المبادئ العامة للرزالة

[KAREEM]

ممكن ناخد وندي مع بعض في الموضوع ده؟
طب مين فيكوا الرزل؟
طب مين شايف التاني رزل؟

انا كنت بأقول إن الرزالة بكام حاجة كده:
الأولى :
شوف إللي قدامك بيتضايق من إيه وإعمله.
التانية:
ممكن يبين إنه مش متضايق بس هوه مخنوق وبيداري زودها عليه.
التالته:
انتقده لمجرد الانتقاد. يعني من قبيل التقليل من شأنه عشان يكره نفسه "بالقطع لازم يكون بيكرهك".
الرابعة:
لما يسألك جاوب عليه بسؤال مش ترد عليه بجواب.
الخامسة:
لما تلاقيه متضايق إسأل متضايق ليه ولما تعرف هرج على السبب إللي متضايق منه "خصوصا لو كان سبب من وجهة نظره كبير".
السادسة:
لما تلاقيه فرحان إهمله وما تبينلوش إنك مهتم لفرحه.
السابعة:
جامله وودي له هدايا على قد إمكانياتك وإوعى تبخل عليه "بس وقت الضرورة ذله بيها".
الثامنة:
لما يحاول يستشهد بيك قدام حد في موقف كان بينكوا ما تطلعهوش معاه الحق.

طيب دول اللي عندي حد تاني عنده مبادئ للرزالة

مقولة عن سيدنا عمر
عرف الكفر لا للكفر أعرفه ولكن عرفته كي لا أقع فيه
حبيت أقول مواصفات الرزالة لأنها سلوك منفر وبغيض
وعن رسول الله صلى الله عليه وسلم "اقربكم مني مجلساً يوم القيامة أحاسنكم أخلاقاً أو كما قال صلى الله عليه وسلم".

موضوع مهم جدا ياباشمهندس
أحييك عليه بصراحة

وأكتر حاة فعلا ممكن تخليك تكره الواحد بالنسبة لى التالتة
يعنى مثلا بيبقى فى شخصيات بتحب تطلع الحاجة الحوة اللى جوه البنىءادم
وتحبه عشانها
وفى ناش متهداش الا اما تطلع عيب فى اللى أودامها
وتنتقد كل تصرفاته أودامه أو وراه أوادم الناس او من وراهم
ودى من الحاجات اللى تخلى الواحد يتضايق جدا طبعا

واحب أقولك جزاك الله خير على فتحك للموضوع الرزل دا :D
لا طبعا زى مقلت لك موضوع جميل ومميز انك قتحته
جزاك اللله كل خير