ماذا تفعل عندما تتغير معاملة شخص غالي عليك ؟؟؟؟؟؟

[alaa eid]

بسم الله الرحمن الرحيم

السلام عليكم ورحمة الله وبركاتة

ماذا تفعل عندمـــا تتغيــر معاملة شخص غالي عليــك .. ممكن يكون هذا الشخص صديق أو أحد أقاربك او حبيب رجل أو امرأة

فجأة تتغير معاملته معك..وبدون أي سبب.. فأنت لم ترتكب معه أي غلط ولم تجرحه حتى تقول لنفسك انه غير معاملته حتى يحسسك بالذنب

إذا كلمتــه يرد عليـــك بقسوة ..وعدم اهتمام..
وإذا سألته عن فى ايه .. ايه السبب...يرد عليك ويقول مافيش حاجه .. بدون اى اهتمام..


تحاول تقترب منه..وهو يبعد عنــــك..


وإذا جيت أنت وسألته عن حاجه يرد عليك..بأسلوب يضايقك..ويقولك مافيش حاجه..وفجأة تلقاه يحكي مع واحد من الأصدقاء عن الحاجه الذي سألت عنه أنت ...تحس كده انو مش عاوز يقولك ..


والمشكلة اللي اكبــــــر من ده كلّه..إذا كانت علاقتك أنت وهو قويــــه..أكثر من الشخص اللي يحكي له ويبوح له بالموضوع ..
وأشياء وتصبح أحداث..وأنت آخــــر من يعلم..والمفروض أنت قبل كل الناس تعرف..

...


ومع هذا أنت بتعامله بنفس المعامله اللى الاوله وعمرك ما غيرت المعامله ... ومازلت تعتبر فيه شخص عزيز وغالي ...

في هذا الوقت


تحــــس انك وحيد بالدنيا..ومافيش حد فيها...تحــس كل الناس بيكرهوك..حتى تكره نفسك..

تشــوف الدنيــا بعيــــنك كلـــها ظلام..مفيش ولا نور خفيــف..
تحــــس انك عامل جريمة رغم انك..ما عمرك غلطت فيه..

تحــــس انك غلطـــان رغم انك..ما عمرك جرحته,,



ما هو الحل في رأيك

..



تذهب له ...وتقوول له عن اللي فى قلبك..؟؟... ولا تسكــت وتخلـــي همك بقلبك..؟؟؟ ولا اية ؟؟

عايزة اشوف أرائكم ؟؟؟

[يحيي محمد]

لا انا من راي اروح واقوله عشان سبب واحد بس انه شخص غالي عليا

[Youssef Mostafa]

اناعن نفسى عادى حغير معاملتى معاه زيه بالظبط ويمكن ابعد اكتر كمان

[alaa eid]

[SIZE="6"]لا انا من راي اروح واقوله عشان سبب واحد بس انه شخص غالي عليا [/ SIZE]

شكرااااااا كتير ليكي
شكرا لمروك ورأيك يا جميل

اناعن نفسى عادى حغير معاملتى معاه زيه بالظبط ويمكن ابعد اكتر كمان

شكرااااا ليك يا يوسف بس مش هاتروحله تعرف سبب تجاهلك مش ممكن تكون غلطت في حقه؟؟

[اسامه البنا]

اناعن نفسى عادى حغير معاملتى معاه زيه بالظبط ويمكن ابعد اكتر كمان

انا معاك يا يوسف

وحده بوحده والبادي اظلم

[pretty angel]

اولا بحييكى على الموضوع الجامد ده

اكيد لو الانسان ده غالى عليا حسأله عن اللى مغيره مره وانتين
بس اكيد انا حكون فاهم الشخص ده كويس اوى
وحاعرف ايه اللى ممكن يكون غيره من نحيتى ولو حتى بمجرد التخمين
ولو مردش عليا فى المره الاولى ولا التانيه حسيبو لحد مايهدى واحس انى ممكن اعرف اتكلم معاه واناقشه فى اللى حصل واقوله على اللى انا ادرت اخمنه واتكلم معاه بشكل صريح
لان اكيد الشخص ده طالما وصل لدرجه عاليه من الغلاوة ديه عندى
فهو شخص يستاهل انى استحمل عشانه واستحمله فى تقلباته
واكيد حعاتبه بعد كده على اللى حصل منه واطلب منه انه يكلمنى بصارحه لو حصل اى حاجه بينا ممكن تزعله

بس واسفه للاطاله

[ذات الرداء الأحمر]

انا من رأيي انه احسن اني ابعد
لان تغيير معاملته من غير سبب معناه انه ما بقاش يحبني
وايه اللي يخليني اتمسك بحد مش بيحبني

[Marwa Magdy]

اكيد طبعا حروح واقوله لانه انسان عزيز عليا
ولو ما لأتش تغير
يبقى ححاول اقلل من تعاملى معاه

[جنات]

اولا بشكرك جدا يا لولو على الموضوع

انا شايفه انه لو شخص غالى عليا وبحبه اكيد هروح واكلمه وافهم منه ليه كل ده واكيد هستحمله كمان لحد ما اعرف ايه السبب...

[Wild_Angel]

ارى ان العتاب شئ جميل
احيانا نعتقد اننا مأخطأناش ولكن هناك بعض التصرفات التى قد نجدها طبيعيه والاخرون حتى وان كانوا الاقربون يتضايقون منها
الانسان لا يتغير ما بين يوم وليله من المؤكد ان هناك ما احزنه