الآن...ولفتره محدوده بوسترات الغش فى الامتحانات

[Wild_Angel]

بتغش فى الامتحان؟؟؟
طب بتساعد زمايلك يعنى وتقولهم سؤال مش عارفينه؟؟؟
طيب بتراجع معاهم كده فى اخر اللجنه؟؟؟


تحب حد يقولك انت كافر بالنعمه ولا انت مش مسلم؟؟؟
اللهم صلى على سيدنا محمد صلى الله عليه وسلم وبارك على صحبه وآله اجمعين
اكيد قرأت الحديث الشريف( من غشنا فليس منّا )


الصوره لوجو لحملة لا للغش جزى الله خيرا لصاحبها

وطبعا سمعنا كلنا مثل: ذاكر تنجح غش تجيب مجموع

*فى ناس بتتكسف تحرج اللى يطلب منها إجابه فى الامتحان ( آه كتير بيحصل)
*وناس بقى تخاف حد يفضل يشتمها ويدعى عليها عشان مغششتهومش ( ويقولو ده عيل ....
وانانى عايز يجيب مجموع واحنا لأ)
*فى ناس بقى تقولك انت بجد حبيبى عشان غششتنى انا مش عارف انا من غيرك اعمل ايه

تعرف ان الناس اللى اتشتموا كان ثوابهم كبيييييييير اوى أنهم اطاعوا ربنا ورسولنا الكريم صلى الله عليه وسلم
وتعرف ان اللى عامل فيها حبيبك ده أذاك جدا وخلاك تاخد ذنوب ويكفى انك غشييييت ايوه حتى لو انت غششته تبقى انت كمان غشيت

حتقولى بس بس انتى كبرتى الموضوع ده حتة امتحان والدنيا ماشيه عادى هو نجاحى اللى حيوقف الدنيا
لا طبعا مش حيوقف بس يكفى ان ربنا يكون غضبان عليك انك نشرت هذه الكلمه القبيحه وهى الغش

التوكل على الله مع المذاكره والاجتهاد ده كفيل بأنك تنجح وتجيب اعلى الدرجات
ولكن الغش يضعك فى النار فى اسفل الدرجات

استعن بالله وكلنا حندعيلك سواء انت بنت او ولد

والله يعلم انى قبل ما ادعى لنفسى ادعو للجميع

مع تمنياتى لكم بالنجاح والتوفيق واتمنى نتشارك سويا لمنع الغش بالنقط التاليه:
1-اتمنى انكم إذا لقيتم حد بيغش تكلموه بكل ذوق وادب ولا تنفروه منكم
2-الدال على خير كفاعله : ارجو منكم ان تدلوا على قيمة النجاح دون غش بالكلمه الطيبه
وذلك حتى نقوم بتبليغ سنة النبي صلى الله عليه وسلم (بلغوا عني ولو آيه )
3-يجب ان نكون قدوه لمن حولنا بعدم اتباع الغش
4-ادعو لكل الناس بالنجاح حتى يكون لكم من هذا الدعاء النصيب الاكبر ألا وهو استجابة الدعاء ومحبة الله والرسول
5-واخيرا لا تنسوا ادعية المذاكره والامتحانات يسر الله لى ولكم المذاكره والامتحانات
وفى معلومه عايزه أضيفها أنى قرأت أحدى الفتاوى عن أدعية المذاكره والامتحانات
موجوده : هنــــــا

[Marwa Mahmoud]

ربنا يبارك فيكى يا حببتى

موضوع رائع كما عوتينا دائما

ربنا يجزيكى كل خير ويكرمك ويوفقك يا رب

[Wild_Angel]

ربنا يباركلك يا مرمر على ردك الجميل
بالتوفيق والنجاح ان شاء الله فى امتحاناتك

[esraa]

ربنا يبارك لكى و يبارك فيكى على هذه النصائح القيمة ....





و يا رب تكون منفعة لنا ... و نعمل بيها ....





اللهم اجعل السنتنا عامرة بذكرك و قلوبنا بخشيتك و اسرارنا بطاعتك انك على ما تشاء قدير .....

[Wild_Angel]

ربنا يتقبل دعاءك قادر يا كريم
سعيده جدا ب ردك و ان شاء الله بالنجاح والتوفيق يا اسراء وتسعدينا بنتيجتك

[خالد أبوسعده]

جزاكى الله كل خير يا ويلد

[Wild_Angel]

جزانا الله وإياك يا خالد
اشكرك على مرورك الطيب
وبالنجاح والتوفيق ان شاء الله

[alaa eid]

كالعادة يا وايلد موضوعاتك رااااااااائعة
تسلمي والحمد لله احنا عددنا قليل جداااااافمش بنفكر في الغش اصلا
جزاكي الله كل خير

[Wild_Angel]

ربنا يبارك فى القليل يارب ويكرمنا جميعا فى الامتحانات
سعيده جدا بردك الرقيق ده يا لولو

[Mohamed Hashem]

ايوه يا وايلد .... الله ينور
الغش هو الغش ....... اللى حيعملها دلوقتى فى أمتحان صغير بسيط .. الدنيا مش حتتأثر بيه
حيعملها بعد كده لما يشتغل .. فى حاجات ممكن تؤدى بأرواح أبرياء
حتعملها زوجه مع زوجها والعياذ بالله فى أولاده ... فى ماله ... مش لازم عرضه
حتعملها فتاة مع أسرتها
حيعملها ... حيعملها .... والأمثلة للأسف كتير بنشوفها فى حياتنا ولا سيما فى العمل حيث الصراع على الماده
أيوه يا وايلد ... برافو عليكى .... الغش هو الغش ...