مسلمة دى ولا أجنبية ؟؟؟؟؟؟؟؟!!!!!!!

**KAREEM** · 06-03-2009, 08:38 PM

من فترة كدا كنت خارج من باب حقوق

اتوزع علينا اعلان اتيليه أزياء للمحجبات
وعجبتنى فكرته أوى مسمى نفسه
( ميس مسلمة ) وواخد شعار لوجو
( صناع الحياء ) واخدين بالكوا ؟؟؟؟
أنا مش باعملوا دعاية ولا حاجة
وحتى لو بعملوا الاعلان فكرته تستاهل
خاصة انه بينشر حاجة زى دى
وبيعمل أزياء محترمة للمحجبات

المهم .....
كان حاطط فى ضهر الاعلان دا زجل
وأنا بحب الزجل جدا !!!!!!!!!!!!!
قلت أجيبه لكو وأكيد ان شاء الله هيعجبكوا

مسلمة ولا أجنبية
وأنا قاعد ساعة صبحية شفت بنت معدية وقع قلبى فى رجلية
ومن شكلها رجعت اللى فى بطنى وأغم عليا
ياترى إنسية دى ولا جنية ؟؟؟؟؟؟

شعرها كير لى وعنيها حمرا وخدودها حلة ملوخية
ولابسة ومش لابسة ومقطعة نص هدومها وبتتلوى زى الحية
وماشية تتلفت والكل قال دى بتبص عليا
ياترى مسلمة دى ولا أجنبية ؟؟؟؟؟

والناس خافت وكبت عليها حلة ميه ساحت الألوان وبانت الحاجات المستخبية
قريبت منها بحنية وبمنديلى مسحت لها الميه لقيتها بنت مصرية جميلة حلوة
كانت متغطية وعنيها سودة وخدودها وردية قلت لها ليه ؟ قالت موضة ومفروضة
عليه وأنا من جوايا رفضاها بس خايفة ميتبصش عليا !!!!!!

قلت لها دلوقتى بس حبيتك لأنى لقيتك انسية بس المهم تكونى عاقلة
وتتقى الله فى نفسك وفيا ومتغيريش خلقة ربنا سبحانه وتعالى خلقها مستوفية
دا جمالك فى روحك وأدبك وأخلاقك ونفسك الذكية
وأنت متغطية مش وأنتى متعرية ومتقلديش حد خلى عندك شخصية
وساعتها حتبقى بنت أصيلة مصرية تاخدى قلبى وعينيا
واجيب لك من العين دى زاد ومن العين دى ميه .....

ياترى لسه هتبقى أجنبية
ولا هتراجعى نفسك وتبقى إسلامية

[IMG]

[/IMG]

**esraa** · 06-03-2009, 08:44 PM

الله ينور يا كريم

و الله عندك حق ... بس المشكله دلوقتى ان البنات تقولك ان دى هى الموضه

و لكن هيهات .... بتكلم مين

بس مش معنى كده ان مفيش بنات ملتزمات ... فيه الحمد لله و ربنا يكتر من امثلهم

بس المشكله ان للاسف ان فى شباب تحب البنات اللى من النوع ده

ربنا يعافينا و يعفو عنا .......

ميرسى ليك على الموضوع ....

**Mohamed Hashem** · 06-03-2009, 09:02 PM

حلوة يا كيمو
جاااامده جدا
الموضوع مضحك بس الهدف نبيل فى الآخر
وشكرا على الموضوع

**KAREEM** · 06-03-2009, 09:50 PM

المشاركة الأصلية كتبت بواسطة esraa

الله ينور يا كريم

و الله عندك حق ... بس المشكله دلوقتى ان البنات تقولك ان دى هى الموضه

و لكن هيهات .... بتكلم مين

بس مش معنى كده ان مفيش بنات ملتزمات ... فيه الحمد لله و ربنا يكتر من امثلهم

\

بس المشكله ان للاسف ان فى شباب تحب البنات اللى من النوع ده

ربنا يعافينا و يعفو عنا .......

ميرسى ليك على الموضوع ....

جزاكى الله كل خير على
مرورك الكريم على الموضوع
وأعتز برأيك جدا كبنت
وربنا يهدى شباب فتيات المسلمين
ويردهم اليه دين الاسلام ردا جميلا

**KAREEM** · 06-03-2009, 09:52 PM

المشاركة الأصلية كتبت بواسطة Mohamed Hashem

حلوة يا كيمو
جاااامده جدا
الموضوع مضحك بس الهدف نبيل فى الآخر
وشكرا على الموضوع

شكرا لمرورك ياباش مهندس
ايه النشاط دا
ربنا يبارك لك
شرفت الموضوع
طبعا أكيد المعاملة حتتغير
مش مشرف بقى
هههههههههه:D

**Mohamed Hashem** · 06-04-2009, 01:26 AM

لا لا اوعى تقول كده .. ربنا يكفينا شر الكبر والعياذ بالله
بس دا برضه مايمنعش انك لما حتيجى لى الشركة حيبقى فى كلام تانى
ههههههههههههههه
بارك الله فبك

**abdoitthad** · 06-04-2009, 01:58 AM

الله ينور عليك يا كريم

ايه الحاجات الجامده دي ؟

**pretty angel** · 06-04-2009, 02:35 AM

بجد كلام جمييييييييييييييل جداااااا يا كريم

الله ينور

**KAREEM** · 06-04-2009, 05:04 PM

المشاركة الأصلية كتبت بواسطة abdoitthad

الله ينور عليك يا كريم

ايه الحاجات الجامده دي ؟

مفيش أجمد منك ومشكور للمتابعة

المشاركة الأصلية كتبت بواسطة pretty angel

بجد كلام جمييييييييييييييل جداااااا يا كريم

الله ينور

انتى اللى نورت الموضوع بوجودك

المشاركة الأصلية كتبت بواسطة Mohamed Hashem

لا لا اوعى تقول كده .. ربنا يكفينا شر الكبر والعياذ بالله
بس دا برضه مايمنعش انك لما حتيجى لى الشركة حيبقى فى كلام تانى
ههههههههههههههه
بارك الله فبك

على فكرة انا قصدى ان معاملتى انا اللى حتتغير
مش مشرف بقى هههههههههه !!!!!!!!!!!
حضرتك من اول مشاركة معاك فى موضوع
حسيت ان حضرتك حكيم ومحترم
ومكنتش أعرف سن حضرتك الاول
واكبر دليل على تواضعك هذارك معايا ومع أعذاء المنتدى
نورت الموضوع ياهندسة