.....**للبنات فقط**.....

**الورده البيضاء** · 04-27-2009, 10:17 PM

السلام عليكم ورحمة الله وبركاتة
ازيكم يابنانيت عاملين شو
يارب تكونوا كلكم بخير
ندخل ف موضوعنا
الموضوع ده يهم بناااااااات كتير جدا وخاصة اللى منهم فى الجامعه او اللى لسه حيدخلوا الجامعه وهو يخص جميع البنات وعلاقتهم مع الشباب عموما فى اى مجال

"الاحترام"

اهم حاجه لازم البنت تتميز بيها وفى الموضوع ده احب اقدم نصايح تخلى البنات تجبر الشباب على احترامها

اولا::

نبدأ اولا بمظهر البنت شكل البنت يعنى طريقة اللبس اول ما بيلتفت اليه الشاب شكل لبس البنت وطبعا مش قصدى انه يكون غالى ومن افخم الملابس والازياء الباريسيه ولا تكون البنت لابسه اكسسوارات بالشئ الفلانى لا قصدى على احترام البنت فى ملابسها سواء محجبه او غير محجبه يعنى متكونش لابسه حجاب ولبسها ضيق او لابسه جيبه قصيره او تكون مش محجبه ومنعكشه شعرها وعملاه بالجل كل ده بياثر فى طريقة معاملة الولد للبنت وحتى ان كان بيقول انا ميهمنيش المظهر بس خليكوا واخدين بالكم ان معظم الولاد بياخدوا بالهم من النقط الصغيره دى وتلقائيا ممكن تلاقى التعامل بعد كده بيتغير ويقل الاحترام
وطبعا اللبس مش دليل على احترام البنت الكامل لنفسها لاننا بنشوف بنات لابسه لبس اخر احترام وواقفه تهزر او تتكلم باسلوب مش ظريف مع الشباب

ثانيا::

دى حاجه بقى ممكن البنات متاخدش بالها منها وهى هزارها او طريقتها فى الكلام مع البنات صحابها يعنى تقف وتضحك بصوت عالى اوى وتهزر ويكون حواليها شباب وناس كتير فبكده اى شاب حيشوفها اكيد حيقول انها مش محترمه ، يعنى راعى دائما يكون اسلوبك فى الهزار ظريف ولطيف ويليق بيكى كبنت وعامة كثرة المزاح بيضيع هيبة واحترام البنى ادم

ثالثا::

نيجى بقى على طريقة كلامك مع زميلك اولا بلاش الصوت العالى ثانيا حاولى دائما تتكلمى مع اى شخص باحترام وادب وحتى ان كنتى بتشوفى الاخرين بيسخروا منه يعنى ببساطه تكونى بتتعاملى بذوق مع الكل

رابعا::

دايما تحطى قواعد وحدود مع اى حد يتعامل معاكى وخااااااااااااصة فى موضوع الهزار احذرى الهزار مع الشباب وخاصة ان الشباب اصلا فى تعاملهم بيحبوا يضربوا بعض فى الهزار يعنى لازم تحافظى على احترامك وتضعى حدود فى التعامل من الاول واذا كنتى خجوله واتحطيتى فى الموقف ده غصب عنك لازم تاخدى موقف وتبصيله بصه بشذر كده ولا تعبريه حتى وان جه يتاسف تأنبيه وتفهميه انك انسانه بتتعاملى معاه باحترام ومتقبليش الهزار بالاسلوب ده

واتمنى اشوف مشاركات الشباب وينورونا بارائهم واخيرا لكم منى كل الاحترام وتمنياتى ان الموضوع يفيدكم وينال اعجابكم

[[/COLOR][/COLOR][/SIZE]

**AHMED FTIHA** · 04-27-2009, 10:33 PM

اسف لو فضولى دفعنى انى اقراء الموضوع لان الموضوع يستاهل برضة
و الشباب لازم يكون لهم حدود فى التعامل مع اى بنت ويتعامل معاها على اساس انها اختة فى حدود الدراسة

و جزاكى الله كل خير

**pretty angel** · 04-27-2009, 11:14 PM

موضوع فعلا حلو اوى

جزاكى الله خيراااااااا

وربنا يجعله فى ميزان حسناتك

**Marwa Mahmoud** · 04-27-2009, 11:36 PM

شكرا ليكى على الموضوع

جزاك الله كل خير

**الورده البيضاء** · 04-29-2009, 07:51 AM

المشاركة الأصلية كتبت بواسطة ahmed ftiha

اسف لو فضولى دفعنى انى اقراء الموضوع لان الموضوع يستاهل برضة
و الشباب لازم يكون لهم حدود فى التعامل مع اى بنت ويتعامل معاها على اساس انها اختة فى حدود الدراسة
و جزاكى الله كل خير

لا ابدا يااحمد دانت نورت الموضوع والله بالكلمات الجميلة دى وبارك الله فيك اللهم امين ويارب الشباب كلها تعمل زى مانت بتقول كدة يارب
والف شكر على مرورك

**الورده البيضاء** · 04-29-2009, 07:52 AM

المشاركة الأصلية كتبت بواسطة pretty angel

موضوع فعلا حلو اوى

جزاكى الله خيراااااااا

وربنا يجعله فى ميزان حسناتك

ميرسى جدا ليكى ياقمر وربنا يتقبل دعوتك يارب

**الورده البيضاء** · 04-29-2009, 07:53 AM

المشاركة الأصلية كتبت بواسطة مرمر

شكرا ليكى على الموضوع

جزاك الله كل خير

ميرسى ليكى يامرمر يامنورانى ورافعة معنوياتى فى كل موضوع

**Maya** · 04-29-2009, 09:22 AM

جزاكى الله كل خير يا أختى الفاضلة;ووفقكى دوما الى صالح الأعمال وأطيبها عنده الموضوع جميل ومهم وبجد لو كل بنت عملت كده مش هنشوف اللى بنشوفه دلوقتى فى الكلية بعد كده ....تسلم ايييييييييييييييييييييييييييييييييييديك ;)