ساعدو ني في عمل شبكة كهرباء

**محمد الفرارجي** · 05-11-2009, 01:54 AM

السلام عليكم ورحمة الله وبركاته

مطلوب مني عمل شبكة كهرباء وتوقيع نقاط الأعمدة في مدينة جديدة
بس المشكلة
البيه الاستشاري ما عندوش خرايط ولا حتى نقط احداثيات
وانا فكرت في اخد خرايط التصميم من شركة المقاولات اللي بنت المدينة بالاضافة اني هعمل كروكي ان شاء الله قبل كده عشان اخلص نفسي دلوقتي.

المشكلة بجد اني ما عنديش احداثيات ولا خرايط ومش عارف استخدم جهاز ايه؟
التوتال استيشن الشركة تشتريه في دقيقة بس المشكلة مفيش اكيوبوينت ولا باكسايت, وكمان الجي بي اس اللي متاح مش دقيق وخصوصا ان الدقة عالية "أعمدة كهرباء".

البيه الاستشاري طالب توتال وجي بي اس. والمصيبة ان سعادته ما عندوش اي معلومات ولا حتى بيانات.

فكرتي

اقترحت على مدير المشروع الخرايط بتاعة البناء ونبدأ نشوف الكود المعمول بيه هنا وبالشريط و3 شواهد ابدأ أوقع النقط خصوصا ان المسافة بين العامود والتاني 40 متر وبالتالي أحدد الاستقامة وأوقع النقط

فدلوقتي لو تقدروا تفيدوني
لو عملتها بالتوتال استيشن تكون ازاي؟
ولو عملتها بالجي بي اس"وهو الأسهل طبعا" تكون ازاي؟
ولو استعانت بجوجل ايرث تكون ازاي؟

وجزاكم الله ألف خير
أرجو سرعة الرد:confused::confused::confused::confused::confu sed::confused::confused::confused:

**AYMAN GAMAL** · 05-11-2009, 09:21 AM

بسم الله الرحمن الرحيم

اخي الكريم

انت محتاج قاعدة بيانات للموقع تمشي عليها (خرائط حديثه اوتوكاد ) و مينفعش الشغل يمشي لو كله تعديل واضافه لازم تصحح الخطا الموجود في الموقع اولا

ينفع تستخدم خرائط البناء بشرط انه يكون مضاف اليها اي تعديل طرا على الموقع او اي اضافات جديده من حرم او خوازيق جديده و خلافه و الافضل لو كانت تم اضافتها الى برنامج الاوتوكاد لتسهيل العمليه

وبالنسبه لعمل شبكه احداثيات للموقع فيمكنك ان تربط روبير المنشاة بروبير اقرب منشاة حديثه مجاورة للموقع

و بالنسبه لل N and E يمكنك استخدام شبكه احداثيات افتراضيه نقطه الاصل بها و ليكن مناسبا حسب حجم المشروع فيمكن ان تكون (1000 ,100) لمركز التقاء طرفي السور الجنوبي الغربي (الافتراضي) ايضا للمنشاه او الموقع ( و يتم اختيارة بدقه بحيث تقع كل الشبكه الاحدايه للموقع داخل الربع الموجب للاحداثي )

الخطوة التاليه انت بقى معاك دلوقتي قاعدة بيانات احداثيه بدون توقيع المباني التي تم انشاءها عليها بذلك ملزم عليك تقسيم وقتك بين رفع المباني المنشاة كلها مرة اخرى و بين مقارنتها بخرائط البناء التي لديك لمعرفه الصحيح من المعدل و من الخطا

و يمكنك بعد ذلك عمل شبكه الاحداثيات لنقاط اعمده الكهرباء بالموقع بدقه باستخدام برنامج الاوتوكاد مع اخذ الاعتبار للحرم و شروط البناء لها واستخدامك الدائم لكل بيانات حديثة او معدله على برنامج الاوتوكاد و كذلك مع مراعاة شبكه الميزانيه الموجوده بالموقع

للاهميه ايضا عليك توحيد خرائط الموقع بعد ذلك حتى تتدارك الاخطاء المستقبليه و عدم الاعتماد بعد ذلك الا على احداثيات نقطه المشروع الرئيسيه الجديده (0 ,0 ) او (100 , 100 ) حسب ظروف المشروع

شكرا جزيلا و اتمنى التوفيق واتمنى ان اكون قد افدتك ده رايي تقبل مروري

**Iraq82** · 07-05-2009, 12:43 AM

very useful information ..thanks all

**محمد الفرارجي** · 05-11-2009, 06:18 PM

يا اخي الكريم اثلجت صدري وجزاك الله كل خير
واشكر مرورك الكريم
ولكن المشكلة في عدم وجود خرايط من عدمه فما بالك بخرايط اتوكاد!

