مشكله الزياده السكانيه فى مصر

[محمد الفرارجي]

سين سؤال
عدد سكان اليابان اكتر وألا مصر؟
طب سؤال تاني موارد اليابان اكتر وألا مصر؟
طيب بلاش ده خالص
عدد سكان ماليزيا اكتر وألا مصر؟
طب الهند
مش عارف والله
هوه احنا بقينا كتير قوي كده؟


انا شايف ان السكان عبء على اللي مش عارف يشغلهم

ادارة الموارد البشرية مهمة جدا وتوظيف الموارد الطبيعية لخدمة الموارد البشرية أمر في غاية الأهمية وسبب تقدم الدول
وكمان مشكلة الدول النامية الفساد
يعني اما يبقى نص في المية معاهم معظم ثروة مصر والباقي تحت خط الفقر دي تبقى كارثة


الحلول كتير جدا


أهمها المحاولة بقدر المستطاع السيطرة على الفساد المستشري بكافة أنواعه بقدر المستطاع يعني من الآخر ما نصطدشي الصغير ونسيب الكبير

محاولة جادة لمساعدة الشباب الراغبين في السفر سواء قانوني او غير قانوني ما دام بقى عبء عالبلد سيبه واخلص من مشاكله وهوه هيعرف يسلك نفسه وكده كده اللي بيشتغل بيه هيرجع البلد تاني لأهله

المحاولة لإعادة نظام التعيين الحكومي وعودة القطاع العام لسابق عهده"دون سرقة" حتى نسيطر على طفرة رأس المال وقلة فرص العمل

تمليك الأراضي الصحراوية للشباب بقدر المستطاع ومن احيى ارضا مواتا او بوارا فهي له "بأقو الشباب مش رجال الأعمال"

الأخذ براي العلم والبحث العلمي وده إللي هيجيب من الآخر

وما تعلقوش ؟؟؟؟؟؟؟؟؟؟؟؟ على الزيادة السكانية كل واحد برزقة وما عادشي حد بيخلف خمسة وستة زي زمان مش عارف والله ما نخلفش احسن بقى

الأرزاق على الله