العمل المساحى للخوازيق

[eslam mamdouh]

موضوع جميل جدا
بس انا ممكن اسأل ازاى بنقيس قوة التحمل للخوازيق ؟
وليه بنحدد مكان الخوازيق بشكل تقريبي ف الاول وبعدين نحدد اماكنها الصحيحة ؟
يعنى ما نحدد المكان الصحيح م الاول
شكرا ليك

شكرا ليكى جدا على اسئلتك المميزه وعلى الرد على الموضوع

اولا احنا بنقيس قوه تحمل الخوازيق كما هو موجود فى الصوره اللى فوق باننا بنحط على الخوازيق حمل معين والحمل ده بيتحدد حسب مكان الخوازيق نفسها ( يعنى كل ما يكون المكان الموضوع فيه الخوازيق بيحتاج الى قوه تحمل اكبر بيزيد قوه تحمل الخازوق) يعنى مثلا المصعد ( الاسنسير) لازم بيكون قوه تحمل الخوازيق الموجوده عليه بيكون اعلى.....ولما بيوصل تحمل الخازوق لدرجه معينه بيكون ده مقدار قوه تحمل الخازوق



واما بالنسبه لمكان الخازوق فهو لا يوضع بشكل تقريبى ....الاستشارى بيوضعه فى مكانه الصح اللى على اساسه بيكون شكل المبنى وتوزيع الغرف فى المبنى واماكن الاعمده...

لكن اللى بيحصل ان الاله الضخمه اللى بدك الخوازيق فى الارض بسبب حجمها وقوه دفعها فهى مش بتضع الخازوق فى مكانه بالملى ....عشان كده بيكون الخازوق مش فى مكانه بيكون مترحل سنتيمترات

ويكون لازم على المساح انه يعيد رفع اماكن الخوازيق من جديد ويرسل احداثياتهم الجديده الى الاستشارى عشان يعدل شكل العمليه الانشائيه على اساس مكان الخازوق الجديد


شكرا جدا ليكى واتمنى ان الفكره تكون وصلت