حوار مع شاب جامد اوى ( كلة يدخل هنا للضرورة )

**جوليت الحب** · 04-16-2009, 10:39 PM

حوار مذيعة عن ذكريات شاب سنة 2050

برنامج ليت الشباب يعود يوما

المذيعه: اسم حضرتك

المواطن: ............

المذيعه: احكى لنا شوية عن ايام زمان

المواطن: أحكى ايه ولا ايه ولا ايه عن زمان ....والنبي متفكرنيش بايام العز....ايام

الرخص...أيام الاحترام....

طب ده انا مثلا فاكر من حوالى 40 - 45 سنة كدة كان الواحد مننا ياخد من ابوة

المصروف10او 15 جنيه فى اليوم وكانوا بيكفوا...ومابيفتحش بقه...مش زى

دلوقتى....الله يكون فى عوننا....ده انا فاكر ان عمرى ما ناقشت بابى الله يرحمه ف

المصروف....

زمان الواحد كان محترم في لبسه كان الولد لابس البادي الكات

والبنطلون النجر او البنطلون

الجينز الديرتى المقطع و خلاص.....والبنت تلاقيها ماشية باحترامها

لابسة المينى جيب

والبادي الضيق او البادى الاستوماك او البنطلون الاستريتش و خلاص..

.لكن لبس اليومين دول....مايتوصفش....اجارك الله

زمان المصاريف كانت محدودة ...فين ايام ما كيلو اللحمة كان بـ 45

جنية بس....

كانت ايام....
وبعدين زمان كانت ابواب البيوت تتقفل من بدري يعنى الساعة4الفجركدة..وكان

الابهات ليهم شنة و رنة....يعنى ماتلاقيش واحد بيعلى صوته على ابوه

و لا بيمد ايده على امه....

غير لو زعقوا له او ابتدوا معاه بالصوت العالى....

زمان كنا بنذاكر على الاغانى الطربية الاصيلة....فين ايام الاغانى

الاصيلة زى بحبك يا حمار و العنب العنب العنب..ومن خمسه لخمسه ونص..

.لكن اغانى اليومين دول لا ليها طعم ولا لون و الكلمات بقت

يووووو مقدرش اوصفلك....طب بذمتك كدة قارنى بين مطربات زمان زى الست روبى و الست دانا و الست هيفا....

لكن مغنيات اليومين دول بيعتمدوا على جسمهم و على المسخرة....

فين ايام الفن الاصيل

زمان كانت البنت لما تقابل صاحبها اللى بقى لها كتير ماشفتهوش تبوسه

وخلاص مش زى بنات اليومين دول قلالات الادب.....

وبعدين زمان بصراحة بقى كانت المذيعة تقعد قدام الضيف او جنبه

مش على رجله زي ما انتى عاملة كدة.... ههههههههه

المذيعة: قول للزمان ارجع يا زمان
يا رب الموضوع يعجبكوا بجد وقولوا رايكوا بجد

**روميو الحب** · 04-16-2009, 10:44 PM

ههههههههههههه بجد رهيبة رهيبة رهيبة جامدة اوى الحكاية دى تسلم ايدك والله يا جوليت

**جوليت الحب** · 04-16-2009, 10:50 PM

يا حبيبى يا روميو
يا رافع من روحى المعنوية
ربنا يخليك على اضافتك الحلوة اوى
وقول للزمان ارجع يا زمان
ههههههههههههههههه

**Marwa Mahmoud** · 04-16-2009, 10:57 PM

هههههههههههههههههه

جميله جدااااااااا تسلمى يا قمر

**جوليت الحب** · 04-16-2009, 11:09 PM

ميرسى يا مرمر يا حبيبتى على مرورك دة
على راسى
هههههههههههه

**جوليت الحب** · 04-17-2009, 12:53 AM

يلا يا جماعة مستنية ردكوا على الموضوع دة ويا رب
يعجبكوا بجد مستية انا اما اشوف :confused:

usama mohammed · 04-17-2009, 01:55 AM

يــــــــــــــــا ســـــــــــــــــــــــلام
فين ايام زمان ايام مكان في بربع جنيه فلافل وبربع جنيه فول كل ببريزه لوحده وبالباقي مخلل كان الواحد يدخل اجدعها مطعم و يفك الجنيه كله
ميرجعش بشلم حتي
والا المانجه كان الكيلو بنصف جنيه والمانجيه كانت تبقي كبر كده