نصائح خـــــــــاصة للمــــــخطوبات

**zoro313** · 10-07-2008, 12:38 AM

آنستي العزيزة .. لو ربنا فك عقدتك .. واتخطبتي

فإليك نصائحي حتى تأخذي بخطيبك من مركب الخطوبة على إيه إلى مثوااااه الأخير في قفص النسانيس.. قصدي قفص الزوجية السعيد

أجمل ما في الخطوبة العزومات الرومانسية

على أحلى محلات أكل ف البلد.. واللي عمرك مانتي شايفاها بعد الجواز

نصائحي لك عند أي عزومة مع خطيبك .. تبقى رقَّيقه

الأول لازم تعرفي إن الشوكة والسكينة بيتمسكوا من إيديهم من الطرف
يعني مش م الوسط ولا م البوز زي الخنجر ولا من فوق طبعًااا

اولا .. الـعـيـش

أوعي تفضحينا وتقطعيه بسنانك

ولا الرغيف نصين بأيدك وكل نص لقمة وتحشري
أوعي.. العيش بيتقطع بالسكينة ف الطبق
وبعدين تاخدي لقمة.. لقمة.. بالعافية.. قال يعني نفسك مسدودة

اضغطي على أعصابك جدااا وبعدين لما تروَّحي
إبقي اهجمى على الاكل زي مانتِى عايزه

الـشـوربـة

أبوس كعب رجلك بند الشوربة ده مهم جدًاااا
الشوربة تتشرب من غير صوت خالص

ومن غير ماتقعدي تنفخي فيها.. زي القهوجي اللي بينفخ ف الحجر للزبون
وطبعًاااااا عايزك تنسى تمامًا السلطانية اللي بتحطيها على بقك ف البيت وتوقعي الشوربة على روحك

بالمعلقه وبدون صوت.. سخنة ولعة برضه بدون صوت .. وتسيبي تلت الطبق ع الأقل.. مش تلهطيها لآخر نقطة

الارز ... الرز يعنى

طبعاً .. بيتاكل بالشوكة
و أوعي إيدك تتمد ع المعلقة وتغرفي من طبق الرز وتعبي
الرز بالشوكة.. وكأنك بتبوسيه مش بتاكليه

المكرونة

برضه بالشوكة.. تتلف على طرف الشوكة.. لحد ما تخلص وبعدين تكلى من سكات .. مش تشفطي المكرونة عود عود

السمك

مشكلة انا عارف

شوفي بتفصلي اللحم عن الشوك.. إزاي..؟؟
تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة لا شيلي السلسلة بالشوكة والسكينة وحطيها ف جنب الطبق وكملي أكل النص التاني

وبدل الفيلم الهندي ده.. نصيحة.. ماتكليش السمك خالص

قولي مابحبش السمك وخلصي نفسك ولما تتجوزى ابقى كلى السمك زى منتى عايزة ان شاللة تكلى جوزك معاة

الـجـمـبـري
إذا كنتي عارفاه

أول ماطبق الجمبري ينزل بصيله بقرف واحتقار شديدين آل يعني زهقانة من كتر أكل الجمبري فى بيت بابا وأتنهدي جامد وقولي .. برضه..؟؟؟

وتروحي قاطعة راس الجمبريياية بالشوكة
أنا فى عرضك إنسي المصمصة دلوقت

الـبطـاطـس

سواء مسلوقة أو محمرة

أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي

الـفـاكـهة

لو الفاكهة فيها بذر طلعيه من بؤك بالراحة وحطيه ف إيدك وهي مقفولة وبعدين ف طفاية السجاير اللي ع الترابيزه.. أوعي ياحبيبتي من نظام
التفتفة للبذر .. إنسي

ولما تخلصي أكل تحطي إيدك على بطنك

اللي عصافيرها بتصوصو من العينات اللي كلتيها وتقولي له

مش ممكن أنا عمري ما اتفجعت كدة .. أنا أودامي أسبوع هابطل أكل فيه

وبعدين تمسكي الفوطة اللي دايمًا موجودة ع التربيزة من غير لازمة وتبوسيها
آل يعني بتمسحي بؤك

وبعدين تستأذني منه لدخول التوليت لإصلاح ماكياجك

وتخشي التواليت وتطلعي من شنطة إيديك
لفة الفول والطعمية اللي جايباها معاكي

وبالهنا والشفااااااااااااا

محمد حليم

ممنوع دخول مشرفه القسم

ههههههههههههههه

منقوووووووووووول

**samomran** · 10-07-2008, 12:49 AM

الله حليـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــم للابد

و الله انت ما تتصور فرحتى قد ايه فى الصنف اللى اسمه بنات ده و انا مستنى رانيا لما اشوف ردها ايه

