ادخل واعرف لعبتنا الحلوة.........

[الورده البيضاء]

اللعبة دى خطرت فى بالى دلوقتى حالا
وفكرتها عبارة عن ان كل عضو هيدخل يقولنا على جريمة عملها وهو صغير وميقدرش ينساها
بمعنى مثلا حطيت لوالدك ملح بدل السكر من ورا والدتك فى الشاى
كنت جايب انت واخوك شنطتين شبة بعض قومت مبدل الشنط سوا
يعنى تقولنا على مقلب انت عملتة فى طفولتك ومفيش حد يقول لا مش فاكر او مفيش
من المعروف ان حياة الاطفال كلها جرايم

وكل جريمة وانتم طيبين
وعايزين نشوف مين اشقى واحد فى المنتدى
اتمنى انها تنول اعجابكم

[Horiaa Swedan]

هههههههههههههههههههههه

لعبه حلوه جدا

انا جريمه كبيره شويتين يعنى الملح فى الشاى دى صغيره على اللى انا بعمله

انا بقى فى مره كان فى نمل كتير فى اودتى ولما ماما شالت الدولاب بتاع الهدوم اكتشفتح حديقه السندوتشات اللى انا كنت عملها

مكنتش بحب اكل سندوتشات المدرسه فكنت كل يوم ارميها ورى الدولاب ههههههههههههههه

طبعا يومين حبس فى البيت وعلقه محترمه وتتميم كل يوم على السندوتشات والدولاب

[الورده البيضاء]

ههههههههههههههههههههههههههههههههههههههههه
جريمة لطيفة جدا ياريمو
بس اكيد فى الاجريم ولا ايييييييية؟:)

[ALY ELSAYED]

هههههههههههههه

بجد الموضوع جميل يا امل

وانا مش حقول جريمتي قبل مسمع جرمتك الاول

المفروض تكوني انتي البدايه

جزاكي الله كل خير

[الورده البيضاء]

ههههههههههههههههههههههههههههههههه
بقا كدةياعلى؟
اية التدبيسة دى
ماشى ياسيدى
هقول
انا وصغيرة كنت باطلع فوق دولاب الهدوم بتاعنا وانط من فوق الدولاب عالسرير
هههههههههه
وبعدها عالارض
والدولاب كان عالى جدا طبعا بالنسبة لطفلة 7 سنين بس كنت باطلع عالسلم
وفى مرة ماما شافتنى ومن خوفى انا وبنط عملت نفسى وقعت عالارض بدل السرير
ههههههههههههههه
وقعدت اعيط وعملت نفسى رجلى وجعتنى عشان ماما متكلمنيش بس على مين بقا
هههههههههههههههههه
اخدت حتة علقة مقدرش انساها ابدااااااااااااااااااااااااااااااااا
ومرة تانى كنت باشيل اختى الصغيرة كانت لسة يادوب شهر وانط من عالسرير انط بيها انا مرة واخويا هشام مرة
وفى دور هشام جهاد وقعت ورجلها اتكسرت
واخويا اللى اخد العلقة وانا بقيت الطيب البرىء
هههههههههههههههههههههههه

[Horiaa Swedan]

هههههههههههههههههههههههههههه

ايه الشر ده كسرتوا رجل البيبى هههههههههههههه

[white_heart]

حلوة اوى اللعبة دى

بس انا كنت بريئة وهادية وانا صغيرة وحتى لما كبرت العقل كلة :eek::eek:



مثلا مرة صاحبتى قالتلى ان اخوها لسة متجوز وعاوزة تزورة ومش عارفة تجيب لة هدية معينة


قمت قولتلها سيبهالى دى


جبت كرتونتين بيض فاضيين وحطيت بينهم 3 بيضات بس وقومت لفيتهم بورق جرايد وبعدين بورق هدايا وفى علبة هدايا اغلى من الهدية نفسها روحت حطاهم وقولتلها توكلى على اللة وعنيكم ما تشوف الا النور




طبعا اخوها زعل منها ومراتة قالتلها هو انتى ضيفة علشان تجيبى هدايا واللة ما اخودها ابدا (ما همة لسة مفتحوش الهدية ) بس لما فتحوها .................................................. .................................................. .................................................. ........


انتو اكيد عرفتوا باقى القصة

[الورده البيضاء]

هههههههههههههههههههههههههههههههههههههههههههههههه
ههههههههههههههههه
حلوة اوى
دمة خفيف خالص
زمان اخو البت قتلها
ههههههههههههههههههههههههه

[الورده البيضاء]

هههههههههههههههههههههههههههه

ايه الشر ده كسرتوا رجل البيبى هههههههههههههه

هههههههههههههههههههه
انا مليش دعوة انا كنت تحت السرير ساعتها وهشام هو اللى نط بيها:D:D:D

[surveyor0000]

اللعبه فكرتها ظربفه اوي يا امل

هاحكيلكم موقف شراني انا عملته ..

كنت عند عمتي و كان ابن عمتي نايم و انا كان نفسي يصحي عشان كنت كل ماروح يجيبلي حاجات حلوه .فطبعا انا مش علي بعضي عايز اصحيه ,,, دخلت له اوضته و فضلت احي فيه
..بس هو نومه تقيل اوي غلبني كل ماصحي فيه مايرداش و انا ازن عليه عشان يصحي مش راضي ابدا في الاخر لما زهق مني زعقلي و نام تاني ... اصلي كنت لسه صغير ايامها .... فتغظت منه

لقيت في المطبخ ازازه سبرتو قمت واخدها و راشش نقطتين عند رجله من تحت و قمت مولع عود كبريت فيها ..

هههههههههههههههههههههههه .... ماوصفلموش المشهد اللي شفته بعدها .يقطع القلب

بس حققت اللي انا عايزه ..صحي طبعا هههههههههههه