يعنى إيه مساح بحرى؟ يعنى بيشتغل فى البحر!! 6 أجزاء

**Wild_Angel** · 06-04-2009, 06:11 PM

موضوع متميز وليس كالعاده
ففى كل مره هناك روح فى الموضوع متجدده اتمنى دوما ان نجدها
جزاك الله خيرا باشمهندس هاشم

**محمد الفرارجي** · 06-05-2009, 07:09 PM

حلوه قوي
يعني ايه مساح بحري؟
يا كبير
فكرتني بعادل امام في المشاغبين
لما كان عايز يشتغل في البحر ورد عليه حسن مصطفى وقاله
عايز تشتغل ايه في البحر
سمكه
هههههههههههههههههههههههههههه
طبعا واضح من الصورة ان المساحة البحرية طرية جدا
طبعا مصدر الطراوة من البحر عشان بحري

والله والله والله
ما فهمت المساحة البحرية بالسهولة دي قبل كده الا من حضرتك

تقبل مروري يا كبير

**sweet0hearts** · 06-03-2010, 04:23 PM

السلام عليكم
انا والله المنتدى عجبنى جدا والاكثر من هيدا شرح حضرتك لموضوع المساحة البحرية
اولا احب اقول لحضرتك جزاك الله خيرا فعلا انا مافهمتش الموضوع دة الا من شرح حضرتك جزاك الله خير الجزاء وجعلة فى ميزان حسناتك اخى الفاضل محمد
ثانيا : انا فنى مساح عادى (ارضى) وبعد ما قرءت الموضوع حبيت انى اطور نفسى او النظام الى انا كنت علية بس بصراحة انا عندى الوقت يعتبر ضيق جدا يعنى الواحد بيكون نفسة واكيد مش هلاقى وقت كافى للاعادة دراسة اى جزء خاص بمجالى
فأنا قرأت فى نفس الموضوع دة واحد بيسئل على الدورات وفى اخ فاضل من ادارة المنتدى رد علية وقال له مش شرط يأخذ دورات علشان يدخل فى مجال المساحة البحرية (فيما معنى كلام الاستاذ الفاضل ) طيب انا خبرتى ولله الحمد تقريبا اكثر من اربع سنين فى المساحة الارضية بس مش اوى فى النظرى لانى مش خريج معهد او هيئة متخصصة فأنا اعمل اية او اية الى انا ممكن ابتدى ابحث فية(كدراسة) قبل الدخول فى موضوع العمل فى المساحة البحرية لو وجت فرصة يعنى انى اشتغل فى حاجة زى كدة ؟
واسف للرغى بتاعى الكتير دة وارجو التكرم عليا بالرد جزاك الله خيرا

**أحمد صديق** · 08-03-2010, 04:28 PM

[frame="12 98"]موضوع جميل من أجمل وانا كان ليه استفسار هو تخصص المساحة البحرية ايه مراكز الدراسة بتاعته المعتمدة عشان اللي اسمعه انه مش موجود غير في الاكاديميه العربية وبعد كده عرفت ان اللي موجود في الاكاديمية هو الملاحة البحرية بس وهل المساح البحري ممكن يشتغل شغل المساح الارضي او العكس وشكرا يا باشمهندس .[/frame]

**ahmed ezat** · 10-01-2012, 02:47 AM

شكرا ليك جدا يا بشمهندس هشام وجزاك اللة كل خير ومستنين من حضرتك باقى التفاصيل

**محمد اسامه** · 10-20-2012, 03:00 PM

من فضلكوا انا اسمى محمد اسامه وانا ف سنه التخرج كليه اداب قسم جغرافيا شعبه المساحه والخرائط وانا نفسى ادرس مساحه بحريه واشتغل فيها ونفسى بجد حد يساعدنى ويقولى المفروض ادرس المجال ده فين وتكلفته ومدته وايه المفروض منى ابتدى اقرأ فيه وعموما انا حاولت احصل على المعلومات منالمنتدى هنا بسم عرفتش لان ف لينكات كتير بلاقي موضوعها محذوف فارجوا منكم مساعدتى ولكم كل الشكر والتقدير

**Mohamed Hashem** · 06-04-2009, 06:46 PM

شكرا جزيلا يا وايلد على تعليقك

مرورك اسعدنى وزاد الموضوع نور

**مصطفي القاضي** · 06-04-2009, 09:41 PM

موضوع حضرتك اكتر من رائع يا بشمهندس محمد وفعلا دة اللى حضرتك عودتنا علية
جزاك الله خيرا ومستنين من حضرتك باقي هذة السلسة القيمة اللى فعلا هتقرب كتير جدا ممن لايعمل في مجال المساحة البحرية من هذا المجال بالاضافة انها هتزود كل من يشتغل بهذا المجال بمجموعة رائعة جدا من المعلومات القيمة
فجزاك الله خير الجزاء

**Mohamed Hashem** · 06-04-2009, 09:59 PM

انت اللى رائع يا درش
تسلم لى يارب
والله محتاجين كل المتخصصين يدخلوا
ويقولوا ويكتبوا ويساعدوا كل اللى عاوز يتخصص فى المساحة البحرية
نفسى الاقى منتدانا قلعة للمعلومات المساحية
همتك معانا وبارك الله فيك

**Mohamed Hashem** · 06-05-2009, 05:28 PM

بسم الله الرحمن الرحيم

نتابع اليوم ثاني حلقات موضوعنا " يعنى إيه مساح بحرى .."

