ஐ◄████▓▒░░ المفتش كرومبو و قول الووووووووووووو ░░▒▓████►ஐ

**Mahmoud Slem** · 03-17-2009, 10:06 PM

اهلا بيكم

النهاردة حصلت حاجه كوميدى خالص

حسن اشترى 2كيلو برتقال ابو صره عشان عنده شويه برد
ولما وصل بيهم لباب العماره افتكر انو نسى يشترى نص كيلو لبن عشان ولاد اختو وكان واقف امام باب العماره على الرصيف التانى 3 من اعضاء المنتدى

الاول:(wisam)الى كان واقف بيسمع فى الام بى سرى اغنيه ريمكس

التانى:(mopoto)الى كان واقف بيبع بوسترات لتامر حسنى

التالت:(يوسف مصطفى)والى كان بيشرب عصير قصب فى المحل الى قدام العماره

فساب(حسن)كيس البرتقال جمب باب العماره ورجع عشان يشترى اللبن

ولما اشترى اللبن ورجع ملقاش كيس البرتقال

ولما سالت التلاته اذا كان حد فيهم شاف كيس البرتقال بتاع حسن قالوا..

wisam:اف..بجد حاجه موش ممكن كيس برتقال ايه وبتاع ايه..يعنى ينفع كده تخرجنى من المود بتاع الاغنيه..بجد حاجه لا تطاق..ال برتقال ال.

mopoto:هع هع .. برتقال ايه الى انت جاى تقول عليه وواجع دماغنا عشان شويه 2 كيلو برتقال ابو صره..لو لاقيته هات واحده..هع هع

يوسف مصطفى :لا انا مشوفتش اى اكياس برتقال خالص انا واقف بشرب فى العصير حتى لسه مخلصتوش.. تاخد شويه.

حسن

معرفش مين الى سرق كيس البرتقال

بس انا عرفت

لو انت كمان عرفت

اتصل على الرقم ده

زيرو اربع اصفار صفرين

وابقى قابلنى لو كسبت حاجه..

خلصنا بقى هزارمع اصحابى فى المنتدى
انا بس حبيت اهزر معاهم فى التوبيك ده وفى نفس الوقت نفكر شويه فى حكايه(اتصل الان)ويمكن تكسب موش عارف ايه والدقيقه بجنيه ونص من اى موبايل ورقصنى على واحده ونص لو جنابك كسبت

وفى شكل جديد وإستيل حلو وإعلان لذيذ زى إعلانات المفتش ( كرومبو) اللى عملنا نموذج منها طريقة جديدة ومبتكرة لتشطيب جيوب سعادتك من رصيدك ، يمكن فكرة الاتصال موش جديدة لكن فكرة الاعلان جديدة مما دفع كتير من السذج للإتصال ظنا منهم انهم عباقرة خلاص ووصلوا إلى الجاني وهو نفسه لا يدرى انه حياخد على- لامؤاخذه- قفاه .

وعلشان العملية تبقي محبوكة يقولك مع بداية كل حلقة جديدة الفائز فى الحلقة اللى فاتت فلان الفلاني من المنطقة الفلانية ولا انت عارف اصلا إذا كان الكلام ده حقيقى ولا لأ ..هو مش جايز ميكنش اصلا فيه حد بيفوز بحاجه وكله بس سحب من رصيد جنابك .. طب على فرض وخلينا ناس زى الفل نيتهم بيضاء زى فانلة الزمالك وفرضنا إن واحد فاز طب الاختيار ده بيتم على أساس ايه أو زى العالم اللى بتطلع فى التليفزيون ما بيقولوا( أليات الاختيار) ..

يعنى هم مثلا يقعدوا اسبوع يلموا فى مكالمات وفى الاخر ياخدوا أى نمرة وخلاص بدون اى أليات للأختيار .. أيوه المفتش كرمبو لذيذ وبن حلال واعلان اشطه وانا بحبه لكن معنديش استعداد اخسر أى قرش فى عملية واثقه 100% إنها فى الهوا شاشى

