لاعضاء المنتدى شباب و انسات

[samomran]

بصراحه انا جايب لكم موضوع و اتمنى من الله انه ينال نقاش حاد جدااا

هو موضوع بيخبط فى كل واحد فينا


و يمكن الشباب يعجبوا من الموضوع و من موقفى منه



طبعا الكل عايز يعرف الموضوع












الموضوع هو


ليه احنا كرجاله لما يبقى لينا تجارب سابقه مش مشكله




و لما يبقى للبنات تجارب سابقه تبقى مشكله



و مشكله كبيره و ممكن يتقال على البنت دى كلام

و ممكن ماتتجوزش اصلا بسس ان كان ليها تجارب تانيه



مش معنى ان اى شاب يروح يرتبط ببنت يكون هو اول واحد فى حياتها



شبابا كتير اوى بيسيبوا البنت اول ما يعرفوا ان كان ليها تجارب سابقه

طب ليه كده

[eslam mamdouh]

سولوم صديقى العزيز

موضوعك لا يتناسب مع الرؤيه التى تنظر اليها المرأه من خلال توقيعك

[eslam mamdouh]

بص يا سولوم


انت تقدر تقول ان الاتنين فى حد ذاتهم خطا

بعمنى ان الطريق الصحيح للارتباط معروف للجميع


انا اللى اعرفه جيدا ان لو شاب احب فتاه حب حقيقى بكل ما تحمل الجمله من معنى مش مجرد مراهقه ان بيتقدم للارتباط رسمى من تلك الفتاه

وذلك للحفاظ عليها فى المقام الاول ولكى يبارك الله فى هذه الحب


اما فكره التجارب والمراهقه .........مرفوض تماما


وبالنطره الدينيه....فلا يفرق الله فى الاحكام بين الحلال والحرام بين الرجل والمراه ابدا.الجميع فى الحكم سواء امام الله وامام حكمهخ

واما الحاله التى يعيشها المجمتع من تفرقه فى الحكم على الموقف بين الرجل والمراه فهو جهل...... وموروث فكرى خطا قديم....يجعل منا سجناء فى بحر الظلام
ومش بس فى التجارب........ده لو قلنا ان فى حاجه اصلا اسمها تجارل ما قبل الزواج............

مثلا

هل لو رايت سيده تجلس على مقهى مثل رجل يجلس على مقهى ( فى حاله شرب الادخنه المختلفه ) مع ان الاتنين خطا؟؟؟؟

هل يتم النظر الى خيانه الزوجه مثل خيانه الزوج؟

هل نطق الالفاظ الغير محترمه فى نظرك من الرجل مثل الفتاه


وغيرها كتير من الامثله

الحل:


اعداه النظر للموروث الفكرى لكل ما يحمله المجمتع من افكار فى ظل المتغيرات الحديثه بما لا يتعارض مع تعاليم الاسلام

شكرا جدا على موضوعك المميز

[Mimi]

من رأيي يااسلام أي شاب بنوي الارتباط بفتاة بيعتبر انه مقبل على حياة جديدة معها

والمفروض ميقلبش في ماضيها احتراما لها ولخصوصياتها لانه ليش له اي حق في التعرف على ماضيها

ونفس الكلام يطبق على الفتاة لما تكون هترتبط بشاب لا تحدثه ابدا عن ماضيه لانها ليس لها الحق في معرفه ذلك

وملهاش انها تحاسبه على سلوكه وتصرفاته وخط سير حياته في الماضي ..يكفي ان الايام الجاية من حياتها كلها هتبقى معاه وان الايام الجاية كلها من حياته هتبقى معاها

طبعآ انا رائيي كان رأي اجتماعي عصري مع نمط الحياة اللي احنا عايشينها دلوقتي لكن بالنسبة للدين فهو يرفض اي نوع من العلاقات غير الشرعية

[AHMED FTIHA]

الاجابه موجودة فى الدين ومحتومة
و الجدال فى الموضوع دة غير مفيد لانة جدال
يعنى لاحيودى ولا حيجيب

[samomran]

و الله يا احمد انا بتكلم بعيد عن الدين


مش كل حاجه يا جماعه تدخلوا الدين فيها


انا بتكلم بعيد عن الدين تماما

و اللى طلبتوا نقاش حضارى


و اهدى يا احمد شويه على

انت كده ممكن تعمل لى مشاكل

[AHMED FTIHA]

و الله يا احمد انا بتكلم بعيد عن الدين

مش كل حاجه يا جماعه تدخلوا الدين فيها

انا بتكلم بعيد عن الدين تماما

و اللى طلبتوا نقاش حضارى

و اهدى يا احمد شويه على

انت كده ممكن تعمل لى مشاكل

اولا يا اسلام انا الحمد لله اسلوبى كويس الحمد لله
ثانيا من فسد دينة فسدت دنياه
ولو شايف ان الدين نفصلة عن الدنيا معلش دة كلام غير حضارى
والموضوع بتاعك مينفعش نتكلم فيه من غير كلام ربنا او الرسول
لانة موضوع حساس شويه

[samomran]

يا احمد انت عارف انا بعزك قد ايه و انك اخويا الصغير

و انا ما اتكلمتش عن اسلوبك خالص
لكنك بتنقدنى نقد هداااااااااام


وانا عارف ان الموضوع حساس و بيمس كل الشباب عشان كده

انا اتكلمت عنه

و انا ما طلبتش انى افصل الدين استغفر الله

لكن انا عايز اتكلم عن الموضوع ده من زاويه الشباب اللى عايش اليومين دول

[kitto]

واللة ياجماعة انا رأيى فى الموضوع دة ان موضوع كبير جدا ومعقد بس بأختاصار اننا لازم نربط الدين بنظرتنا للموضوع دة مع نظرتنا للتغيرات فى المجتمع واقتنعنا التام بضرورة ادخال استفتاء العقل فى الموضوع دة فلازم من وجة نظرى ان يعرف الشاب الفتاة التى سوف يرتبط بيها واللى حتكون شريكة حياتة فى المستقبل لان المجتمع والبيئة اللى بنعيش فيها والفساد الظاهر هو اللى بيفرض علينا دة ولكن هنا يدخل الدين فى ضرورة وضع الحدود فى هذة العلاقة لكى تكون محكومة وتكون مبنية على اساس صح ولكى يبارك اللة فيها ويجمعكم فى حلالة بأذن اللة..........

[samomran]

شكرا ليك

و اسعدنى رايك
و مروروك

و ردك