**zoro313** · 10-07-2008, 12:53 AM

الله يخرب بيتك انت كده هتخليها تنتقم منى اقوى متردش تانى
ههههههههههههههه

**samomran** · 10-07-2008, 01:00 AM

عيييييييييييييييييييييب هو حد يقدر يلمسك و انا هنا بس بجد يا رانيا لو ماردتيش عليه بقسوه حزعل منك اوى

**shimo** · 10-07-2008, 01:05 AM

المشاركة الأصلية كتبت بواسطة samomran

الله حليـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــم للابد
و الله انت ما تتصور فرحتى قد ايه فى الصنف اللى اسمه بنات ده و انا مستنى رانيا لما اشوف ردها ايه

صنف ؟!!!!!!!!!!!!!!!!!!!!!!!!!!

نو كومينت

**Rania Ismail** · 10-07-2008, 08:39 AM

اممممممممممممممممممممممممممممممممممممممممممممممم بالنسبه للموضوع ده اللى انتو مستنين ردى عليه احب اقولكم
ان الولاد فى فتره الخطوبه بيعملو حنينين والرومانسيه وهما كمان بيعملو ولاد ناس لما بيخرجو بره مش بيبانو على حقيقتهم بدل ما كانو بياكلو بال 20 سندوتش بيطلبو 2 ال يعنى حيشبعو
وحاجه كمان والنبى بلاش الاغانى الله يخليكو علشان الكلام ده مش بياكل معانا احنا بنعديه بمزاجنا على فكره
ده انتو انيل من اى بنت مخطوبه ويا سلام فى فتره الخطوبه يقولها ده انا بناااااااااااااااااااام هادى خالص ومش بعمل اى صوت
والمفجاه الكبر بعد الجواز والصدمات تبتدى تلاقيه بيشخر وهو نايم ويا لهوى لو بينام وهو بيرفص ولا اجدعها حصان بلدى فى الشارع
يا بنى انتم حقيقتكم اسوا مننا بكتير
ومشكور على الموضع وادى الرد اللى انتو مستنينو

**samomran** · 10-07-2008, 12:35 PM

بصى يا رانيا انتى عارفه كويس ان بلاوى البنات اكتر مننا مش الواحد يبقى جاى من شغله تعبان و مهدود و يلاقى واحده شعرها واقف
و ريحتها بصل من ساسها لراسها و لابسه جلباب مقطع و عيشتها كلها فى المطبح و يسترجع الذكريات الى ان كان خاطب واحده برنسيسه و طلعت فى الاخر تربيه الباطنيه يا شيخه دول البنات دول قضاء الله فى الرجال

**zoro313** · 10-08-2008, 12:19 AM

على فكره ا رانيا انا معرفش الشخص الى اسمه ايلام ده
علشان شكله كده بهدى النفوس

**Rania Ismail** · 10-08-2008, 01:58 AM

المشاركة الأصلية كتبت بواسطة zoro313

على فكره ا رانيا انا معرفش الشخص الى اسمه ايلام ده
علشان شكله كده بهدى النفوس

دلوقتى متعرفهوش يا حليم بس بردو انا عند راى حضحى بيك وحتتضرب يعنى حنضرب

**Rania Ismail** · 10-08-2008, 01:59 AM

المشاركة الأصلية كتبت بواسطة samomran

بصى يا رانيا انتى عارفه كويس ان بلاوى البنات اكتر مننا مش الواحد يبقى جاى من شغله تعبان و مهدود و يلاقى واحده شعرها واقف
و ريحتها بصل من ساسها لراسها و لابسه جلباب مقطع و عيشتها كلها فى المطبح و يسترجع الذكريات الى ان كان خاطب واحده برنسيسه و طلعت فى الاخر تربيه الباطنيه يا شيخه دول البنات دول قضاء الله فى الرجال

اما بالنسبه للرد على كلامك ان بتكون ريحتها بصل علشان بتعبر واحد زيك وبتعمله الاكل وبتعبره وبتسال فيه والكلام بتاع الجلباب المقطع الكلام ده فى التليفزيون بس والشعر الواقف ايه اساسا شعرها خشن مش ذنبها ديه ارادة ربنا ومحدش يقدر يعترض

الموضوع: نصائح خـــــــــاصة للمــــــخطوبات

أدوات الموضوع

عرض

نصائح خـــــــــاصة للمــــــخطوبات

الكلمات الدلالية لهذا الموضوع

المفضلات

المفضلات

ضوابط المشاركة