من قائد الطائره؟ ضيف حلقة اليوم الكابتن

**KAREEM** · 11-03-2009, 08:07 PM

المشاركة الأصلية كتبت بواسطة خالد أبوسعده

مساء الخير يا جماعه

اولا اسلوب الحوار بين حسن و يوسف مش حناقه
دا الطبيعى بتاعهم

تانى حاجة

مفتكرش ان فى مره من المرات الى الناس كانت بتتبدل فى الموضوع دا مكنش الاسم بيتغير

كل مره كان بيتغير فى معاده مهما طال الى موجود فى الموضوع زى ما احمد قعدله مده مش 5 ايام بس يا حسن

محدش قعد ال 5 ايام من اول ما ابتدت اللعبه لحد دلوقتى

اى حد معرض انه يتحط فى ظروف و ميقدرش يبقى متواجد ال 24 ساعه

و افتكر ان كلمه الاداره ان ساعه فى اليوم تكفى لاداء مهام الاشراف

بس ماعلينا من كل دا

ياريت يا كريم لما تخلص رحلتك تبعت رساله لصاحب الرحله الى جايه و رساله لمشرف القسم

وقتها لما متتغريش ليكوا حق الكلام غير كدا لا

اوكى ؟؟؟

تمام يا افندم
وان شاء الله
مكانك محجوز معانا
ومتنساش تجيب لنا
السندوتشات معاك
:1::1::1::1:

**Heba Bebo** · 11-03-2009, 09:56 PM

انطلق يا كريم

ايه ده كل ده
:euro:
عشان الدنيا ساقعة تعملوا ف الرجل كده
:box:
يلا يا كريم

:11rob:

**KAREEM** · 11-04-2009, 12:14 AM

ياجماعة
احنا خلاص طالعين الرحلة دلوقتى
وانا متدبس فى الموضوع بصراحة:box:
وربنا يستر ويعدى الرحلة دى على خير

وياريت نسمع التعليمات دى كويس :euro:

رحلتنا طبعا زى ما احنا عارفين
هتكون لمدينة الاسكندرية
رحلتنا هتكون ترفيهية بنسبة
كبيرة يعنى المعلومات الثقافية
والكلام دا هيكون قليل
الا اننا هنميل لذكر اماكن
فى اسكندرية كتير مننا
ميعرفهاش او مرحهاش او راحها
وهيشوفها معانا هنا بطريقة جديدة
:):):):):):)
ان شاء الله
** الرحلة هتكون على 5 أيام
- اليوم الاول : هنروح المنتزة
ومش هقول على باقى الايام
هنروح فين عشان تبقى مفاجأة
:donatello::donatello::donatello:
بس احنا هناخد اسكندرية من المنتزة
وانت جاى ومرضيتش اروح ابوقير
عشان الجو زى ما انتوا شايفين
:dots::dots::dots::dots::dots:

بسم الله الرحمن الرحيم

نبدأ على بركة الله ..............

دلوقتى احنا حنعتبر ننفسنا جايين زيارة
للمدينة ( الاسكندرية ) عن طريق البحر وقربنا ع الشط اهو

شايفين الجو حلو ازاى !!!!!!!

:11vil:

طبعا حنط من ع السور
لاننا مش حنقطع تذاكر
لان مفيش ولا مليييم
حضراتكو دفعتوه فى الرحلة دى
هفضل اعايركو كتير كدا هههه

بصوا حنفضل ماشيين الشارع دا طوالى

احدى الطرق المؤدية الى حدائق المنتزة

لغاية منوصل لمكان رايق
بعيدا عن الزحمة دى
وبعيد عن اللى بالى بالكوا

وصلــــــــــــــــــــــــــــنا هيييييييييييييييييييه
هيصوا يا ولاد
هيصوا يابنات
شوية جدا بقى

حدائق المنتزة

حدائق المنتزه الملكية هي عبارة عن مجموعة من الحدائق المسيجة و مساحتها 370 فدان في حي المنتزه شرق مدينة الأسكندرية في مصر و تطل علي خليج عرف باسم خليج المنتزه و كانت ملكا للأسرة العلوية المالكة السابقة في مصر و يوجد بها 5 شواطئ للسباحة بينها شاطئان خاصان إضافة الي قصر المنتزه الملكي الرئيسي المبني علي الطراز الفلورنسي الايطالي و أيضا قصر السلاملك الذي تحول الي فندق فاخر ( السلاملك بالاس ) إضافة الي كازينو عوتتميز حدائق المنتزه بأشجارها العتيقة و أحوض زهور نادرة حيث يتم العناية بمجموعات النباتات و الأزهار المنتشرة في الحدائق .

ايدا !!!!!!!!! ايدا !!!!!!!!!!!
مش دا كوبرى المنتزة ؟؟؟؟؟؟؟؟

ااااااااااااااه هو الله الله الله الله
دا ولا كوبرى الجامعة اللى عندنا :1::1:

و قد أقيمت هذه الحدائق منذ أكثر من مائة عام حيث أمر الخديوي عباس حلمي الثاني ببنائها في منطقة كانت مهجورة و منعزلة آنذاك .
يوجد داخل حدائق المنتزه منشأت سياحية أنشئت بعد الثورة المصرية لخدمة رواد الحدائق من العامة و منها مطاعم و مركز سياحي متكامل و ملاعب و شاليهات .
تطل حدائق المنتزه علي خمس شواطئ هي عايدة كليوبترا فينيسيا و سميراميس إضافة الي شاطئ خاص بفندق علنان فلسطين و الذي يحوي مركزا للألعاب المائية و الغوص .
قصر المنتزه

قصر المنتزه

شايفين النضااااااااافة !!!!!!!