-2-

أجرت منظمة IMCA مقابلات مع العديد من العاملين بمجال استخراج النفط من البحر وتحدثت معهم عن تاريخ حياتهم المهنية وكيف انتهى بهم الحال فى هذا المجال
وسننقل لكم مقابلة تمت مع مساح بحري بدأ حياته المهنية فى هذا المجال عام 1998
وهو يحمل شهادة جامعية BSc فى المساحة وعلوم الخرائط .. هذا الحوار الشيق سينير الطريق لكثير ممن يحلمون بأن يحترفوا تلك المهنة
والمنشور الأصلي – للفائدة – ستجده فى الرابط التالي وهو ملف pdf صغير الحجم بلا كلمة حماية
http://www.2shared.com/file/6123976/...4b/IMCA-1.html

وإليك ترجمة مضمون المنشور ..

ما الذى دفعك للعمل فى المساحة البحرية؟
لقد كانت شركتي واحدة من أربع شركات أتوا إلى الجامعة التى أدرس بها حيث كنت مازلت طالبا وأجرت مقابلات مع مجموعة من الطلبة لاختيار مرشحين للتعيين بعد التخرج وقد كان..
(تعليقي الخاص: ليه الشركات اللى عندنا ما تعملش كده ليه ؟ سؤال بأطرحه للدكتور السيد الزغبى .. إيه رأيك يا أستاذنا ؟نقول لهم احنا تعالو شوفونا ؟ ولا نعرض عليهم نفسنا ؟)

ما الخبرات التى اكتسبتها منذ التحاقك بالعمل فى ذلك المجال ؟
عمليات مد خطوط أنابيب البترول البحرية
طرق قياس وتركيب الخطوط الناقلة للزيت على المنصات البحرية
عمليات المساحة الداعمة لكل من الغطس التجاري – الإنشاءات البحرية - تركيب المنصات والأرصفة البحرية
(لمزيد من المعلومات عن اللى بيقوله ده راجع مقالتنا فى مسابقة أبدع " عمليات المساحة البحرية الداعمة لصناعة استخراج البترول من البحر" )
كتابة التقارير اللازمة لتلك المهنة وإجراءات العمل
الاشتراك فى مشاريع مساحية فى المملكة المتحدة والنرويج
(والبلدين دول – مش أمريكا زى ما الناس فاهمه – هما ملوك الصناعة والبحر وإنجلترا بالذات فيها مدينة اسمها Aberdeen هي بحق عاصمة صناعة البحر فى العالم )

ماذا كانت أول مهمة لك عندما بدأت فى هذا المجال؟
بعد التدريب الأولى سافرت فى أول مهمة لي وكنت بدرجة مساعد مساح وقد اكتسبت وقتها خلفية قوية فى كل جوانب الوظيفة من جمع بيانات فى الحقل وحتى معالجتها وإنتاج خرائط. وبعد حوالي 6 شهور توليت المهام بمفردي كمساح وتدرجت بعد ذلك حتى وصلت إلى منسق عام لمشاريع المساحة البحرية وذلك بعد 5 سنوات

ما أكثر شيء أعجبك فى العمل فى البحر ؟
المتابعة للعمل الفردي والمكافأة عليه على نحو ملائم
طبيعة عمليات الغطس تحت الماء تعطى تنوع فريد للمجال

ما هي رتبتك فى وظيفتك حاليا ؟
بعد 7 سنين عمل فى شركتي الحالية أنا أشغل منصب رئيس قسم المساحة التابع لقطاع مشروعات الشركة

لماذا تنصح الآخرين باحتراف تلك المهنة " المساحة البحرية" ؟
يغلب على الفرص المتعددة لتلك المهنة طابع التحدي المثير
وبالنسبة للشخص الطموح هناك دائما فرص متوالية لشغل مناصب أعلي باستمرار

ما هي فرص السفر ؟
أغلب مشاريع المساحة البحرية بطبيعة الحال هي مشاريع دولية حول العالم لذا أتيح لي السفر أماكن كثيرة لي سبيل المثال: النرويج – الدانمرك – هولندا – الولايات المتحدة ترينيداد ماليزيا انجولا أبوظبي الإمارات والمملكة المتحدة بالطبع
وطبيعة الأسفار تتيح لنا بعض الوقت المستقطع خارج المأمورية والذي قضيته فى رحلات جميلة لبلا أخرى مثل فرنسا والأرجنتين على سبيل الترويح

ما هي أكثر الأمور التى لا تنسي حول مهنتك والتى تحضر ذهنك الآن ؟
هناك موقفين يحضرانني الآن الأول عندما كنت مساح وكنا نمد خط بترول عبر مضيق بحري ضيق أمام سواحل ترينيداد حيث كان المشروع ملئ بالتحديات الصعبة مما سمح لي بتعلم أشياء كثيرة
الموقف الثاني وهو مختلف عن الأول حيث كنت عضو فى فريق مكون من اثنان ومهمتنا كانت توجيه ثلاث سفن قطر تقطر أحد المنشآت تحت التجهيز فى طريقها لموقع تركيبها . العمل كان ملئ بالتحدي وكواحد من فريق مكون من اثنان فقط كان لزاما على العمل منفردا والتفاعل بشكل مناسب أيضا مع مندوب العميل ومدير المشروع
(مندوب العميل أهم شخصية فى المشروع توقيعه على التقارير يتحول لفواتير وأموال تعود لشركتك)

نرجو أن تكونوا قد إستمتعتم وإستفدتم بهذا الحوار والحلقة القادمة I want to be a Surveyor
كونوا معنا ...