إيــــــه بقى معنى أن مشرف القسم الاسلامى يكتبلى ((مرفق فتـوى فى رد المشـــرف ؟!! ))

[Wild_Angel]

دخلت القسم الاسلامى وجيت أتابع موضوع أنا كتبته لقيت المشرف غيّرلى العنوان وكاتبلى : مرفق فتوى فى رد المشرف

ده غير أنه ممكن يحذفلى موضوعى لو شايف أن فى فتوى ضد الموضوع ده؟!!
ده كلام بعض الاعضاء اللى ممكن يتدايقوا من وضعنا للفتاوى فى المواضيع
بس أنا حبيت مخليش حد يفضل زعلان Absolutely:)

بصوا يا جماعه أولا أحنا متفقين فى موضوع قوانين المنتدى والموجود فى قسم الدين والحياه على النقطه دى:

12- نتمنى من اعضاءنا الكرام اتساع صدورهم لاى اضافه سواء من المشرفين او الاعضاء بخصوص اى فتوى تضاف لموضوعاتهم
حتى تتضح الصوره الصحيحه لاسلامنا ولما يخص ديننا الحنيف
وده رابط موضوع القوانين: http://www.mesa7a.com/forum/showthread.php?t=6621

فنحن كفريق أشراف بنعمل كده خوفا لوجود مواضيع تعتبر لا أصل لها فى الدين
وأتمنى بجد محدش يزعل وكمان بلاش الاعتراضات على الفتاوى أحنا حقيقى بندور على المواقع الهامه جدا ونحس أنها مسئوله عن الفتوى دى لانها لشيوخ أفاضل

وربنا يعيننا ويعينكم

ونتمنى دوما أن تضيفوا كل جديد ومفيد
لأن القسم لن يكتمل تقدمه إلا بكم

جزاكم الله خيراً

[AYMAN GAMAL]

شكرا جزيلا يا وايلد

فعلا العمل في القسم الاسلامي محتاج لمجهود كبير جدا

و الفتوى مبتكنش فتوى الا لو اقتبست من الكتاب و السنة و القياس

جزاكم الله كل خير و اعانكم في خير مبتغاكم

[AHMED FTIHA]

عندك حق طبعا لان دورك كمشرفة للقسم الاسلامى دى مسؤلية كبيرة
والدين الاسلامى لم يترك اى شيء صغير او كبير الا وناشه سواء فى القران او السنة
ومع مرور الزمن اتسعت دائرة الحوار و القضاياالمتعلقة بمختلف المجالات وكلها فى النهايه مهما تشعبت متعلقة بمصدرها وهو الكتاب والسنة
ولازم عند مناقشة اى قضية نرجع للمصدر المتمثل فى الفتاوى المعتمدة على الكتاب و السنة

[alaa eid]

عندك حق يا وايلد وحلو جدااااااا ارفاق الفتوي مع المواضيع التي تحتاج للفتوي
جزاكم الله كل خير

[eslam mamdouh]

بدايه ادعو الله ان يوفقكم ويعينكم على المسئوليه الصعبه فى الكتابه والاشراف فى القسم الاسلامى الذى يعتبر قسم حساس جدا فى كل موضوع يكتب فيه.............لان اى موضوع فيه اما ان يضاف الى ميزان حسناتك او يكون مشكله كبرى ان تكون الفتاوى والمعلومات الدينيه مشوبه بقدر ولو قليل من الخطا


وفعلا كما حضرتك قولتى............مسئوليه كبرى الاشراف على القسم الاسلامى بكل معنى الاشراف من متابعه مواضيع وتصيحيها والتدقيق فى كل ما جاء بها والتحقق من مدى صحه المزكور فى تلك المواضيع والسند الموجود فيها


وبجد اتمنى من اى عضو قبل ما يشارك باى موضوع ( ان يتاكد من صحه معلوماته الموجوده فى الموضوع ) ولو لا قدر الله وضعها وبها اى معلومه خطا ميزعلش لو اتحزف الموضوع

