هى كليه.....ولا عصابه مستخبيه

[Horiaa Swedan]

بسم الله الرحمن الرحيم

متستغربوش الاسم فعلا هى كليه ولا عصابه مليانه قضايه مستخبيه
بحثت كتير وكتير واكتشفت ان كل المشاكل اللى احنا فيها هى نتاج لحاجه وحده هى



الكليه

يا جماعه القضيه اللى بعرضها مش قضيه وحده وبس
دول مليون حكايه وقضيه بنعشها ونشوفها فى حياتنا اليوميه
ومن خلال صور حيه وحقيقيه
مش حقول كلام لكن الصور هى اللى حتتكلم
وياريت اسمع تعلقكم على الصور دى وعلى القضيه اللى بتعرضها الصوره

بيقوالو الجيل دعايز ضرب نار
طب وإحنا كنا السبب في الدمار
شماعة وأتعلق عليها كل انهيار

1- تلوث البيئه ومشكله ثقب الاوزون

من القضايا المثاره اليوم والتى نسمع صداها فى جميع الميادين وهى قضيه تلوث البيئه
وهل هذا لا يعد تلوث ؟؟
هذه الصوره لقت يوم الخميس 5-3-2009 امام باب كليه الاداب جامعه الاسكندريه

وسلملى على طبقه الاوزون

2- القضيه الثانيه التربيه

هل كلنا منا تاكد ان ابنه او اخوه الصغير يسير طريقه من المدرسه الى البيت بدون متاعب

هذه الصوره لقطت منذ اسابيع قليله هؤلاء الاطفال بدلوا ملابس المدرسه وراحوا يلعبون فى الترام و هم لا يخشون الموت بالرغم من انهم كانوا على شفه حفره منه

3- القضيه الثالثه الزحمه

الناس بتستغرب احنا ليه مش بنتقدم ولا بننجز وده راجع لان مناخ الدراسه اللى بنعيش فيه غير ملائم والزحمه بتولد تشتت الافكار وعدم التركيز ودى صور حيه ملتقطه لبعض اقسام كليه الاداب

وده من وسع الاماكن وتوفرها بين المحاضرات مش بنلاقى حاجه نعملها ولا حتى نقعد فيها وده لان الراحه بين المحاضرات بتوصل ل 4 سعات واكتر فى ايام كتير اوى

جزء من الطلبه بتلجأ للدرج وللارض

[RIGHT]وجزء تانى بيخرج يتفسح يقعدوا ع البحر

يقعدوا فى كافى وده بيفتح مجال لمشاكل اكبر مش عايزين ندخل فيها


4- التلوث البصرى

المنظر العام واللى بيعمل تشوه بصرى وبيتعب نفسيتنا كل ده وعايزنا نتقدم
والله احنا غلابه والصور دى لمدرجات واقسام باحد الكليات

ازاى حنطمن على نفسنا وعلى اخوتنا فى مبانى بالشكل ده بتنهار وبتتساقط

لابد من ترميم


ولا النظافه " النظافه من الايمان يا مسلمين"

وكان نتاج لهذه القضايا السابقه هو ظهور قضايا اكثر خطوره وهى هروب الطلبه من الدراسه الى .....

5- هى كليه ولاجنينه اسماك

ريحين الكليه ليه ....

عشان نتفسح
بجد ده سؤال كل مسأله مش بلاقى غير اجابه واحده " فكك وعيش يومين الكليه دى احلى ايام"

كان عندى صور كتير تاكد كلامى لكن مش عايزه ازعجكم اكتر من كده



اتمنى مكونش ضايقت حد او احبطه لكن دى الحقيقه اللى لازم تتغير بايدينا كفيانا سلبيه

مش بقول انكم سلبين وانا ايجابيه كلنا سلبين ولازم نقف مع بعض عشان نبنى من جديد

عشان اطفالنا الجاين...

عشان اخوتنا الصغيرين...

عشان باقى الاجيال اللى جايه..

صدقونى مش فلسفه ولا شعرات لازم نتحرك لازم الكل ينفض غبار الظلام من عقله وناخد الموضوع جد

الكليه مش نادى بنيجى نتفسح فيه ونقابل اصحابنا ونيجى على نفسنا ونسمع ساعه فى محاضره

لا...

