ҳ̸Ҳ̸ҳ أسئلـــة للرومــانسييــن فقـــط ҳ̸Ҳ̸ҳ

[noga]

ممكن احاول ارد ياجودى بس بصى فى اسئله هجاوب عليها من الخيال هتخيل نفسي لو كده هعمل ايه !!!!!!!!!!!!
أعطيت بطاقة دعوة للعشاء بمطعم جوه يحيط بالشموع والهدوء,اي رومانسي ويجب عليك ان تحضر شخص واحد يشارك معك بالعشاء من ستختار ..؟
دعوه عشا لفرد فى الجو التحفه ده اكيد لنور عينى روح قلبى حبيبي الغالى (اللى لسه معرفوش )


تسنى لك أن تختار نجمة واحدة من نجوم السماء وتسميها باأسم تحبه و ستبقى هذه النجمة للأبد مسماه بالأسم الذي أخترته وكل الملاء يشاهدها ماذا ستسميها؟؟
هسميها باسم نور عينى وروح قلبى حبيبي الغالى ....علشان كل مانبعد عن بعض ابصلها واشوفه فيها ...وكمان هو كمان يسميها باسمى علشان كل ما نغيب عن بعض هى تجمعنا وتقربنا تانى.... وياريت فعلا الحب يبقي زي نجمه عاليه فى السما وفى نفس جمالها وسحرها وزي مانا ابقي حساه كل الناس تبقي حساه وشيفاه ماهو نجمه منوره

اذا أصبحت يوم من الأيام طير محلق بالسماء ولكن مدة تحليقك تستمر أسبوع فقط وستعود مثل ماكنت أنسان ماذا ستفعل بهذالأسبوع من أشياء كنت تتمنى ان تفعلها .؟
اتمنى فوق الكره الارضيه كلها معلش انا طماعه وابقى لفيت العالم كله وفى نهايه المطاف انزل عند الكعبه الشريفه واستقر هناك بقيت عمري عند بيت ربنا

غروب الشمس, تغاريدالطيور, سقوط المطر يذكرك أو بالاحرى يرمز لك بماذا..؟
غروب الشمس بحس معاه بالرومانسيه وزمن الحب الجميا واذكرينى والنظام دهوممكن تغريد العصافير برده ..اما المطر بقي بحس بالساقعه حتى لو مش سقعانه ومحتاجه حد يدفبنى المطر اصلا لما بشوفه او اسمعه بحس برهبه

احببت شخص واردت ان تهديه هديه ماذا ستهديه..؟
لما احب شخص احب اهديله اغلى ما املك هديله عمري وحياتى

فصول السنة أربعة"شتاء وصيف وربيع وخريف" اذا وجد فصل خامس أسمه "الحب" كيف تتخيل شكله, وكم مدته..؟؟
اسمحيلى ياجودي انا مش عايزه فصل حب انا عايزه اسمى السنه كلها سنه حب لان ممكن الواحد الحب عنده يمر بكل الفصول دي ليه نبخل على الحب ونخليه فصل مانخليه سنه بحالها


معك تذكرتين سفر واحدة لك وواحدة لشخص أنت تختاره من تختار وماهو البلد الذي تتمنى ان تذهب اليه مع ذلك الشخص..؟
اخد ماما واروح اعمل عمره
وكمان لو سفريه رومانسيه بقي اختاراللى عشيته معايا قبل كده انت خلاص عرفتيه مش كل شويه هقوله (ده انا هزله بالعشوه ديه ) ونفسي اسافر تايلاند او جنوب افريقيا او ماشيه

هل انت من النوع الذي يفكر قبل ان ينام ..؟ وبماذا تفكر..؟
نعم .... التفكير قبل النوم ده مزاج يابنتى احط راسي على المخده وابتدي افكر فى يومى من اوله وانهى بالتفكير باهم موضوع فى اليوم او الوقت ده

طلب منك ترسم لوحة فنية (تشكيلية) من رموز أو كلمات أو زخارف وسوف يتم بعد رسمها ,بيعها في المزاد ماذا سترسم من شكل أو رمز...الخ وكم هو آخر سعر تطلب بهذه الوحةالفنية؟؟
مش عارفه انا همسك لوحه وفرشاه واسيب نفسي واللى يطلع بقي انا واحساسي سعتها
ومش هبعيها انا عايزه اعرضها احسن معرض على مستوي العالم وكل الناس تشوفها

هل اذا احببت أنسان من حبك له كل يوم ستقبل يده او رأسه, او ان هذا المبدأ مرفوض لديك..؟
عادى مرفوض ليه انا لما احب شخص واسلمه حياتى واطمن على نفسي معاه فيها ايه ماهو انا مش ببوس ايده من باب الجميل اللى هو الله يخليك يا اوينى فى بيتك ونظام الشحاته وربنا يخليك ليه ياسي السيد فا ليه نقول نظام شحاته وكمان هو مش هيبقى حبيبي وبس ده هيبقي جوزى وابويا واخويا وصحبى وكل حاجه فى الدنيا وكمان انا هحس انه ابنى زى ما حس ان هو ضهري واحيانا استمد قوتى منه هحس انه ابنى وانى محتوياه زي امه ( بلاش ناخد المواضيع بحساسيه)



الورد ..ماذا يعني لك .. واي نوع تفضل ..؟ ولماذا ..؟

الورد بيدل على الحب والرومانسيه وكل حاجه حلوه وكل الوانه حلوه وكفايه انه جى من حد بحبه ساعتها هيبقي احلى ورد واحلى لون وله احلى معنى

عندما تنظر الى المطر على نافذت غرفتك..مالشي الذي تفكر به ..؟
بدعى ربنا بكل حاجه بتمناه وبدعى لكل اللى بحبهم لعل ربنا يتقبل

بصى انا حاولت ارد على الاسئله بجد وبصراحه على قد ما حسيت وعموما لما ادخل فى تجربه وحسيت انى جوبت على حاجه طلعت انا مش حسها سعتها هبلغك على طووووووووووووول
وبجد الاسئله جميله جدا وانا اتبسطت قوووى انا وبجاوب عليها وفى انتظاز المزيد