ما اقترحه
هو بعد عمل الكروكي اقوم بوضع احداثيات البداية من خلال الجوجل ايرث و الجي بي اس ويمكن وضع نقط بداية ونهاية لكل شارع او خط كهرباء وباستخدام الشريط والشواهد"لتحديد الاستقامة" اقوم بتوقيع النقاط "المعلومة الوحيدة المتاحة لدي"|40 متر لكل نقطة|.

وعموما جزاك الله الف خير وارجو التواصل

**AYMAN GAMAL** · 05-11-2009, 06:27 PM

عايز الحق

موقع بدون شبكه احداثيات ميبقاش موقع يصلح للمشاريع الكبيرة اللي بيتصرف فيها الوف الالوف و كل مجهود بذل فيه ممكن يضيع باقل خطا ممكن يحصل في الموقع و يمكن يكون تعديل الخطا فيه سبب لحصول خطا تاني اكبر

و نصيحه بلاش تستخدم خرائط الجوجل ايرث لانها خرائط ارشاديه (Guide Maps) و ذلك لعدم دقتها مساحيا

وربنا يوفقك في اللي انت مخطط تعمله

**محمد الفرارجي** · 05-11-2009, 06:33 PM

شكرا جدا ايمن باشا
بس للعلم انا في موزمبيق دلوقتي مش في مصر والمشروع مصروف عليه ملايين بالفعل بس للأسف اتفاجئت بالاستشاري مع انه برتغالي فأنا بأحاول أوجد أي بداية .
وأنا فكرت في التوتال استيشن بس للأسف ما عنديش نقط ربط زي ما قلت قبل كده ولو عملت نقط ربط جديدة احتمال كبير ما يقبلهاش لأنه عاوز احداثيات كل نقطة بالجي بي اس

وأشكر معاليك مرة تانية لحسن الرد وسرعته

**AYMAN GAMAL** · 05-11-2009, 06:51 PM

ربنا يوفقك انشاء الله

بس عايز اقولك انك ممكن تستخدم التوتال بجانب الجي بي اس فانا معتقدش انك هتستخدم الجي بي اس عشان ترمي نقط حفر مثلا

فلو ممكن تثبت نقط جي بي اس في الموقع و تربط باقي احداثيات الموقع بالتوتال هيكون اسرع في الوقت و لها دقه كبيرة كذلك

بالتوفيق مرة تانيه

**Iraq82** · 07-05-2009, 12:44 AM

how can i get a book about electric utility for gis ..please?

**دفع الله حمدان هجو** · 07-07-2009, 10:27 PM

اخي محمد الفرارجي
السلام عليكم ورحمة الله
اولا: اخي لحل المشكلة لابد من خطوات الاتية :
1-لرفع مساحي
2- معالجة بيانات الرفع المساحي
3- توقيع الاعمدة علي الموقع
كيف الكلام دي يحصل؟
عملية الرفع المساحي
بماانك ليست لديك اجداثيات في الموقع يجب عليك اولا تثبيت احداثيات افتراصية لاحدي نقطة داخل المدينة ولتكن (100و100 ) ثم اخيار نقطة اخري لاخد الانحراف عليها ليكون 00"00"00
و منهما يمكنك انشاء نقاط تحكم في جميع انحاء المدينة (عمل مضلع مغلق اذا مساحة المدينة صغيرة 5*5 كم )
ثانيا : عمل رفع مساحي كل تفاضيل المدينة من مباني وغيرها من المعالم المهمه داخل المدينة

المرحلة الثانية : معالجة هذه البيانات وتصميم الاعمدة داخل المدينه (تحديد احداثيات الاعمدة داخل المدينة علي البرنامج المعالج لبيانات سواء اتوكاد او لاند او غيرها من البرامج الاخري) تكون هذه الاحداثيات مرجعها الاساسي النقاط المفروضة

المرحلة الثالثة : توقيع احداثيات هذه الاعمدة علي الطبيعة

الطريقة صحيحة 100%

باراك الله فيك
اتمني اكون افتك