومة جديدة
ومتشكرة ليكى