قناة عيني عينك الفضائية !! مباشر !!

[سندريلا]

ايه القناه الجمده دى :rolleyes: ياريت تزيعوا المسلسل العربى فاضى ومش فاضى ;) وكمان تجيبوا حلقات كارتون الكابتن ماجد:p

[أحمد رمزى]

والله يا عبده لما دخلت ع الموضوع وقريت أوله فكرتك بتتكلم جد ودى قناه بجد وخصوصا مع الصوره الرمزيه بتاعتك
للنجم Wentworth Miller
أو

Scofield

زى أسمه فالمسلسل العالمى prison break

بس لما كملت الموضوع لقيت الفكره جامده جدا

الف مبروك عبده على أنطلاق القناه
ودلوقتى هسبكم ونررررررررجع لبعض تانى

[abdoitthad]

شكرا ليكم

ومنتظر برامجكم على القناة

[Rania Ismail]

الف الف مبروك على افتتاح المحطة الجديدة
ومزيد من التقدم ان شاء الله
بجد فكره جميله والتوبك رائع بكل البرامج اللى فيه
تسلمو

[Mahro]

اليكم نشرة السادسه

القوات الروسيه تحشد قواتها بالقرب من السواحل الشماليه للبحر الأبيض المتوسط

تحسباً لوع اى هجمات عليها من افراد حركة حرب امبابه

وافراد الحركه يستعدون للقتال بروح الرجال

ويساندهم اقليات ومنحرفى وشباب اوعى يغرك جسمك

من جميع انحاء مصر القديمه

عمتم مساءا وسوف نوافيكم بالأخبار




موضع بجد هايل يا عبدو جامد يا واد

[abdoitthad]

شكرا lover angel

شكرا ماهرو على نشرة الاخبار وشد حيلك عشان تشتغل مذيع في القناة

[Mahro]

شكرا حبيبى عبدو

احباءنا الكرام تأخذم اليوم قناة عينى عينك الفضائيه لصاحبها عبدو عم الأتحادويه

لنقل المباراه الوديه بين فريقى الأتحاد & حرس الحدود

وانا شايف المدرجات مليانه اتحادويه والماطش هيبقى نااااااااااااااااااااااااار

لو انته على شمال التليفزيون هتلاقينا على شمالك ولو انته على اليمين هتلاقينا على يمينك

المهم انك قاعد وهتلاقينا وخلاص

يالا ودى االعيال وامهم عند حماتك

ومع عينى عينك هتحلى اكيد اوقاتك

كان معكم معلقكم

حماد ريعو

ازيك يا ماما .....................

ههههههههههههههههههههه

[جوليت الحب]

لا بجد فكرة حلوة اوووووووووى يا عبدة تجنن اوى والفيلم دة باين صح انه اتكلف كتير بس انا هضيف حاجة صغنونة مع قناة عينى عينك اكيد اكيد مش هتقدر تغمض عنيك :eek:

[abdoitthad]

أهلاً و سهلاً بكم في نشرة أخبار ثاني يوم علي التوالي من أيام القمه العربيه ، نقدمها لكم من قناة عيني عينك الفضائيه


1-الرؤساء العرب إستيقظوا من النوم مبكراً لبدأ ثاني أيام القمه العربيه.

2-الرؤساء العرب يأخذون دُشاً سريعاً لكي يكونوا [ مصحصحين] في القمه.

3_الرؤساء العرب إرتدوا ملابسهم و جايين في السكه.

4- وصل الرؤساء العرب إلي قاعة مؤتمر القمه العربيه و يتناولون الآن طعام الإفطار.

5-الرئيس 1 يتلذذ بطعم الفول [ إللي بطعم الجمبري] .

6-الرئيس 2 نسي و لف الطعميه في القرطاس الذي كتب فيه خطابه.

7-إنتهاء الرؤساء العرب من طعام الإفطار و علي الفور يبدأون القمه.

8-الرئيس السوداني يلقي خطاباً يرحب فيه بأشقاؤه العرب من جديد نظراً لأنهم وحشوه من إمبارح.

9-الرئيس السوداني يُنهي خطابه و يصفق له الأشقاء العرب و هم [ مصحصحين] نظراً لأنهم أخدوا دُش قبل المجئ إلي القمه.

10-الرئيس 1 يتفضل بإلقاء خطابه [ هو هو نفس الخطاب الذي قاله في اليوم الأول للقمه] نظراً لأنه مش لاقي حاجه يقولها.

11-الرئيس 2 محتاس لأن الدور قادم عليه في الكلام و هو لف الطعميه في الخطاب .

12-يضطر الرئيس 2 أن يقول أي كلام يخطر بباله لأنه لا يجد ما يقرأ منه .

13-الرئيس 3 زهق من السماع فيقوم بتسليك أسنانه من آثآر طعمية الإفطار.

14-الرئيس 4 يسأل الرئيس 5 عن الدوله التي يرأسها لأنه نسي [ هوا رئيس إيه؟]

15-الرئيس 5 أجابه بالحل الشافي بأنه هو رئيس جامعة [ القلل المتحده]

16-إنتهاء الرئيس 2 من إلقاء [الهلس بتاعه] الذي إستغرق 8 ساعات و نصف و دقيقتين و ربع إلا ثانيتين ‘ و يغادر الرئيس 2 بلاده غاضباً من الطعميه [ ربنا يخرب بيتها] و يقرر العوده إلي بلاده ، وكان هذا أثناء إلقاء الرئيس 3 لخطابه [ الذي كان لا يتذكر هو رئيس إيه؟]

17-الرئيس 3 غضب هو أيضاً من أن الرئيس 2 غادر القاعه أثناء إلقاءه لخطابه و يصف هذا الموقف بأنه [ قلة ذوق ] و يحلف 3 يمين بالله ماهو مكمل الخطاب فيقرر مغادرة قاعة المؤتمر و العوده إلي بلاد الرئيس 2 لكي يهزأه علي جريمته الشنعاء.

18-الرؤساء العرب بدأوا يناموا ،فيقرروا إستكمال وقائع المؤتمر في الأحلااااااااااااااااااام .

19-و يغادر أصحاب الجلاله و الفخامه و السمو قاعة المؤتمر علي أن يعودوا غداً لإستكمال وقائع القمه العربيه.


قدمنا لكم نشرة أخبار الساعه الخامسه و خمسه إلا خمس دقائق من إستوديوهات قناة عيني عينك الفضائيه

نشكركم وطاب مساؤكم

[Youssef Mostafa]

ههههههههههههههههههههههههههههههههه


موضوع جامد اوى ياعبدوووووووووووووووو