تعالى هنا بئا "" احكلنا وقولنا قصتك ايه ؟؟ اتكلم براحتك

[Marwa Mahmoud]

ايوا مانا بقولك عشان انتي لسه في سنة اولي ويدوبك لسه سايبة صحابك في ثانوي بس بكرة صدقيني هتعرفي معني صداقة الجامعة ...

وبالنسبة لانك عمرك متخليتي عن الصداقة فده شئ جميل جدا علي فكرة وده بيدل علي انك انسانة اجتماعية جدا

برافوا عليكي يا مروة

ربنا يكرمك يا حسن ويارب منتحرمش ابدا من الناس اللى بنحبهم

لأن أجمل شئ فى الدنيا دى ان الناس تحبك وتحترمك هو دة المكسب فعلا

[الورده البيضاء]

موضوعك جميل جدا ياحسن وانسانى جدا
احيانا الواحد بيبقى عايز يتكلم عن حاجات كتير جواة
بالتالى ممكن يتكلم عنها هنا
واحيانا كمان الواحد بيبقى فى حاجات مش عايز حتى يفتكرها مش انة يكتبها

بس بجد موضوع رائع بارك الله فيك

[samomran]

[/SIZE][/B][/COLOR][/CENTER]

1)اول ضحكة طلعت من قلبك واول صدمه خدتها في حياتك


اول ضحكه بجد طلعت من قلبى لما طلعت على اشاعه فى القسم انى ماشى مع 4 بنات فى نفس الوقت بجد عايز اقولك انى موت من الضحك

2) واول قصة حب مر بيها


اول قصه حب مريت بيها كانت فى سنه اولى جامعه و للاسف انا كنت بحب فعلا

3) احلي صحاب عشت معاهم في اي فترة من حياتك

احلى اصحاب طبعا اصحابى من الحضانه الى الان و عيشنا احلى اوقات مع بعض

4)والناس اللي بتتعامل معاهم ... وياتري مين فيهم قدوة ليك

الناس اللى بتاعمل معاهم دلوقتى زمايلى فى الكليه و قدوتى طبعا استاذ محمد سعد

5)وايه يا تري اول خيانة حصلتلك


اول خيانه حصلت لى لما حبيت اول مره فى حياتى كانت من اقرب الناس لى

6)وايه النصيحة اللي تقدمها لبقية الاعضاء

مش حقول نصيحه لكن طلب

المنتدى قام بينا كلنا و كلنا اخوات مع بعض اوعوا فى يوم من الايام نخسر بعض مهما طالت السنين

الله ينور يا حسن موضوع جميل اوى اوى

[Marwa Mahmoud]

ممكن سؤال وحد يجاوبنى

ليه دايما الحب الاول بيفشل ..؟؟

كل مسأل حد يقولى محصلش نصيب

وأنا من الناس دى طب ليه ..!!!

هل ده بيكون تسرع مننا وإننا لسه مش بنكون داركين الامور صح ولا ايه ..!!!

[الورده البيضاء]

ممكن سؤال وحد يجاوبنى

ليه دايما الحب الاول بيفشل ..؟؟

كل مسأل حد يقولى محصلش نصيب

وأنا من الناس دى طب ليه ..!!!

هل ده بيكون تسرع مننا وإننا لسه مش بنكون داركين الامور صح ولا ايه ..!!!

على مااعتقد يامرمر
اننا مش بنبقى عندنا الخبرة اللى تخلينا ندرك اذا كان دة حب حقيقى او لا وفى الاخر تفاجئى انك مخدوعة او انك مكنتيش بتحبى اصلا بس مجرد اعجاب مش اكتر ولكنك بعد ماتاخدى الصدمة الاولى بتعرفى تختارى صح وفعلا تفكيرك بيتغير تماما
وبتقدرى تشوفى الدنيا على حقيقتها عشان كدة انا بقول العقل الاول وبعدين نفكر بالقلب ومش هتخصرى صدقينى لو اختارتى الشخص بعقلك هتعرفى ازاى تطلعى عيوبة ومميزاتة لكن لو هتفكرى بقلبك عمرك ماهتحاولى اصلا تشوفى عيوبة واحيانا العيوب دى بتبقى مدمرة وبرضو مش بتشوفيها

[Youssef Mostafa]

1)اول ضحكة طلعت من قلبك واول صدمه خدتها في حياتك

اوضحكة طلعت من قلبى انا مش فاكر بصراحة بس بجد فى حاجات كتيير بتبقى من قلبى والله خاصة مع اصقائى يعنى

2) واول قصة حب مريت بيها

هى كانت قصة من طرف واحد يعنى طرفى انا بس والحمد لله على كل شئ

3) احلي صحاب عشت معاهم في اي فترة من حياتك

فترة اولى ثانوى كنا بنقضى احلى ايام مع بعض وايام مش حتتعوض تانى بجد والفترة الحالية فعلا

4)والناس اللي بتتعامل معاهم ... وياتري مين فيهم قدوة ليك

انا بتعامل مع ناس كتيير فعلا وناس كويسة جدا والله وباخد من كل واحد الحاجة الحلوة وبتبقى قدوة ليا

5)وايه يا تري اول خيانة حصلتلك

الحمد لله مفيش لحد دلؤتى خيانى بس فى صديق كنت بحبه وبقدره بس هو للاسف مقدرنيش بس يارب يكون صادق مع نفسه

