يا ترى كام ايميل من دول بيجيلك كل يوم ؟ ادخل بص

**Mohamed Hashem** · 05-08-2009, 03:43 PM

--------------- منقول -------------------
أ

ولا: المقاطعة:

قاطع المنتجات الأمريكية لأنها تدعم اسرائيل.

قاطع المنتجات البريطانية لأنها تدعم أمريكا.

قاطع المنتجات الدينامركية عشان الكاريكاتير.

قاطع المنتجات الهولندية عشان الفيلم.

قاطع المنتجات الألمانية لأنها جنب الدول السابق ذكرها.

وفي النهاية كل الناس يبعتوا الايمالات لبعض من لاب توب كل البرامج الي فيه أمريكية، و هم قاعدين في ستاربكس بعد ما اتعشوا في كنتاكي أو معاهم "تيك أوي" من ماكدونلدز بيروحوا البيت يا بسياره امريكي يا اوروبي .

وفي الاخر يطلع الموضوع كله المخابرات اليابانيه أو الصينيه عملنا علينا شغل
اصلنا بقينا شبكه في النص

ثانيا: الصحة:

لا تشرب بيبسي لأنه يحتوي على مواد تنظيف و عصارة خنزير.

لا تشرب ريد بول لأنه يسبب عقم..

لا تستعمل مزيل العرق و لاالشامبو و لا الصابون لأنه يسبب سرطان.

لا تأكل لحم البقر لأنه يسبب جنون البقر.

لا تأكل دجاج بسبب انفلونزا الطيور

لا تأكل سمك بسبب المد الأحمر

لا تأكل خضار و لا فواكه لأنها كلها هرمونات

لا تشرب ماء لأنه معالج بالكلور

لا تأكل معلبات لأنها تحتوي على مواد حافظة

لا تشرب عصير طبيعي لأنه يأتي على شكل عصارة مركزة

لا تشرب عصير غير طبيعي لأنه كله ألوان

طيب يعني آكل ايه بالظبط أكل هوا ؟!!! ..... لأ طبعا لأنه الهوا ملوث بعوادم السيارات و المصانع.

و اذا خالفت النواهي السابقة كلها، دخلنا على العادات:

لا تشرب ماء بعد الأكل.

لا تنام و لا تمشي و لا تقعد بعد الأكل.

لا تدخن و لا تشرب شاي و لا قهوة بعد الأكل

أحسن شي .... انك تاكل و تنتحر!!!!!!

لا تخلي الماء في الثلاجة داخل علب بلاستك لأنه مسرطنة

و لا تخلي في زجاج لأنه ممكن ينكسر بدون ما تعرف و تشربه و تموت.

و لا تخلية برة الثلاجة لأنه ممكن يتلوث.

و لا تشرب من الحنفية لأنها مش نظيفة

و لا تشرب مية معدنيه لأنها معبئة من الحنفية أو مكررة و فيها مواد مسرطنة.

لا تتكلم عالموبايل بدون سماعة عشان الموجات تقتل خلايا المخ

و لا تتكلم عن طريق السماعة عشان الكهربا الساكنة

و لا تتكلم عن طريق البلوتوث عشان الموجات برضو تقتل خلايا المخ.

(يعني كل العالم الي عايشين اليومين دول عايشين بدون مخ)

لا تخلي الهوا يدور في السيارة لما تشغل التكييف لأنه يتلوث من التنفس.

و لا تخلي الهوا يجي من بره لأنه ملوث.

لا تعبي بنزين الصبح عشان الكثافة عالية

و لا تعبي في الليل عشان الكثافة واطية

و اشرب خل عشان يحرق الدهون .... و لا تشرب خل عشان يسبب قرحة

و اطلع في الشمس عشان فيتامين "د" .... و لا تطلع في الشمس عشان الأوزون.

ثالثا: الدين:

ابعث هذا الايميل لجميع من عندك الله يعطيك 25864973 حسنة ....

(على أساس أنإاللي باعت الايميل مكشوف عنه الحجاب)

حارس قبر الرسول (صلى الله علية و سلم) حلم انه الرسول (صلى الله علية و سلم) قالة انه لازم يبعت الرسالة.

و يجيلك ايميل مكتوب في أولة قسم انك تبعت الايميل لكل الي تعرفهم و بعدين يتم يذكرك انك أقسمت.

(ماسك عليك زله)

و ايميل فيه الجملة الحلوة اللطيفة (اذا لم تبعث الايميل فانت لا تستحق أجره)

و ايميل يقولك أحاديث كاذبة و اذا مبعتهاش فأنت مقصر

و ايميل يقولك "دعاء مرة واحدة في العمر" (يعني ادعية و افجُر!!!!)