لان حزف الموضوع اهون بكتير من الذنب الكبير الذى يجنيه على نفسه لو وضع اى معلومه خطا لا قدر الله بدون قصد


شكرا جدا لحضرتك

وجزاكى الله كل خير

[Wild_Angel]

جزاك الله خيراً يا أيمن على مرورك الكريم ودعواتك لنا ربنا يتقبل منك

جزاك الله خيراً يا أحمد لمرورك وعلى إضافتك الجاده

بارك الله فيكِ وجزاكِ الله خيرا يا لولو على مشاركتك وبشكرك لتفهمك دوماً لنا فى وضع الفتاوى إذا خصت أى موضوع لكِ

جزاك الله خيراً يا أسلام حقيقى ردك وضح كتير من الحاجات اللى كانت لازم تتوضح وخصوصا النقطه الاخيره:
وبجد اتمنى من اى عضو قبل ما يشارك باى موضوع ( ان يتاكد من صحه معلوماته الموجوده فى الموضوع ) ولو لا قدر الله وضعها وبها اى معلومه خطا ميزعلش لو اتحذف الموضوع

لان حذف الموضوع اهون بكتير من الذنب الكبير الذى يجنيه على نفسه لو وضع اى معلومه خطا لا قدر الله بدون قصد

أسعدنى مروركم وعايزه أضيف حاجه أن بجد المشرفه العام/ محبة الرحمن هى أول حد أهتم بتصحيح المواضيع ووجود الفتاوى التى تخصها وبشكر المشرفه ندا محمد على متابعتها المستمره للموضوعات

[GehaD .R.M]

جزاكى الله خيرا
وطبعا انتى معاكى حق فى هذا الموضوع لان الفتاوى والمواضيع الاسلا مية تحتاج لعالم
ولا تكون الا عن علم مؤكد بعلوم الفقه والشريعة وارجو من كل عضو قبل اضافة اى موضوع فى القسم الاسلامى ان يكون متاكد من اى فتاوى فى هذا الموضوع
لان الرسول صلى الله عليه وسلم قال "من قال لا اعلم فقد افتى "
والفتوى الخاطئة تكسب صاحبها الذنوب وليس ذنوب الفتوى فقط بل ذنوب كل من عمل بها عن جهل
واخيرا اريد ان اشكر مشرفى القسم الاسلامى على الجهد الذى يحملوه على عاتقهم
واسال الله ان يجعله في ميزان حسناتكم

[Wild_Angel]

جزاكِ الله خيراً يا جهاد
وانا سعيده جدا بمشاركتك ربنا فيكِ
وان شاء الله دائما نكون عند حسن ظنكم

[Wild_Angel]

أتمنى ان الموضوع يكون أفاد الجميع ويكون وضح سبب وضع الفتاوى
وجزاكم الله خيراً

[Mimi]

كلام صحيح جدآ ياوايلد وعندك كامل الحق فيه بصراحة

احنا ممكن نفتي في اي حاجة الا الجانب الاسلامي او الامور الدينية لان الفتوى العشوائية فيه بتمثل جريمة وكارثة

ودلوقتي على الشبكة العنكبوتية ياما في مواقع ومصادر وهمية لمثل هذه الامور والظاهر بتاعها غير الباطن وهي في الاصل غرضها تشتيت عقل المسلم وتشويه صورة دينه

فالغلط دا ممكن يقع فيه اي حد فينا وانتو كمشرفين ومسؤولين على القسم عليكم مسؤولية كبيرة جدآ للتدقيق في هذه المواضيع لان الامور الدينية حساسة اكتر من اي امور تانية ممكن نستهتر فيها

وربنا بجد يجازيكم خير على كل حرف بتراجعوه في المواضيع دي وبتصححو عليه بجد ربنا يكرمكم الجنة وخير الجزاء يااااااااارب