6)وايه النصيحة اللي تقدمها لبقية الاعضاء

محدش يزعل من حد ابدا واللى زعلان من حد يسامحه واللى غلط فى حد يتاسفله لان الايام قليلة ومحدش ضامن عمره ياريت كلنا نبقى اكتر اخوة بجد لان الصداقة والاخوة احلى حاجة فى الدنيا
وانا لو حد زعلان منى انا بقوله انا اسف ان كنت زعلتك وانا مسامح اى حد زعلنى بجد

بجد ياحسن انت دايما تجيبلنا مواضيع كد ة جامد اوىى واللهوانا مستنى اجاباتك بقى يابو على

[Marwa Mahmoud]

على مااعتقد يامرمر
اننا مش بنبقى عندنا الخبرة اللى تخلينا ندرك اذا كان دة حب حقيقى او لا وفى الاخر تفاجئى انك مخدوعة او انك مكنتيش بتحبى اصلا بس مجرد اعجاب مش اكتر ولكنك بعد ماتاخدى الصدمة الاولى بتعرفى تختارى صح وفعلا تفكيرك بيتغير تماما
وبتقدرى تشوفى الدنيا على حقيقتها عشان كدة انا بقول العقل الاول وبعدين نفكر بالقلب ومش هتخصرى صدقينى لو اختارتى الشخص بعقلك هتعرفى ازاى تطلعى عيوبة ومميزاتة لكن لو هتفكرى بقلبك عمرك ماهتحاولى اصلا تشوفى عيوبة واحيانا العيوب دى بتبقى مدمرة وبرضو مش بتشوفيها

بشكرك جدااا وفعلا انتى عندك حق

بس تفتكرى إحنا كلنا كدة ممكن يكون بتهيألنا اننا بنحب ويكون مجرد إعجاب

معتقدش !!

[خالد أبوسعده]

1)اول ضحكة طلعت من قلبك واول صدمه خدتها في حياتك

اول ضحكه مش فاكر الصراحه بس انا حياتى كلها ضحك و الحمد لله
و لو مفيهاش بخليها فيها

الحمد لله الصدمات بتاعتى كلها فى الشخصيات الى حطيت فيها ثقتى غلط
بس مبتوصلش معايا لدرجه الصدمه
لانى عمرى ما زعلت علي حاجه عدت

2) واول قصة حب مر بيها

قصه كانت تقريبا و الله اعلم من طرف واحد
مفيش نصيب

3) احلي صحاب عشت معاهم في اي فترة من حياتك

اكيد سنه رابعه

4)والناس اللي بتتعامل معاهم ... وياتري مين فيهم قدوة ليك

انا بتعامل مع ناس كتير اوى و الله و بحبهم كلهم
بس انا مبخدش قدوه فى الحياه
لان طموحى مش محدده انه اخره كذا
دا غير ان الشخصيه الى حخودها قدوه دى ظروفها غير ظروفى و حياتها غير حياتى و تفكيرها غير تفكيرى
انا الى بصنع لنفسى حياتى

5)وايه يا تري اول خيانة حصلتلك

الحمد لله مفيش

6)وايه النصيحة اللي تقدمها لبقية الاعضاء

اوعاك يوم تشترى حد باعك
اوعاك تزعل علي حاجه فاتتك
اياك تفكر فى موقف عدا و انتهى

[خالد أبوسعده]

موضووووووووووع جامد اوووووووووى يا حسن و الله

[Mahro]

1)اول ضحكة طلعت من قلبك واول صدمه خدتها في حياتك

اول ضحكه من القلب بجد هما كتير اوى وخاصة لما تكون مع ناس عارفينك وعارفهم كويس وتحصل حاجه وتبصو لبعض كتير وبعدها تنفجروا من الضحك واول صدمه لما بدان اكبر واحس بجد بفراق ورحيل ابويا الله يرحمه ويجعلنى عمل صالح له فى الدنيا




2) واول قصة حب مر بيها

بصراحه هى كانت نظرات حب الطفوله يعنى بس الدنيا ياما بتفرق يا صاحبى




3) احلي صحاب عشت معاهم في اي فترة من حياتك

بص يا ابو على مفيش حاجه اسمها صحاب فى فتره لازم تبقوا مع بعض على الحلوه والمره وصدقنى الصاحب بجد بيبان مع الأيام وانا شخصيا لو عشت مرتين اد الى فات مش هقدر اعوض واحد فيهم




4)والناس اللي بتتعامل معاهم ... وياتري مين فيهم قدوة ليك

انا بحب اتعامل مع اى حد اما قدوتى هو اخويا الكبير محمد
رغم انى انا وهو مختلفين فى حاجات كتير اوى
بس كل كلمه منه مفعتنى فى حياتى كتير اوى اوى اوى




5)وايه يا تري اول خيانة حصلتلك

الدنيا لما تديك وشها الحلو وبعدين تسففك التراب

ههههههههههههههههههههه




6)وايه النصيحة اللي تقدمها لبقية الاعضاء

ان بجد والله محدش يزعل من حد مش مستاهله

وان كل واحد شايف حاجه غلط يقولها لصاحبها بينه وبينه وبدلوماسيه عاليه عشان ميفهمهوش غلط
وان كل عضو يزعل من حد حتى ولو كام مشرف او مسؤل فى المنتدى يفكر فى ان باقى العضلء زنبها ايه لو حتى كرهم كلهم اكيد فى واحد هو بيحبه وبيحب مواضيعه ...



اخيرا بجد و يا ابوعلى والله تسلم واتمنى انى اكون مطولتش عليكم

ويشرفنى انى اشارك فى حاجه حلوه زى دى

تقبل مرورى