الكلام دة صح ولا غلط (الحياة احلى من الحب )

[جوليت الحب]

]الدنيا دية غريبة قوى النهاردة سمعت كلمة غريبةر جدا حبيت اعلق عليها اصلى مش معقولة اسمع حاجة من غير ما اعلق عليها الكلمة بتفول

(الحياة احلى من الحب)
بالذمة ينفع ياترا فعلا ان الحياة احلى من الحب وهو اصلا يبقى فية حياة من غير حب ولا ينفع تتعاش قعدت افكر ان ممكن فية ناس عندها الحياة احلى من الحب على رايهم حب اية ياعم وكلام فاضى اية احنا مش فى زمن الحب .
واللة احنا عايزين واقفة على الكلام دة لو الحب راح من الدنيا والحياة اخدتنا بالشكل البشع دة يبقى محتاجين وقفة فين الخير لو مافيش حب فين احاسيس البشر لو ما فيش حب يا اما نبقى حيوانا ماشين ورا رغبتنا فى الحياة الدنيوية وخلاص اية الخيبة اللى البنى ادمين عايشين فيها دية ولا يمكن انا اللى عشان رومانسية شوية , لا مش شوية كتير شايفة ان مافيش حياة من غير حب لو الحب راح يبقى الموت احسن حاجة غريبة فعلا ياترا اية اللى وصلنا لكدة اية اللى بيحصل دة ولا الناس من كتر ما شاف الجراح فى حياتها بقت مقتنعة ان مافيش حاحة اسمها حب وان الجرح بيقسى القلب وبيدى احساس بالرغبة بعدم وجود الحب وان الحياة افضل من دون الحب وان الدنيا مش مستاهلة انها تتعاش وانت حزين فيها وبما ان البعض شايف ان الحزن مرتبط بالحب فبلاها الحب اللى بيجيب وجع القلب وبكدة بردة تبقى الحياة احلى من الحب .
ماينفعش ازاى الانسان ممكن يعيش من غير ما قلبة ينبض ويحس بدقاتة ازاى ممكن اعيش من غير ما اشوف حبيبي جنبى ومعايا ومش شرط الحب دة فى انواع كتير من الحب كلها احاسيس بتحسها وبتندرج تحت اسم الحب ولا حا نجزأ الحب .
هو اى حد ينفع يعيش مثلا من غير ما يحب مامتة , او باباة, او اخواتة ,او قرايبة... وبردة ماينفعش نعيش من غير احساس شخصى بحب حد معين من جوا اى انسان انة يتمنى يبقى معاة العمر كلة .

ولا ضغوط الحياة مبقتش تخلى الناس تشوف الحلو من الحب وبقت تشوف ان الحياة من غير حب احلى .................
ياترا فعلا حايجى يوم والناس تنسى الحب وتقتنع تمام الاقتناع ان(الحياة احلى من الحب)
يااااااااااااااااااااااااااااااااااااااااااااااااخ وفى

[esraa]

اولا بشكرك على الموضوع ده ,......

و احب اعلق على موضوعك فى الجملة اللى أنتى قلتيها و هى ...
" ياترا اية اللى وصلنا لكدة اية اللى بيحصل دة ولا الناس من كتر ما شاف الجراح فى حياتها بقت مقتنعة ان مافيش حاحة اسمها حب وان الجرح بيقسى القلب وبيدى احساس بالرغبة بعدم وجود الحب وان الحياة افضل من دون الحب وان الدنيا مش مستاهلة انها تتعاش وانت حزين فيها... "


انت ليه فى موضوعك اعتبرتى ان الحب اللى انتى قصدك عليه هو الحب بين حبيبين و بس ،

أحب أقول لكى ان الحب فى الحياه أنواع ...

1- " الحب فى الله " و هو أعظم أنواع الحب ، و هو الحب الوحيد اللى مبيكنش عشان اى مصلحة او خداع الى آخره


2- الحب اللى احنا بنقول عليه " حب ارتباط " و دا الله أعلم نهايته بتبقى ايه ..؟؟ بس النهايه فى أغلب الأحوال بتبقى ان وحد من الطرفين بيكسب و الآخر بيخسر .... ، واحد بيكسب انه عاش تجربة و اتعلم منها ، و الطرف الخسران هو اللى ضيع انسان ممكن يكون حبه بجد و هو مش حاسس بكده ...


3- فيه " حب المصلحة " و دا ميكنش حب لكنه عبارة عن تظاهر من الانسان لانسان آخر لأهداف هو فقط يعلمها ... ، و للأسف دى بقت تحصل كتير ...

و غيره و غيره ....، بس المهم ان الحياة اللى احنا عايشنها يكون فيها حب بس ....

حب بــجــــــــــــــــــد.......

[snow white]

جوليت موضوع جميل وانا مع اسراء

والدنيا بالنسبة ليا منغير الحب ما تنحبش

يعني ما اعرفش اعيشها

الحب لكل حاجة حلوة ربنا كرما بيها وكمان نشكره

[Ma7amed Adel]

والله الحب هو شى جميل ولكن الحب الافضل هو حب الله والرسول والام والاب وشكرا على موضوعك يا نهال

[samomran]

نهال من ساعه ما دخلتى المنتدى و انتى موضوعاتك متميزه

و موضوعك جميل جداااااااااااااااااااااااااااا

[جوليت الحب]

ميرسى يا حبيبى على الكلام دة

بجد عجبك الموضوع ولا اى كلام

وتعالى هنا فين ردك على الموضوع يا استاذ ها :)

[samomran]

ههههههههههههههههههههه

لاتعليــــــــــــــــــــق

[GooD_DrSh]

G AAAAAAAAAA M D AAAAAAAAAAA كالعااااده ف التوبيكات بتاعتك
و اكيد طبعا الدنيا متبقاش دنيا من غير حب لان الحب اساس الوجود
لو مافيش ناس بتحب بعضها يبقى الدينا كدا بقت غابه كله بياكل ف كله
لاكن طبعا ف حب بس مندرج تحت القاب كتيير .. منها حب النفس وحب الخير وحب وحب .. ...
لاكن اكيد ان الحب موجود بس متجزاء .
وطبعا غير دا كله فى كومنت كدا شدنى اوووى ف التوبيك بتاعك و هو " لو الحب راح يبقى الموت احسن حاجة "
اوعى تفكرى ف حاجه زى كدا وكمان عايز اقولك على نصيحه رغم ان ممكن لسه معرفكيش اووى عشان اقولك على حاجه زى دى .. انما بجد ..
" لما تحبى حد متجبيش اوووى عشان لما تتجرحى متتجرحيش اووووى "
بس مش اووى خالص يعنى هههههههههههههههه

[جوليت الحب]

ميرسى تانى بجد يا درش

على اضافتك دى ونصحتك حاضر بجد هعمل بيها لانى شيفاها صح بجد

وبشكرك اوى على اضافتك الى بتكتبها على موضوعاتى متشكرة اوى

وبجد بترفع من روحى المعناوية بجد

بشكرك

[روميو الحب]

اول حاجة حرام عليكى عينى وجعتنى علشان الكلام صغير مش عارف انتى عايزة تعمينى ولا اية وثانيا بجد صعب جدا ان الناس تعيش من غير حب ودة من اخر المستحيلات ان الحب ينتهى علشان طول مقلب الانسان بيدق وفية نبض واحساس يبقى لازم فى حب وعلى فكرة الى بيحبو الدنيا دول اكتر بردوة بيحبو واكتر حاجة تعرفيها عنهوم انهم بيحبو نفسهم اكتر من اى حاجة تانية وبجد موضوعك جميل