هى المشكلة اللعب على حته الاحتياج عند الناس الغلابة ، وعلشان كده تلاقى كتيره اوي برامج اتصل وإكسب زى برنامج من دول على إحدى القنوات نسبنا من العيال الخنافس اللى بتطلع فى البرنامج ده ونركز فى شوية البنات اللى فيه اللى عاملين فيها مذيعات وواقفين يترقصوا على الاغاني والطبلة ، وواحدة منهم بتطلع بلبس اقل حاجه تتقال عليه انه (فاضح ) وفكرة البرنامج يحطلك شوية حروف تختار منها إجابة السؤال اللى هما بيحطوه وشوف السؤال الروعة ده ( حاجه فى أوضه النوم ؟؟) والناس تتصل اللى يقول مخدة واللى يقول مرتبه واللى يقول دولاب وتقريبا ألوف المكالمات فصصت كل حته فى اوضة النوم ومسبتش اى حاجه وطبعا كلها إجابات غلط لتأتي الاجابة بعد ساعتين او اكتر من البرنامج وهى ( الريسيفر) مع ان اساسا مفيش علاقة بين الريسيفر وأوضة النوم ومش شرط ونادرا ما بيتحط فيها ولا هو يعتبر قطعة من اوضة النوم لكن العملية كلها استغلال للمتفرج اللى طمع انه يكسب اوضة نوم لو جاوب صح ، والعيب موش فى القنوات دي ولا فى البرامج دي لكن العيب فى اللى بيمسك موبيله ويقول ( الووووووو ممكن اشترك معاكم) .

اوعوا تنسوا تقولولى مين الى اخد البرتقال

عايز تفاعل فى الردود

**Mahmoud Slem** · 03-17-2009, 10:55 PM

محدش عاجبة الموضوع يرد عليه يعنى ولا ايه

**free eagle** · 03-17-2009, 11:00 PM

الله ينور يا ساسا بجد موضوع جامد جدا

وخالد موبوتو هو اللي اخد البرتقال

هههههههههههههههههههههههههههههههه

بجد موضوع مفتكس وحاجة جديدة

تسلم ايدك

**The[H]KinG** · 03-17-2009, 11:21 PM

ونقول ألووووووووووووووووووووووووو

أيون

انا عرفت مين اللى سرق

خااااااااااالد موبوتو

مش عيب كده يا خالد
هههههههههههههههههه

فكرة حلوة يا صاصا ومستنين تااااااااااااااااااااااااااااااانى

**ميرا مار** · 03-18-2009, 12:32 AM

هههههههههههههههه

تحفة والله الموضوع

بص يا عم الحج حسن اصلا لو الدنيا اتهدت مش بيروح يشترى اى حاجة من الحاجات دى
هههههههههههه

عموما ليه كدا يا خاااااالد

احنا حارمينك من حاجة فى القسم عندك؟؟؟؟؟؟
تؤ تؤ تؤ

بس ليه يا محمود الموضوع دا هنا؟؟

دا موضوع جميييييييل جدا جدا والغرض منه نصيحه وفكرة للمناقش

ايه رايك ننقله لقضايا واراء؟؟

وتسلم ايدك يا محمود
وفى انتظار الحلقة الجاية

**Mahmoud Slem** · 03-18-2009, 02:48 AM

شكرا للجميع
بس مش خالد هو اللى سرق البرتقال
اقروا كويس اللى سرق يوسف
هههههههههههههههههههههه
علشان هو اللى بيشرب عصير من المحل قدام باب العماره

هههههههههههههههههههه

لكن الغرض من الموضوع الضحك مش قضية يا مها
هى بس مره واحده كده اللى اتكلمت فيها عن الموضوع
بس
شكرا للجميع

**Mahmoud Slem** · 03-19-2009, 09:39 PM

محدش عايز يشترك فى المسابقة ولا ايه

**Mahmoud Slem** · 03-19-2009, 09:44 PM

ومع ثانى حلقات المفتش كرومبو

النادى الاهلى اتسرق..الاوراق الخاصه باحقية النادى الاهلى فى البث الفضائى اتسرقت..فى يوم كان قاعد رئيس النادى الاهلى مع 3 اشخاص للتفاوض فى قضية البث الفضائىوهما
1- فريد شكلس: وده صاحب احدى المحطات الفضائيه الخاصه
2-عفت حلبى :وده مذيع مشهور فى قناة فريد شكلس
3-خشب الزنكلاوى: وده صحفى شغال برضه مع المذيع اللى بيشتغل فى قناة فريد شكلس.
وفجأه جاله تليفون وساب مكتبة عشان مفيش شبكة خالص
واستاذن منهم وسابهم فى المكتب. ولما رجع لقى درج المكتب مكسور و اوراق القضيه اتسرقت
ولما سألنا فريد شكلس قال..انا كمان جالى تليفون ع موبايلى وفضلت اتكلم لغاية ما الكابتن جه من بره
ولما سالنا عفت حلبى قال..يا مساء الانوار يا كابتن كرومبو.انا قطعا مسرقتش الاوراق لكن (باى ذا ويى) انا كنت واقف عند الشباك عشان الجو كان حر لغاية ما جه الكابتن
ولما سألنا خشب الزنكلاوى قال..انا يا استاذ كرومبو كنت بحضر الاسئلة اللى هسألها للكابتن لما يجى ومتحركتش من مكانى

انا عرفت مين الى سرق الاوراق لو انت كمان عرفت اتصل بينا