دى دراسه ومنهج لازم نفهمه اولا وبعدين نتعلم نفهم احنا بندرس ده ليه وحيفدنا فى ايه

اتمنى الموضوع يفدكم

وياريت نتعلم من اخطئنا

مش عيب انك تغلط....لكن العيب انك تستمر فى الغلط ده

[ميرا مار]

صراحة

ماعنديش تعليق ريموندا

لكن من حقك تعرضى وجهه نظرك.. باشكرك

[خالد أبوسعده]

بصى يا ريموندا
الحاجات دى بنشوفها فعلا كل يوم
بس دى ظروفنا الى مش حنعرف نغيرها الا لما احنا نعوز نغيرها

الباسكت المقلوب دا واحد معندهوش دم قلبه و سابه و مشى
احنا الى بنرمى الورق فى الارض

الكليه دى مبنى لا بيسمع ولا بيتكلم
ولا هو الى بيحرق الزباله ولا هو الى سايب الحاجه من غير ترميم

لازم كل واحد يبدأ من نفسه

دا فى الى احنا نقدر عليه

موضوع الزحمه دا غصب عننا
و مش بأيدينا نغيره

فليه منتكيفش مع الوضع دا

مثل كان بتقال زمان

الى بيشيل قربه مرومه بتخر علي دماغه

و احنا كلنا شايلين القربه المخرومه دى و لما نتغرق ميه بنجيب العيب علي القربه
العيب فينا احنا يا ريموندا مش فى الكليه

[Marwa Mahmoud]

بشكرك جداا على الموضوع وطرحك لوجه نظرك

بس لو كل واحد بدأ بنفسة أكيد كل حاجة هتتغير

مينفعش كل واحد يتكل على التانى لأن ده

امر واقع لازم كلكوا تساعدوا فى تغيرة

مش حد معين او فئة معينة .

سعدوا بعض انكوا تغيروا الواقع دة على قد متقدروا

فى حجات يصعب تغيرها او التحكم فيها بس مش مستحيلة .

[Horiaa Swedan]

اشكركم على مرورك وتفاعلكم مع الموضوع

وعلى وجهات نظركم انا عارفه ان ده ذنبنا وان دى مشكلتنا

انا لما عرضت الموضوع هنا كنت عايزه اشوف تفاعلكم معاه عشان احنا اللى حنغير

انا لا ادين الكليه بل اديننا نحن

انا وانتى وانت وهو وهى

ايوه انتوا كلنا السبب انا حتيط الموضوع يمكن نتغير او نشوف حلول مع بعض تغير الوضع المسيئ ده

[اسامه البنا]

العيب فينا احنا يا ريمند

موضوع جميل مدعم بالصور الله ينور عليك

[sweet girl]

الموضوع جميل جدا والصور معبره عن كل اللى عاوزه تقوليه من غير كلام بس يمكن اكون مش حسه اوى باللى بتقوليه لانى مبشفش الكلام ده فى كليتى طبعا ده راجع لان احنا عددنا قليل فالكليه وماديات الكليه مرتفعه ومتماشيه مع عددنا .. بس يارب ان كل الاوضاع السيئه ديه تتغير وان شاء الله كل واحد هيبتدى من نفسه وهيغير ويطور حاجات كتييييييييييير ان شاء الله

[Mimi]

رسالتك وصلت ياريموندا

وكل اللي شفناه أكيد هو سبب تأخرنا عن باقي دول العالم

وأنا نفسي كل حاجة تبقى نضيفة ومرتبة ومنظمة

والناس تكون متحضرة ومحترمةين ومنظمين مش همجيين

وفعلا المجتمع هو الدينامو الفعال لتقدم الدولة

شكرآ حبيبتي على موضوعك وان شاء الله نأمل التغيير من خلال أنفسنا أولا

[Mohamed Hashem]

لا تعليق
بدل ما اتكلم كلام كتير يزعل الحكومه والمجتمع والناس

[sweet girl]

هههههههههههههههههه عندك حق والله فى الزمن اللى احنا عايشينه لازم نشوووووووووووووف ونسكت ويبقى ردنا لالالالالالالالالالالالالالالالا تعليق