مين السبب في المعاكسات ياترى الولاد ولا البنات؟??

[Marwa Mahmoud]

موضوع جميل اوي يا مرمورة

بس انا شيفة ان في بعض الحلات بتكون البنت السبب زي ما انتي قلتي

لكن اكثر وليس كل الولاد دلوقتي بتعاكس حتة البنات المحجبات و لبسها يدل انها متدينة اوي
يعني لو قيمتها بالنسبة للحالة العامة فاحب اقولك ان 80% ولاد و 20% بنات

بشكرك جداااا يا حبتى على مرورك الجميل ده

أسعدنى ونورنى جدااااااا وفعلا أنا شايفة

أنها معادلة تكاد تكون بالفعل مظبوطة

وبردة لا ننكر دور البنات فى المشكلة دى

لأنهم بيكون ليهم دور فيها مش على الشباب بس

[mo_medya]

بصراحة البنات هما السبب فى المعاكسات

[Hassan Mohamed]

السبب البنات وده بنسبة 100%

[Soma]

تصدقى كمان الستات الكبار فى السن هى كمان بتتعاكس وانا شوفت كده فعلا
مش عارفه فى ايه بالضبط ليه الظاهرة الغريبة دى
متعرفيش هما مثلا مش لاقيين حاجة يعملوها فبيعاكسوا كتسلية لوقتهم
اكيد طبعا فى بنات كتيرة مش محترمة ودول يستهلوا بس البنات المحترمةلبسها محترم
ليه يتعاكسوا والناس الكبار بشوف حاجات غريبة بجد
ربنا يهدى ويرحمنا برحمته
ميرسى كتيييييير يامرمر

[ميرا مار]

موضوع جميل يا مرمر ..... كالعادة طبعا مواضيعك كلها قنابل
أنا أعتقد السبب الولاد ... هى قاعدة غريبة شويه وقبل ما اقولها باعترف انها صعبه التطبيق
وشواذ القاعدة هى الاغلب بس دا رأيى والسلام
الولاد لو غضوا ابصارهم بحق ..... المعاكسات حتختفى ويمكن البنات اللى بتتكلمى عليهم دول يتهدوا
ويلتزموا أو على الاقل يحتشموا ..... ولو محصلش إلتزام من البنات برضه وصلنا لنفس النتيجة المعاكسات حتختفى
إنما لو كل البنات إتحجبوا والولاد مش عايزين يبطلوا .... لسه فى معاكسات وعلى رأيك نشوف ست محجبه بأولادها وكام شاب فى الطريق
يمكن فى سن أصغر منها وبيعاكسوا
وربنا يهدى

ربنا يكرمك يا بشمهندس

حضرتك قلت اللى انا عايزة اقوله

وجزاك الله خيرا يا مرمر ع الموضوع الفريد دا

[Mohamed Hashem]

شكرا ليكى يا ميرامار
وجزاكى الله خيرا يا ميرا
احب أحييك مرة ثانية ... بس على المرة دى على ديبلوماسيتك فى الردود على المشاركات
بجد الله ينور

[Soma]

تعرفوا كمان غير المعاكسة اللى فى الطريق فى كمان معاكسات فى التليفون اكيد قبلتوا معاكسات زى دى
حصلى كده واحد اتصل على موبايلى ويقولى مش ده تليفون هبة قولتله لاة الرقم غلط قالى صوتك حلو اول ما قلى كده فقفلت على طول
واعد بقى يومين يتصل وفتح الخط واسيبه يرن مع نفسه عشان رصيده يخلص ويحرم يتصل وبرضه مفيش فايدة فخصصت رقمه بنغمه من غير صوت ويرن بقى:p ويبعت مسجات لغاية مازهق وبطل يتصل تانى تحسى انه شخص فاضى وبيسلى نفسه بجد ناس غريبة جدااااااااااااا
ربنا يهدى

[Marwa Mahmoud]

بصراحة البنات هما السبب فى المعاكسات

بس اكيد الشباب هما كمان ليهم دور فى المعكسات دى

مش شايفة ان البنات بس

بشكرك جدااا على مرورك نورتنى

[Marwa Mahmoud]

السبب البنات وده بنسبة 100%

بشكرك جدااا على مرورك يا حسن اسعدنى ونورنى جدااا

بس انا شايفة غير كدة مش معقول البنات يبقوا هما

السبب فى المعاكسات بنسبة 100% اكيد الشباب ليهم دور كبير فى الموضوع دة

وإحنا البنات مش بنتكلم من فراغ فيه بنات كتير جداا محترمين

وبالرغم من كدة بيتعاكسوا ..

هديك مثل :

انت مثلا بنتك او أختك انت عارف هيا قد أيه محترمة ومتأكد هيا على ايه وعارف أخلاقها كويس جداا

وأتعكست يبقى هيا السبب بردة ؟؟

:confused::confused::confused:

[Marwa Mahmoud]

تصدقى كمان الستات الكبار فى السن هى كمان بتتعاكس وانا شوفت كده فعلا
مش عارفه فى ايه بالضبط ليه الظاهرة الغريبة دى
متعرفيش هما مثلا مش لاقيين حاجة يعملوها فبيعاكسوا كتسلية لوقتهم
اكيد طبعا فى بنات كتيرة مش محترمة ودول يستهلوا بس البنات المحترمةلبسها محترم
ليه يتعاكسوا والناس الكبار بشوف حاجات غريبة بجد
ربنا يهدى ويرحمنا برحمته
ميرسى كتيييييير يامرمر

بشكرك جدااا يا حببتى على مرورك ومشركتك الجميلة دى

فعلا والله عندك حق وربنا يهدى الجميع