كيك بالشيكولاته روعه

**Soma** · 03-24-2009, 10:20 PM

السلام عليكم ورحمة الله وبركاته

جايبه النهارده كيك بالشيكولاته لاحلى اصحاب
مجرباها وبعمل الكيكة دى على طول يارب تجربوها تعجبكم انتوا كمان نبدأ بقى

المقادير
2كوب دقيق - باكوا بيكنج بودر - ملعقتين كبيرة سمنه وحبة زيت - كوب سكر - باكو فانيليا -
3 بيضات - كوب لبن - ملعقتين (ملعقة الارز ) كاكاو بودرة خام (من غير سكر) - ملعقتين صغيرين قرفه (ملعقة الشاى) واللى مش بيحب القرفه ممكن ملعقه واحده او شويه صغيرة تديها طعم مميز
تعالو بقى نشوف الطريقة :
بصوا فى الاول نشغل الفرن على اعلى درجه عشان يكون جاهز
1- ننخل الدقيق ونضع معه البيكنج بودر يتنخلوا مع بعض ونسيبهم دلوقتى
2- نضع السمنه والزيت والسكر فى اناء غو يط ويضرب جيدا بمضرب البيض
ونكون محضرين البيض بالفانيليا فى طبق صغير كده ونضربهم بالشوكه شويه وبعدين نضعهم مع الخليط
ويضربوا جيدا بالمضرب وبعدين نضع اللبن والكاكاو والقرفه ونضربهم كويس جدا بالمضرب

3- ناخذ من الخليط كوب منه ونسيبه لحين استخدامه
4- نضع مخلوط الدقيق والبيكنج بودر على الخليط السابق ونضربهم كويس جدا جدا
5- ندهن صينيه متوسطه او اصغر من متوسطه بحاجة بسيطه ندهنها بالسمن ونسخن الصينية شويه على النار
ونفرغ الخليط فى الصينيه ونضعها بالفرن وبعد ربع ساعه نطلعها ونتاكد انها استوت ازاى نعرف ناخد سكينة ونغرزها فيها ولما نطلعها لو مفيش حاجة فى السكينه يبقى كده خلاص استوت لو لسه تتحط تانى فى الفرن بس شويه صغيرة ونخلى بالنا منها واوعى تطفى الفرن خليه شغال عشان عايزينه

خلاص كده الكيك استوى اغرزى بقى السكينه فى كل مكان بالكيكه وممكن بالشوكة
فاكرين بقى الكوبايه اللى سيبناها نفرغها على الكيكه بس حبه حبه وبملعقه وتفريديها على الكيكه كلها
ونضعها بالفرن تانى لمدة 5 دقائق وممكن اقل لما تلاقى خلاص الشيكولاته جمدت بس ماتتعديش المده دى
ولما تبرد خالص توضع فى التلاجه لمده ساعه تقريبا وبالهنا والشفا
الكلام كتير بس عشان اوضح اكتر وكاتبه بالتفصيل الممل
ولو فيه اى ملاحظة ياريت تقولوها
وعايزة اشوف ارائكم

**سلمي جمال** · 03-24-2009, 10:23 PM

تسلم ايدك يا سوما يا قمر

بس مليش دعوة انا عايزة ادوق
مش كلام و بس

لازم فعل بئة

**Soma** · 03-24-2009, 10:32 PM

ميرسى ليكى انتى على ردك الجميل
نفسى والله اعملها ودوقوا منها بس ازاى
انتى بقى اعمليها وتدوقيها وقوليلى رايك

**Marwa Mahmoud** · 03-24-2009, 11:42 PM

الله الريحة طلعت

يلا جوعونا بقى على اخر الليل

ههههههههههههههههه

عسل يا سوما تسلم ايدك يا حببتى

بس انا زى سلمى لازم ادوق

**Soma** · 03-25-2009, 12:40 AM

انتى اللى عسل والله يامرمر
خلاص مفيش غير انى اعزمكم عندى واعملكوا حفلة كيك وشاى
ايه رايك
نفسى بجد تجربوها دى بجد جميلة جدا وتقوليلى رايك فيها اوك

**Marwa Mahmoud** · 03-25-2009, 12:43 AM

المشاركة الأصلية كتبت بواسطة smoaasoma

انتى اللى عسل والله يامرمر
خلاص مفيش غير انى اعزمكم عندى واعملكوا حفلة كيك وشاى
ايه رايك
نفسى بجد تجربوها دى بجد جميلة جدا وتقوليلى رايك فيها اوك

يلا بقى مش مشكلة المرة الجايه

هنعملها وهنقولك الأ خبار ههههههههههه

بس اكيد طبعا حلوة عشانها هتعمل

تحت تعليمات سوما باشا

**Soma** · 03-25-2009, 01:06 AM

اوك وانا مستنيه رايك

**ميرا مار** · 03-25-2009, 01:25 AM

جميلة قوى يا اسموءة

تسلم ايديك يا قمر

بس انا عايزة اعملها

وعايزة اعرف حبة زيت يعنى ايييييييييه؟؟

**Youssef Mostafa** · 03-25-2009, 01:34 AM

انا مجرب الكيك دة على فكرة اختى بتعمله جامد اوىىىى
اسمها كيكة هوهوز
وان شاء الله حبقى اعملهالكو يوووووووم كدة

**Marwa Mahmoud** · 03-25-2009, 11:43 AM

ايه ده انت اللى هتعملها يا يوسف

متأكد من كلامك دة

ربنا يستر على الناس اللى معاك

صعبانين عليا أوى هههههههههههههههه

فكر كويس قبل متتهور وتعمل حاجة

فيه ارواح ناس هتتعلق على الحكايه دى

ههههههههههههههه

الموضوع: كيك بالشيكولاته روعه

أدوات الموضوع

عرض

كيك بالشيكولاته روعه

الكلمات الدلالية لهذا الموضوع

المفضلات

المفضلات

ضوابط المشاركة