و ايميل يقولك "دعاء هز عرش الرحمن"

و ايميل يقولك "دعاء من دعاه حققت له 100 أمنية" (ده مصباح سحري مش دعاء!!!!)

و بعدين فتوى الرضاعة

و فتوى تحريم "البوكيمون"

و فتوى تحريم "البلايستيشن"

و أحلى فتوى فيهم ............ فتوى قتل "ميكي ماوس"

يعني أحسن حل .... انه الواحد لا ياكل و لا يشرب و لا يتنفس و لا يتكلم على التلفون و لا يطلع من البيت و بس يقعد يبعت ايميلات ....

ملاحظة: اذا بعت الايميل ده لكل الي عندك حيطلعلك جني سويسري راكب بنتلي، و اذا ما بعته حأطلعلك أنا كل يوم في المنام و اقولك "ليه ليه ليه ليه ليييييييه" للصبح

**Wild_Angel** · 05-08-2009, 07:18 PM

ما هو الواحد لو فضل شاغل نفسه بتلك الاشياء مش حننتهى
الفضل ان ينتقى الانسان ما يرسله وان يتأكد منه
يكفى ان يرسل دعاء يعلمه
ويكفى ان يدعو لكل من قرأ له كلمه مفيده
أما بالنسبه للاكل والشرب فأحنا نقول بسم الله ونتوكل على الله

موضوع رائع باشمهندس هاشم
جزاك الله خيرا
اضحكتنا مما رأيناه فى حياتنا

**AYMAN GAMAL** · 05-08-2009, 08:19 PM

ههههههههههههههههههههههههههه

شكرا يا اخي

فعلا والله ايميلات كتيرة بتجيني فيها الكلام ده

و الجميل انه يحلفك بالله انك تعمل كده

**Marwa Mahmoud** · 05-09-2009, 01:50 PM

ههههههههههههههههههههههه

فعلا والله عندك حق يا أيمن

انا بزهق بجد وحجات غريبة تخلى الواحد يتجنن

ولا حكايه الحلافان دى سبحااان الله

بشكرك جدااااااااااااااا mmhashemعلى الموضوع الجميل ده

جزاك الله كل خير

**olivia nader** · 05-09-2009, 02:09 PM

هههههههههههه
موضوع روعه الواحد زهق من الايميلات اللي بتيجه لدرجه اني بقفلها من قبل ما اقراها
عشان ملاقيش نفسي اقسمت وانا مش حاسه

والاكل و الشرب خلاص لو عملنا كده ولا حناكل ولا حنشرب
ولاحنعيش طبيعي حنموت ساعتها
احسن حاجه الواحد يعمل كل حاجه و يتوكل علي الله
و ياكل و يشرب و يسمي بالله
و منفكرش كتير لحسن مش حنعيش بالطريقه دي
و شكرا اوي للموضوع الروعه الساخر ده
فعلا لزيز اوي

**Mohamed Hashem** · 05-09-2009, 04:50 PM

شكرا وايلد
شكرا ايمن
شكرا مرمر
شكرا اوليفيا
شكرا على التشجيع

**Soma** · 05-09-2009, 05:52 PM

عندك حق فعلا الرسايل دى بتجيلى على طول فبريح دماغى واقفلها
والمنتجات بقى والمية مش بدقق بسبها على ربنا وزى ماتيجى تيجى
ولو فى حاجة كانت جات من زمان طول ما احنا متوكلين على ربنا خلاص مفيش مشكلة
تعرف بجد ان كل حاجة حوالينا ملوثة ولولا رحمة ربنا بينا وحمايته ماكنش فى حد عايش
ميرسى كتييييييييييييييير الموضوع عسل جداااااااااااااااااااااااااااا

**Mohamed Hashem** · 05-09-2009, 06:08 PM

شكرا سوما انتى مواضيعك أعسل ههه

**منمونه الدلوعه** · 05-09-2009, 11:53 PM

ههههههه توبيك جميل اوى

وانا بفتح الميل وبشوف الحاجات دى بقفلها مش بحاول اقراها اصلا

عشان ما الاقيش نفسى حلفت على حاجه انا معرفهاش اصلا

لا ولا يبعتو يقولو مش عارفه منى طالبه مش عارفه فين ماتت

ولا واحده معرفش ايه حلمت بايه وحوارات كده ولا حكايه الاكل والشرب

احسن حاجه نروح ننتحر عشان يرتاحو ههههههه بجد توبك لذيذ اوى تسلم ايدك