҈இΞ¯−ـ‗_ قلنا النظافة من الايمان _‗ـ−¯Ξஇ҈

**Mahmoud Slem** · 03-13-2009, 01:18 PM

شويه كلام كده مش عارف
يتفهوا ولا لا

اتفضلوا معايا

قلنا النضافة من الإيمان..

البلد بقت اسواء م الأول..

رفعنا شعار الأمن والأمان..

الخوف بقي أكتر م الأول..

كهربنا السور..

حطينا سم فيران..

الحرامي بقي أشجع م الأول..

اتعلمنا لغات..

وعلوم بيئة وإنسان..

الجهل بقي أبشع م الأول..

وفرضنا ضرايب..

ع الهوا والموت والأحزان..

ضهر البلد انحني أزيد م الأول..

وعندنا زيادة ف عدد السكان..

بس احنا أقل كتير م الأول..

ومحمد وحنا..

بيتقابلوا بالأحضان..

بس الحضن..

مش صافي ليه زي الأول..

وأنا وانت سوا ف كل دقيقة..

وكل مكان..

لكن مش شايفين بعض زي الأول..

وأهو ميت مسنود علي عيان..

وبيتمني العمر يطول..

يمكن..

يرجع أحسن م الأول..

ارجو يكون الكلام عجبكم
وتستمتعوا بيه

**Nada Mohammed** · 03-13-2009, 01:36 PM

**Mahmoud Slem** · 03-13-2009, 01:40 PM

جزانى الله واياكى على الرد الجميل ده
شكرا ليكى يا ندا

**محبة الرحمن** · 03-13-2009, 01:43 PM

الموضوع رائع

هم كلمتين صحيح بس والله أجمعوا علي جميع المشكلات اللي عندنا

بس ده من كتر ذنوبنا

جزاك الله خير موضوع معبر علي حالنا وما أصاب الأمة

**Mahmoud Slem** · 03-13-2009, 02:07 PM

جزاكى الله كل خير يا محبة
بجد كلامك
جميل
وبه
صواب
وشكرا ليكى

**Marwa Mahmoud** · 03-13-2009, 09:28 PM

شكرا ليك يا صاصا

كلام جميل جدااااااااااا

تسام

**Mahmoud Slem** · 03-13-2009, 09:35 PM

مرسى شكرا ليكى
منوره التوبيك

**Ma7amed Adel** · 10-14-2009, 01:33 PM

ايه الكلام الجامد دى يا حوده الله ينور يا باشا وننتظر منك المزيد

**Wild_Angel** · 10-14-2009, 02:03 PM

جزاك الله خيراً يا محمود
كلمات جميله ربنا يهدى كل من كان
وترجع نظافة القلوب زى زمان :)

**يحيي محمد** · 10-14-2009, 07:46 PM

صدقت يا محمود

الموضوع: ҈இΞ¯−ـ‗_ قلنا النظافة من الايمان _‗ـ−¯Ξஇ҈