ازاى تحافظ على حبيبك \او حببتك (هام لكل عشاق الرومانسية والحب )

**جوليت الحب** · 04-19-2009, 03:50 PM

كلنا طبعا بنحب انا وانتم يا شباب واكيد انتوا يا بنات
بس ازي نحافظ علي حبنا ومانسبهوش يضيع مننا
اول حاجه لازم نعملها
اننا نحب بجد من قلبنا ونراعي ربنا في اللي بنحبه

2-لازم اي علاقه تبقي مبنيه م البدايه ع الاحترام والتفاهم والصدق والمشاعر النقيه

3_التقدير والاحترام

بمعني اننا لازم نقدر اللي بنحبه ونحترمه في غيابه قبل وجوده
يعني مثلا مانكونش في مكان وانتي تهزري مع ولد وتتكلمي معاه مع انك عارفه ان ده هيضايقه
بس بتقولي من جواكي انه مش شايفك او العكس بالنسبه للولد
لا طبعا ده غلط طب افرضي حد شافك وراح قالله وانت افرض ان حد شافك وراح قالها
هيكون ايه رد فعلك ساعتها
اما بقي في وجود الحبيب فاحنا لازم نديله كل الاحترام بمعني اننا نسمع الكلام ونفهم هو عاوز يقول ايه من غير مايتكلم
ونعزز كرامته ونعمله كيان وكبرياء وسط كل الناس

4_نمنع الشك ونمنح الثقه للطرف التاني

بمعني اننا نسمع الكلام دايما ونحكي علي كل حاجه بتحصل وبنعملها حتي لو كانت هتزعل الطرف التاني
لان ده بيديله الثقه دايما لان لو طرف تالت اتدخل وحب يوقع الدنيا في بعضها
الثقه اللي بينكم هتطرده وهتتحداه انه يوقع بينكم

5_لازم يكون فيه اهتمام دائم بين الطرفين
يعني لازم الطرفين يسئلوا علي بعض دايما ويهتموا باخبار بعض
اول مانصحي من النوم تكون اول حاجه نعملها اننا نسمع صوت حبيبنا

نطمن عليه بصفه مستمره ولو تعبان نقف جنبه ونسال دايما عليه نفتكر دايما اوقات علاجه
ونعمل نفسنا منبه يفكره بوقت العلاج
بلاش نخلي اي حاجه تشغلنا عن اللي بنحبه سواء شغل او اي حاجه

6_اشتكي اللي بتحبه منه ليه

يعني بلاش ندخل طرف تالت في مشاكلنا نشتكي بعض لبعض ونعاتب بعض ومنشلش من بعض
واخيرا ولست اخرا
كل واحد ادري باللي بيحبه وعارفه وحفظه كويس
يعني كل واحد يشوف حبيبه بيحب ايه ويعمله ويشوف بيكره ايه ويبعد عنه
وربنا يوفق كل اتنين بيحبوا بعض ان شاء الله

**جوليت الحب** · 04-19-2009, 03:51 PM

اتمنى ان الموضوع يعجبكوا بجد وشكرا

**esraa** · 04-19-2009, 04:53 PM

الموضوع فعلا جمييييييييييل جدا ...

و لعلنا نستفيد منه ....

جهد مشكووووووورة عليه .......

**جوليت الحب** · 04-19-2009, 05:14 PM

ميرسى اوى يا اسراء على ردك فى الموضوع دة وكتير من موضوعاتى انا فعلا بشكرك ودى كلمة صغيرة بجد
بس المهم النصايح دى تكون بقيدة ويا ريت يا جماعة نعمل كدا عشان لو بنحب بجد
هنعمل اى حاجة لبنحبة بجد
ونحاول نستفاد من النصايح دى ولعلها خير ان شاء الله

**alaa eid** · 04-19-2009, 05:37 PM

الموضوع جمييييييييييل جدا
والنصايح بجد اروع
تسلم ايدك

**روميو الحب** · 04-19-2009, 06:00 PM

الله عليكى يا جوليت والله موضوع جميل وبجد انا دلوقتى عرفت انى ماشى فى حبى صح ومغلطش وبيتهيئلى اهم حاجة فى الموضوع دة الثقة الى بين الحبيبين بجد انا بثق فى حبيبتى ثقة متنتهيش ومقدرش بردوة ازعلها ابدا

**جوليت الحب** · 04-19-2009, 06:45 PM

ميرسى يا روميو وانا متاكدا انك بتعمل كدا
وكويس اوى ان الموضوع عجبك وميرسى اوى على اى اضافة انت بتضفها
وانت عارف انت بردوا من الناس الى يهمنى رائهم بصراحة وانا بجد بشكرك