قصر المنتزه هو أحد القصور الملكية بمصر. بناه الخديوي عباس حلمي الثاني عام 1892 م. بمدينة الإسكندرية.
يقع القصر داخل حدائق تعرف باسمه " حدائق المنتزه " .

من ويكيبيديا، الموسوعة الحرة

ودا بقى فندق فلسطين

وطبعا مش هنبات فيه
مش لأن معانا بنات وبس
لا دا عشان الليلة فيه
بالشىء الفلانى
ومحدش فيكوا دافع ملييييم
كل دا بدعم من الرابطة والمنتدى
:dots::dots::dots::dots::dots:

دللوقتى كل واحد يطلع على سريره
يناااااااااااااااااااااااااام ويديها الحناااااااان
لغاة بكرة الصبح عشان فى مفاجأة
وعندنا كل يوم مفاجأة
وواعدكوا ان بكرة نروح على
مكان احلى من النهاردة
كماااااااااااان وكماااااااااااااان

مع المنتزة سيفووووووووووو
مش هتقدر تغمض عينيك
ولا تفرد رجليييييييييييييك

**AHMED FTIHA** · 11-04-2009, 12:38 AM

ايه ياكيمو الرحله الجميله دى ان شاء الله متابعين معاك باقى الرحله
بس حتبيتنا فى فندق فاسطين على حسابك بقى مش احنا طالعين معاك
امممممممممممم على العموم لو غالى انا ممكن اقبل بكابينه ع البحر كام يوم كدة

**Marwa Mahmoud** · 11-04-2009, 09:12 AM

رحلة جميله جداا يا كريم الله ينور عليك

ومتابعين معاك باقى الرحلة ان شاء الله

**KAREEM** · 11-05-2009, 01:32 AM

النهاردة ان شاء الله
بعد رحلة المنتزة
الممتعة ويارب
يكون اليوم امبارح
عجبكم هنطلع
على مكان جديد
ومش جديد فى
نفس ذات الوقت
ازاااااااااااااى ؟؟؟؟؟
مكان كلنا رحناه
من صغرنا كتييييير
ويكمن فينا اللى راحه قريب
بس معظمنا مراحهوش بقى له
كتير اوى واكيد اشتاق له
لانه بيفكرنا بايام الطفولة جدا
مش هطول عليكوا
احنا راحييييييييين
ان شاء الله النهاردة
حدييييييييقة الحيوااااااااان

ودى نبذة بسيطة عنها

حديقة حيوانات النزهة أو جنينة حيوانات النزهة هي ثاني أكبر حديقة للحيوان في مصر بعد حديقة حيوانات الجيزة . تقع بحي النزهة في مدينة الأسكندرية قرب حدائق أنطونيادس و حي سموحة . رغم احتواء الحديقة على عدد من الحيوانات المهددة بالانقراض، إلا أنها لاتقدم إرشادات ومعلومات وافية عن الحيوانات الموجودة بها. كما أن رسوم الدخول للحديقة رخيصة للغاية.

من ويكيبيديا، الموسوعة الحرة

بقولكوا ايه انا قطعت التذاكر
وطلعت غالية جدا بس فداكو
الله يرحم ايام ما كانت بربع
جنيه حتى الكاميرا دى
دفعت لها 5 جنيه ع البوابة !!!!:donatello:

يلا بقى ناخد جولة كدا فى الحديقة
ونرجع لاياااااااااااام الطفووووووولة

طبعا اول حاجة حنروحها
بيييييييت الاسد
بس يارب نلاقيه موجود :1:

ايدا من اولها كدا نايمين
طب نجيلكوا وقت تانى
معلششششششش
:euro::euro::euro:

ايدا اومال فين جووووزك ؟؟؟؟:cc_confused::cc_confused:11

تايتنك يا خواتى !!!!:embaressed_smile::embaressed_smile:

حاسب ديلك
استغفر الله العظيم
حتى فى الاسدة
فى معاكسات :1::1:

يلا بينا من المكان دا
احنا نروح نشوف الزرافة

مش عارف حاسس انك طويلة وهبلة !!!! :(

دى قربت تنقرش من عندنا
على فكرة ياجماعة
دى اخر واحدة كانوا
لسه جايبنها من 3 سنين
وعندها 5 سنين
دلوقتى كبرت اهى
ماشاء الله :euro:

ايدا ايدا
بصوا السرب دا
من الحميييير
الوحشية :donatello:

طبعا كلكوا مستنين
للمكان المفضل لينا كلنا
من صغرنا عشان بنضحك فيه
احنا وصلنا اهووووووووو

محدش يدقق عشان النهاردة الفلانتين
وكل حااااااجة حمررااااااااا ههههه:1::1:

محدش معاه موز ولا سودانى
نحدفهوووولوووووووو ؟؟؟؟!!!!!

وبكدا تكون جولتنا
فى الحديقة انتهت
ودلوقتى فقرة حرة
الشباب اللى عايز يلعب كورة
البنات اللى عايزة تلعب منديل
اللى عايز يتغدى واللى عايز يشرب

اشوفكوا بكرة على خير
تصبحوا على خير

**Marwa Mahmoud** · 11-05-2009, 10:48 AM

هههههههههههههههههههههه

حلوة رحلة عالم الحيوان دى

بس بجد مجهود رئع بشكرك جدا يا كريم

ومعاك لأخر الرحلة أن شاء الله

دة لو مح صلش حاجة ومعطلناش فى السكة