:::::::::"هل انت مع او ضد":::::::::

**Soma** · 05-04-2009, 05:56 PM

الفكرة دى حلوة اوى وبشكرك عليها
الطلاق بين الزوجين فى حالة وجود اولاد؟؟
فى ظروف بيبقى فيها الطلاق احسن يعنى ممكن يكون فى مشكل بين الزوجين وممكن تأثر على الحالة النفسية للاطفال ففى الحالة دى الطلاق حيبقى احسن لكن لو ممكن يتخطوا المشاكل دى ويفكروا اكتر فى اطفالهم حيبقى احسن انه ميطلقوش
هل انت مع او ضد الحب (( فى هذه الايام )) ؟ ولماذا ؟
اها وليه لاة بس يكون حب طاهر مش الظاهرة اللى بشوفها ودى بيسموها حب
يعنى يبقى حب حقيقى يكون بين الاهل يعنى مش اتنين يفضلوا يتقابلوا من ورا الاهل على اساس ان ده حب الشخص اللى بيحب بجد بيحافظ على حبيبته وميعرضهاش لاى سيرة تطلع عليها والبنت كذلك لازم تبقى محترمه فى نفسها

**white_heart** · 05-14-2009, 11:10 AM

طبعا موضوع رائع بشكرك علية

اما عن الحب دلوقتى فا انا ارفضة

لانة مجرد كلمات بلا احساس

يعنى انا اللى يقدر يقولى بحبك بلسانة

عمرة ما حيقدر يحسها بقلبة

فا انا ضدة بكل اشكالة لان مفيش واحد يستاهل انى احبة

غير الشخص اللى حيفضلنى على بنات الدنيا كلها ويتزوجنى

ويامنى على بيتة واولادة ونفسة واهلة

وشكرا على الموضوع

والسوال

هل انت مع اوضد ( التحاق البنات بكليات خارج محافظاتهم؟ )

**Soma** · 05-14-2009, 11:19 AM

هل انت مع اوضد ( التحاق البنات بكليات خارج محافظاتهم؟ )
اها مفيش مشكلة مش شايفه اى ضرر فى كده وكمان ده مستقبل يعنى مفتكرش حد تجيله فرصه فى كلية كويسة بس فى محافظة تانية ويرفض عشان فى محافظة تانية شوفى طالما البنت نفسها اخلاقها كويسة يبقى خلاص مفيش خوف عليها

**white_heart** · 05-14-2009, 11:59 AM

المشاركة الأصلية كتبت بواسطة Soma

هل انت مع اوضد ( التحاق البنات بكليات خارج محافظاتهم؟ )
اها مفيش مشكلة مش شايفه اى ضرر فى كده وكمان ده مستقبل يعنى مفتكرش حد تجيله فرصه فى كلية كويسة بس فى محافظة تانية ويرفض عشان فى محافظة تانية شوفى طالما البنت نفسها اخلاقها كويسة يبقى خلاص مفيش خوف عليها

وجة نظرك وصلتنى وبحترمها اوى
ولكن انا ضد ان البنت تخرج تتعلم برة محافظتها او بمعنى اصح تبعد عن بيتها
علشان للاسف البنات مش مؤهلة لكدة مش حقولك كلهم بس معظمهم

وتقبلى وجهة نظرى