ماذا لو طلبت فتاة يدك للزواج- موضوع للحوار

[Mohamed Hashem]

بصوا يا شباب
انا مع وايلد ... طالما الرجل خلوق ... وهى معجبه به على اساس دينه (واحده متدينة نفسها ترتبط بواحد ملتزم ) فدا ليس عيبا
ووايلد ضربت لنا مثال بالسيدة خديجة وعضو آخر ضرب لنا مثال سيدنا موسى ... وأظن لو أن الدين أتى لنا بقاعدة فلابد لنا من ترك قواعد التقاليد وما اعتدنا عليه ... ومع ذلك حنروح بعيد ليه .. اللى قبلنا هما اللى قالو .. اخطب لبنتك ولا تخطبش لابنك ...
عموما ... انا شخصيا - دا لو الزمن رجع 15 سنة للوراء - اوافق طبعا على فتاة تتقدم لى إذا كانت أخلاقى ومعاملاتى امامها سبب اعجابها بيا
على الاقل حتبقى فتاه عاقلة ... لان للاسف .. اصبحوا قلة جدا الآن ... وما بيشدش نظر الفتيات الا الملابس .. العربية .. طريقة الكلام ... والجركات والكلمات والتعبيرات اللى بيقولوا عليها "روشنه"
أصلح الله حالنا وحالكم وحال جميع المسلمين ... وفقكم الله وهداكم ... ورزق فتياتنا المسلمات الراشدات بخير الأزواج وجعلهن خير زوجات ... آمين

[اسامه البنا]

متشكر علي مروركم جميعا اللي اسعدني جدا

[اسامه البنا]

اسعدني مرورك يا امل

جزاكي الله خير

[ALY ELSAYED]

والله يا اسامه الموضوع ده وقعي جدا

وبيحصل فعلا

بس هنا عنصر المفجاءه بيخليك متردد

لانك عمرك ما فكرت فيها خالص

لكب لو مهدت ده في الاول وحولت تجزبك اليها

ولفتت نظرك اليها بشئ كويس فيها

وحسيت انها بتحبك بجد من افعلها

اكيد سعتها مش حترفض

لانك مش حتلاقي حد تاني يحبك بجد

جزاك الله كل خير يا اسامه

[مى رسمى]

[COLOR="Blue"]

والله من ساعة ما قريت الموضوع يا سامه وانا عماله اضحك مش عارف ليه الحقيقه
حلو اوى انى اعجب بواحد واروح اقوله دى بس صعبه اااااااااااااااااااااااااااااااااااوى
لان اجمل صفه تتحلى بها البنت او المرأه عموما وصفه دى بيحبوها الرجال فى النساء جدا هى الحياء
وفى الاول والاخر ياستاذ اسامه الموضوع نصيب يعنى لو هما لبعض ربنا حيرتب وفى الاخر مش هتفرق مين كلم مين والكلام دى
الموضوع ممتاز جزاك الله خيرا

[/COLOR]

[سانتا مونى]

ياجماعة انتوبتتكلمو فى ايه
انتومش شايفين اللى بيحصل للبنات من العلاقات اللى زى د
ياوي انتى كنتى بتقولى ان السيدة خديجة طلبت الزواج من الرسول بس ده كان ايام الرسول هه
دلوقتى لو بنت راحت قالت لولد انا بحبك وعايز اتجوزك هيقولها ماشى وانا كمان بحبك
يقول لنفسه وماله منتسلى شوية مفيهاش حاجة
بل للاسف البنات هى اللى باقت تتسلى اليومين دول
لاحول ولا قوة الا بالله
مينفعش اصلا انها تكلمه قبل الزواج وتقوله انها بتحبه لان كده حرااااااااااااااااااااااااااااااااااااام
معلش طولت عليك يااسامة
الموضوع حلو اوى وخلى فى تفاعل جميييييييييييل بينا
شكرا ليك
جزاك الله كل خير

[حسناء]

ايه ده يا اسامه البنات تتقدم للولاد

هو ده اللي ناقص ياحلاوه يا ولاد

الحمد لله ان الصعايده مخدوش خبر بالموضوع ده

اكيد طبعا انا مش مؤيده لموضوع البنت ووالدها يرحوا يخطبوا ولد من بيته

لكن لو بنت معجبه بدين واخلاق رجل وحاولت تلفت نظره ليها من خلال احترامها ليه

ولاخلاقه وتقديرها لثقافته ده مش شيفاه عيب

[اسامه البنا]

شكرا علي

ومي

و

سانتا مونى

وحسناء بس خلي بالك يا حسناء اني صعيدي اصلا

[ساره مجدى]

موضوع حلو اوى بأسامه ومع انه مرفوض فى مجتمعنا بس انا متأكده
ان البنت لو حبت وعايزه الولد يحبها ويروح هو يطلب ادها حتعملها من
غير ما تروح او حتى تقوله انها بتحبه
وعلى فكره يأسامه الى قبلينا قالو :
خد الى يحبك ومتخدش الى بتحبه

[اسامه البنا]

موضوع حلو اوى بأسامه ومع انه مرفوض فى مجتمعنا بس انا متأكده
ان البنت لو حبت وعايزه الولد يحبها ويروح هو يطلب ادها حتعملها من
غير ما تروح او حتى تقوله انها بتحبه
وعلى فكره يأسامه الى قبلينا قالو :
خد الى يحبك ومتخدش الى بتحبه

شكرا سوس

علي الرد والمشاركه