أسئلة صريحة *حزينة * جريئة * عاطفية * مؤلمة * .......؟؟؟؟؟؟؟ أدخل وشوف

[The[H]KinG]

طبعا الاسئلة للجميع الشباب والبنات
واتمني انكم تجاوبون بصراحة ولكن لكم الحرية بالامتناع عن بعض الاسئلة
ولكن ايضا يمكنك ان تجاوب بذكاء ودبلوماسية بدلا من الامتناع عن الاجابة


السؤال الاول
هل انت تفعل ما تقوله هنا في المنتدي ؟

أكيد

السؤال الثاني
اعتذار تريد ان تقدمه لمن ؟

لكل واحد زعلان منى فى المنتدى

السؤال الثالث
ما رد فعلك عندما يقول لك حبيبك : احبك نعم اتزوجك لا؟

أنا شوفت أجابات الناس اللى أشتركت فى السؤال ده بالذات ولقيت كله بيقول الوداع
لكن أنا بحب أرد الألم يعنى هلعب بيه زى ما لعب بيا

السؤال الرابع
ما ستكتب لنا لتعبر عن حياتك التي عشتها للان في كلمات قليلة ؟

عن حياتى أنا
أمممممممممممممممم
ممكن أقول أنى شفت كل حاجة فى الدنيا بحلوتها وبوحشتها

السؤال الخامس
اذا اردت ان تبكي للان فعلي من تبكي ؟

على غلطة واحدة بس عملتها فى حياتى

السؤال السادس
من ستختار ليمسح دموعك ؟

أنا
لأن مفيش حد بيمسح دموع حد أنهارده حتى ولو كان حبيب أو قريب

السؤال السابع
لو خيروك بين حبيبك واعز صديق من ستختار؟

مش عارف بصراحة

السؤال الثامن
ماذا هو تقييمك لهذا المنتدي بصراحة ؟

منتدى زى الفل بس ناقصة شوية حاجات صغيرة

السؤال التاسع
من يسكن قلبك ؟

نو كومنت

السؤال العاشر
هل تعتقد ان حظك سيئ؟

مش بؤمن بحاجة أسمها حظ

السؤال الحادي عشر
هل تدخل الشات؟

دلوقتى لا

السؤال الثاني عشر
هل هزمك حزنك في يوم من الايام ؟

مرة واحدة بس

السؤال الثالث عشر
(مستحيل انساك) لمن تقولها؟

لأمى الله يرحمها

السؤال الرابع عشر
(اللي راح راح وماتفيد كلمة ياريت ) اذا اردت ان توجه هذه الجملة لك علي ماذا تقولها؟

للأنسان اللى أعتبرته حب عمرى وطلع كداب

السؤال الخامس عشر
(انت كل شئ بحياتي ) لمن تقولها ؟

لوالدى
أممممممممممم
وكمان فى حد تانى

السؤال السادس عشر
متي أخر مرة بكيت ؟

لما ضاعت منى روحى

السؤال السابع عشر
اي الدول تتمني ان تزورها ؟

فى بلد أسمها( لاوس) فى جنوب شرق أسيا
البلد دى من أجمل بلاد العالم ومحدش يعرف عنها حاجة

السؤال الثامن عشر
هل لديك الجرأة ان تقول عمرك امامنا ؟

عاادى جدا
بس فى ناس كتير بتحسبنى كبير بس أنا عندى 19ونص

السؤال التاسع عشر
هل انت راضي عن نفسك ؟

مش كتير بس الحمد لله

السؤال العشرون
بما تقر وتعترف امامنا الان ؟





السؤال الحادي والعشرين

اغمض عينيك دقيقة لو سمحت ماذا خطر ببالك وانت مغمض ؟

صورة واحد كل مغمض عينى بتكرر معايا

السؤال الثاني والعشرين
هل تؤيد الزواج العاطفي ام الزواج التقليدي ؟ولماذا ؟

الزواج العاطفى طبعا
ولو أن مشاكلة كتير
بس بيكون الاتنين عارفين بعض أوى ويقدروا يحلوا أى مشكلة

السؤال الثالث والعشرون
ايهما اهم شهاداتك الجامعية ام الزواج ممن تحب ؟

يعنى الخطة كالاتى
أخطب وأتنا لسه بدرس
وأتجوز بعد ما اخلص على طوووووووووووووول

السؤال الرابع والعشرون
هل من الممكن ان تتحول الصداقة الي حب ؟

كتير جدا بيحصل الموضوع ده

السؤال الخامس والعشرون
هل تعترف بشئ اسمه الصداقة بين الرجل والمرأة ؟

أكيد

السؤال السادس العشرون
هل كنت السبب فغي انت تدمر حياة شخص سواء كانت عملية او عاطفية او اجتماعية ؟

برده كتير
بس دلوقتى
بقيت حاجة تانية خالص
لأنى حسيت باللى بيحصل بعد التدمير ده وعرفت أنه كارثة

السؤال السابع والعشرون
هل انت مدمن تفكير ؟

جدا
بس دلوقتى بحاول أبطل العادة دى

السؤال الثامن والعشرون
من هو اكثر شخص تفكر فيه

حاليا أنا
بس قبل كده كان فى ناس كتير بفكر فيهم

السؤال التاسع والعشرون
هل تكره شخص بشدة في حياتك؟

لالالالالالالالالالالالالالالا

السؤال الثلاثون
ما هو اقتراحك الذي تتمني ان يحدث في المنتدي والي الان لم يحدث ؟

يعنى مش عارف بيتهيئلى ممكن نقول عليه كامل بس برده ناقصة شوية أقسام

السؤال الواحد والثلاثون
هل ملابس الشخص الذي امامك تؤثر فيك لتأخذ انطباع عنه ؟؟؟

مش أوى

السؤال الثاني والثلاثون
ما الذي يشد انتباهك بسرعة في الشخص الذي يعجبك ؟

العيون
أنا بحب أسرح مع عيون الناس
لدرجة أن فى بنات بتعتيرها أنى معجب بيها ولا حاجة بس أنا بكون بفكر فى حاجة تانية خاالص

السؤال الثالث والثلاثون
حكمة تؤمن بها جدا ؟

يوجد دائماً من هو أشقى منك , فابتسم

السؤال الرابع والثلاثون
عادة تفعلها دائما وتود ان تتركها؟

التدخين

السؤال الخامس والثلاثون
ما تفعل اول شئ اذا ربحت مليون انو اتنين علشان ما نكونش طماعين ؟

حاجات كتير
أول حاجة هيكون وشك حلو عليا وهديكى منهم بس مش كتير أحسن كده مش هعرف أعمل بيهم حاجة

السؤال السادس والثلاثون
هل انت من لديهم حب التملك واذا تملك الشئ اصابه الملل منه ؟

كنت كده بس خلاص والحمد لله

السؤال السابع والثلاثون
ما رأيك في الموضوع بصراحة؟

موضوع فوق الرائع
زى كل مواضيعك
بس قلبتيى علينا المواجع
بس الانسان لازم يتكلم كده
ولازم يفتح قلبه ولو مرة كل فترة كبيرة

سوررررررري علي الاطالة
بس عجبتني الاسئلة وحبيبت احطها وياريت الاجابات تكون بصراحة


تحياتي لكم lolo

تحياتى ليكى يا lolo
وشكرا على الموضوع الجامد ده